týsdagur 20. juni 2006síða 2

2 Nr. 116 - 20. juni 2006 Nr. 113 - 15. juni 2006 – Satelitt-skipanin, sum sigur, hvar skipið er, skal vera í lagi, men tað er ikki altíð, at skiparin veit, um skipanin gerst óvirkin, sigur Elmar Højgaard, leiðari á Fiskiveiðieftirlitinum Sancy-málið Vilmund Jacobsen vilmund@sosialurin.fo Næstsíðstu nátt vóru menn hjá íslendsku sjóverjuni um­borð á føroyska djúp­ vatnstrolaranum, Sancy, sum sambært íslendskum myndugleikum uttan frá­boðan var staddur í ís­lendskum sjógvi. Tað var íslendska verju­ skipið, Óðin, sum var á veg til Bretlands, ið kom fram á føroyska trolaran. Tá ið Óðin bað skiparan á føroyska trolaranum steðga, aktaði hesin ikki boðini, og meðan Sancy sigldi við 9 míla ferð, setti ein tyrla hjá íslendsku sjóverjuni tveir menn umborð á trolaran. Skiparin fekk tá boð um at seta kós móti Eskifirði, har skipið kom seint í gjár. Íslendskar tíðindastovur siga, at tólið umborð á Sancy, sum sigur frá, hvar skipið er, var sløkt, tá ið íslendsku eftirlitsmenninir komu umborð. Hvørki reiðarin ella skip­ arin á Sancy vilja gera við­ merkingar til hend­ingina, fyrr enn málið hevur verið fyri í rættinum. Blanda seg ikki Elmar Højgaard, leiðari á Fiskiveiðieftirlitinum, sigur, at teir vita einki meira um Sancy-málið enn tað, sum frættist úr Íslandi. – Tað, sum vit hava lisið ímillum reglurnar, er, at ikki er vist, at Sancy hevur brotið íslendsku fiski­ veiðireglurnar. Hin­vegin skilst, at skiparin ikki aktaði boðini hjá íslendsku sjóverjuni, sum hann hevur skyldu til í íslendskum sjógvi. Elmar sigur, at Fiski­veiði­ eftirlitið í Føroyum blandar seg ikki í uppgávurnar hjá Fiskiveiðieftirlitinum í Íslandi – og øvut. – Taka vit íslendsk – ella onnur – skip í før­ oysk­um sjógvi, er skipið í hondunum á føroyskum myndugleikum, og soleiðis er eisini, tá ið íslendskir myndugleikar taka føroysk skip í íslendskum sjógvi. Hann sigur, at føroyskir fiskiveiðimyndugleikar halda seg ”kúrrar”, til út­spæl kemur úr Íslandi í mál­in­um. Elmar sigur, at Sancy liggur nú á Eskifjørðinum, har íslendska løgreglan kannar málið. – Skipið var inni seint í gjár, og í dag er løg­ reglan farin at kanna viður­ skiftini. Hann væntar, at dagurin í dag fer til hesar kanningar og síðan fæst at síggja, hvørji stig íslendsku mynd­ ug­leikarnir taka. Skylda at boða frá Elmar Højgaard sigur, at tá ið føroyskt skip fer í íslendskan sjógv, hevur skipið skyldu at boða frá hesum frammanundan. – Satelitt-skipanin, sum sigur, hvar skipið er, skal vera í lagi, men tað er ikki altíð, at skiparin veit, um skipanin gerst óvirkin. Elmar vísir á, at Fiski­ veiðieftirlitið sær, um sate­ litt-skipanin umborð á før­ oyskum skipum er virkin, og tað hendir seg meira enn so, at eftirlitið noyðist at seta seg í samband við skip og boða frá, um skipanin av eini ella aðrari orsøk ikki virkar, sum hon skal. Vit spurdu eisini Elmar, hvussu ”strangt” tað er við satelitt-skipanini – og um skip yvirhøvur kann vera til fiskiskap, um skipanin gerst í ólagi. – Tað er ikki soleiðis, at veiðiloyvi av sær sjálvum fellir burtur, um skipanin gerst óvirkin á túrinum, og tað kemur eisini fyri, at vit hava givið skipum loyvi at gera túr lidnan, um skipanin er vorðin í ólagi á túrinum, sigur leiðarin á Fiskiveiðieftirlitinum. Elmar Højgaard sigur, at skipanin virkar á tann hátt, at føroysk skip, sum hava satelitt-skipan, senda signal til Fiskiveiðieftirlitið, og tá ið hesi royna í fremmandum sjógvi, fer signalið um føroysku skipanina víðari til myndugleikarnar í tí landi, har skipið fiskar. TÍÐINDI SAMBAND eirikur lindenskov@ eirikur@sosialurin.fo tlf 341800 fax 341801 Leiðarin á Fiskiveiðieftirlitinum: – Vit blanda okkum ikki í arbeiði hjá íslendskum fiskiveiðimyndugleikum Leiðarin á Fiskiveiðieftirlit­inum, Elmar Højgaard, sigur, at føroyskir fiskiveiðimyndugleikar halda seg ”kúrrar”, til útspæl kemur úr Íslandi í málinum um Sancy Mynd: Skipalistin Sýslumaðurin og løgreglan á Eskifirði kanna nú viðurskiftini umborð á Sancy – fyri at finna fram til sannleikan.. Dagmar Sigurðardóttir