mánadagur 19. juni 2006síða 28

28 [ Nr. 115 - 19. juni 2006 ] Federer á hædd við Borg Roger Federer hevur nú tangerað metið hjá Bjørn Borg við sigrum í 41 dystum á rað á grasvølli. Federer vann sunnudagin finaluna í ATP-kapping í týska býnum Halle, og tað var kekkin Tomas Berdych, sum stóð fyri skotum. – Hetta er ein stór løta fyri meg, sigur Roger Federer, sum herfyri tapti finaluna í French Open. Hon var tó ikki spæld á grasi, tí á grasi er tað eingin, sum vinnur á Federer. Seinast Federer tapti á grasi, kallaðist ár ið 2002, og kappingin var Wimbledon. Spenningur og drama var í luftini tá TSF leygardagin skipaði fyri landa­veg­ súkklu­kapping. Eli Christiansen vann ein tættan endaspurt, og samanstoytur var millum fleiri súkklarar Súkkling Tíðindaskriv Tórshavnar Súkklufelag skip­aði leygardagin fyri kapping í landavegsúkkling. Teinurin gekk úr Havn, móti bergholinum í Kald­baks­ botni, til Kollafjarðardal og eftir Oyggjarvegnum til Havnar. Startur og mál var við Plantusøluna við Hvítanesvegin. Teinurin er góðar 42 km langur, og leygardagin skuldi súkkl­ ararnir koyra teinin tvær ferðir, tvs. 84 km. Veðrið var av tí besta, og menn fóru við góðum huga uppá súkklurnar kl. 9 leygarmorgunin. Men kapp­ingin var ikki meira enn byrjað tá dramatikkurin meldaði sína komu. Áræka Sundsverkið vóru menn óansnir og tað endaði við at tveir súkklarar rendu saman og máttu gevast. Enn einaferð fingu súkkl­ ararnir sjón fyri søgn um hvønn týdning ein hjálmur hevur. Hjálmurin hjá Sig­ mund Olsson knekkaði av stoytinum hann fekk tá hann rakti asfaltið, og ikki er torført at ímynda sær hvat hevði hent um ongin hjálmur var á høvdinum hjá Sigmundi. Eli vann endaspurtin Allir vóru skelkaðir av hend­ingini, men kappingin helt kortini fram. Tá menn byrjaðu niðankoyringina úr Kollafjarðardali byrjaði tað at følast í beininum, og komnir niðan á vóru tað Eli Christiansen, Torkil Veyhe, og Gunnar Dahl-Olsen, ið fylgdust. Tað gjørdu teir líka til koyrt bleiv aðru ferð niðan úr Kollafjarðardali. Tá byrjaðu kreftirnar hjá Torkil at ganga undan, og Eli og Gunnar sloppu tí undan Torkil. Kappingin stóð nú bara millum hesar báðar. Gunnar royndi tað hann kundi at sleppa und­ an Eli, men illa gekk, og hvørja ferð megnaði Eli at ”lukka holið”, og koyra Gunna inn aftur. Kappingin bleiv tí avgjørd við einum endaspurti, ið Eli vann við hálvari súkklulongd. Torkil og Sverri ein góðan dag Tað sást á øllum brøgdum at Torkil hevur ment seg nógv, og gjørdi hann ein góðan figur leygardagin. Eina løtu royndi hann at koyra undan Eli og Gunnar, men hann bleiv innheintaður nakað seinni. Eisini veteranurin Sverri Mohr Edvinsson hevði ein góðan dag, og verður hugsað um, at hann koyrdi allar teir 84 km at kalla einsimallur, var tíðin hjá honum rættiliga góð. Sverri koyrdi teinin uppá 2 tímar 52 minuttir og 24 sekund. Aðrar kappingar Longu týskvøldið skulu súkkl­ararnir í eldin aftur. Tá verður koyrdur ein eink­ultstartur. Leiðin gong­ ur frá Plantusøluni við Hvítanesvegin, niðan á Oyggj­arvegin, og endar heilt uppi á Sornfelli. Tein­urin er góðar 20 km langur. Tað ljóðar ikki av nógv­um, men at koyra frá landsvegnum niðan á Sorn­ felli er ein drúgvur teinur. Mikudagin fara nakrir súkklarar til Íslands at kapp­ ast í kappingini Tour de Iceland. Hendan kapping er smíðað eftir sama konsepti sum Statoil kring Føroyar, har koyrt verður í fimm dagar á rað. Hart, men stutt­ ligt og spennandi.0 Eli vann dramatiska kapping Ulrich funnið formin Týski súkklumaðurin Jan Ulrich hevur verið fyri hørðum atfinn­ingum í ár. Orsøkin er, at úrslitini hjá honum í ymiskum súkklukappingum hava ikki verið av teimum bestu. Yvirvekt og manglandi fokus hava verið millum atfinningarnar ímóti týska súkklaranum, men nú hevur pípan fingið annað ljóð. Ulrich vann sunnudagin einkultstartin í kappingini Kring Sveis, og hann tóktist betur fyri enn nakrantíð áður í ár. Í næstum verður stóra súkkukappingin Tour de France hildin, og líkt er til, at Ulrich er við at gerast klárur til kappingina. Hesa ferð eydnaðist hjá Eli at basa Gunnari, sum annars hevur vunnið flestu kappingarnar her heima seinnu árini