mánadagur 19. juni 2006síða 30

30 [ Nr. 115 - 19. juni 2006 ] Altjóða talvkappingin fylgir Jóansøkuni og tískil verður telvað í Vági ár. Hans Kristian Simonsen fer at royna at verja sigurin í fjør Talv Carl Eli Nolsøe Samuelsen carl_eli@hotmail.com Manningin er komin uppá pláss, og í ár fara føroyingar væntandi at gera ein vørr eins og í fjør. Tá vann Hans Kristian Simonsen óvæntað kappingina og ognaði sær sín fyrsta og higartil einasta IM-norm. John Rødgaard lá eisini fram við sínum 4. plássi. 2nd Suðuroy Internatio­ nal verður telvað í Vági í døg­unum 24. juni – 01. juli. Kendasti telvarin úr Vági man vera Thorstein Wilhelm, sáli, sum í mong ár telvaði í Havnar Telv­ ingarfelag. Thorstein lut­ tók somuleiðis í tveimum olympiadum, í 1970 og í 1980. Tá var vágbingurin 72 ár og framvegis mill­um bestu telvararnar í land­inum. Danskur ratingfavorittur Kappingin í fjør var sterkari. Eitt nú hevur eingin telvari í ár omanfyri 2400 ratingstig. Í fjør høvdu bæði IM John Shaw úr Skotlandi og IM Emil Hermansson úr Svøríki oman fyri 2400. Men hinvegin er torførari at gita hvør fer at vinna í ár, tí munurin er so lítil millum telvararnar. Undir 100 ratingstig skilja hægst styrkismetta, IM Simon Bekker-Jensen (2393), og 7. styrkismetta telvaran, sum er Hans Kristian (2295). Hetta ger kappingina serliga spennandi og annarleiðis. Simon Bekker er føddur í 1980 og hevði sítt gjøg­ numbrot fyri sløkum 7-8 árum síðani, tá hann vann sær IM-heitið. Síðani hevur hann tó raðfest skúlan hægri enn talv, og er tískil so at siga steðgaður upp. Men hann fer ivaleyst at vera við í oddastríðnum. Stuttligt at veteranurin IM Bjørn Brinck-Claussen er sloppin í part. Hann er farin væl um tey trýss, men gevur framvegis yngru ættarliðunum góða mót­ støðu. Brinckurin er næst­ hægstur styrkismettur. Kvinnuligur stórmeistari tekur lut í kappingini, nevni­ liga Lenka Ptacnikova, ið fyri nøkrum árum síð­ani fekk íslendskan stats­borg­ ararætt. Nilssen, Rødgaard og Ziska Fyriskiparin Rani Nolsøe vónar og væntar, at føroysku um­boðini fara at prýðmynda kappingina. Serliga væntar hann sær nógv av nýkosna altjóða meistaranum, John Arna Nilssen, sum hevði góð úrslit á 1. borði fyri Føroyar í talvolympiaduni. John Arni er maður fyri at vinna á stórmeistarum og tí eigur hann als ikki at óttast IM Bekker-Jensen og hinir tittultelvararnar. John Rødgaard hevði – sum vant – rimmar úrslit í talvolympiaduni. Í 1st Suðuroy International tapti hann einki talv (vann tvey og sjey remis), og í roynd og veru telvar hann kanska sína bestu telving í áratiggir. Rødgaard var tryggur á vinn­andi vestmannaliðnum í 1. deild og var álitið hjá Føroyum í OL. Stjørnuskotið yvir øll­ um, Helgi Dam Ziska, fer eirindaleyst eftir sína triðja IM-normi í Vági. Helgi hevur stabiliserað seg nøkunlunda á 2300- rat­ingmarkinum, og nú er kanska høvið hjá honum at vinna sær sín triðja norm síðani seinasta summar. Spenn­andi verður. Outsidararnir Torført verður hjá Hans Krist­iani at endurvinna kapp­ingina, hóast hon er veikari enn tann í fjør. Eitt gott OL-úrslit viskar ikki øll tey mongu sløku úrslitini seinasta árið hjá Hans Kristiani heilt burtur. Góð kappingarbyrjan tyk­ ist hvørja ferð vera lykilin til eitt gott úrslit hjá koll­ firðinginum. Helgi og Hans Kristian skulu hava 7 stig av 9 fyri at vinna sær norm, meðan Sjúrður Thorsteinsson skal hava 6,5 stig. Í fjør fekk Sjúrður Thorsteinsson fýra javnleikir. Í ár stílar hann ivaleyst hægri, men sum lægst rataði telvarin, fer Sjúrður at fáa tað sera torført. Møguliga røkkur hann 3 stigum. 2nd Suðuroy International 2nd Suðuroy International Nr Navn Land Rating 1 IM Bekker-Jensen, Simon Danmark 2393 2 IM Brinck-Clausen, Bjørn Danmark 2359 3 IM Nilssen, John-Arni Føroyar 2356 4 IM Rødgaard, John Føroyar 2344 5 Ziska, Helgi Dam Føroyar 2306 6 FM Andreasen, Per Danmark 2303 7 Simonsen, Hans Kristian Føroyar 2295 8 Salama, Omar Egyptaland 2214 9 WGM Ptacnikova, Lenka Ísland 2183 10 Thorsteinsson, Sjúrður Føroyar 2067 Tað vakti ans, tá Hans Kristian Simonsen í fjør vann sterku kappingina í Suðuroy. Ein sigur, sum eisini gav Hans Kristiani hansara fyrsta – og higartil einasta – IM- norm Laudrup ikki upp á tal í Madrid Sambært valevninum til forsetavalið í Real Madrid, Juan Miguel Villar, er danin Michael Laudrup ikki upp á tal sum venjari í spanska stórfelagnum. Villar sigur við bretska blaðið News of the World, at hann er farin undir samráðingar við Arsenal-venjaran Arsene Wenger og Juventus-venjaran Fabio Capellio. – Teir eru báðir fantastiskir venjarar, og vit vilja hava tað besta, sigur Villar. Forsetavalið í Real Madrid verður avgjørt tann 2. juli. Zico illur um dystir mitt á degi Brasilska fótbóltslegendan Zico, sum nú er venjari hjá japanska landsliðnum, er í øðini inn á fyrireikararnar av HM-endaspælinum í Týsklandi. Orsøkin var, at Japan var noytt at spæla HM-dysti í brennandi hita mitt á degnum. Tað vóru sløk 30 hitastig, tá ið Japan og Kroatia spældu málleysan javnleik í gjár, og Zico heldur, at tað líkist ongum, dystir skulu spælast í so nógvum hita. – Tað er kriminelt, at vit skulu spæla í slíkum hita aftur. Okkara síðsti dystur var eisini klokkan trý, men fyrireikararnir eru líkaglaðir við hitan. Teir hugsa meira um sjónvarp og forrætning, segði Zico eftir dystin sunnudagin.