hósdagur 29. juni 2006síða 39

Nr. 123 - 29. juni 2006 39 Eftir steðgin gjørdist dysturin nakað nógv meira spennandi, enn flestu HB’arar mundu bríggja seg um. Ikki minst, tí munurin fyri steðgin var heilt sjónligur Fótbóltur Jákup Mørk jakup@sosialurin.fo Steypafinalan í ung­linga­ deildini stóð á skránni miku­ kvøldið. Tað var ikki frítt, at spenningurin var stórur millum viðhaldsfólkini hjá bæði HB og KÍ, men luftin tóktist fara úr hesum mest sum alt fyri eitt. Stórur munur HB var nevnliga greitt omaná frá byrjan. Tað var rár hending, at KÍ yvir høvur vitjaði á mótstøðuhálvuni, og tað gingu bara átta minuttir, áðrenn Pætur Jørg­ensen hevði skotið havn­armenninar framum, tá hann fangaði returbólt eftir gjøgnumbrot frá Ólavi í Ólavsstovu. Og átta minuttir seinni var aftur galið. KÍ hevði annars júst havt meira enn 100% møguleika, eftir at HB-málverjin fór skeivur av høgum bólti, men onk­ urs­vegna fór skotið við síðuna av málinum, eftir at KÍ’arar trígg jar høvdu spælt millum sín í brotsteiginum. Og so revsaði HB í hin­ um endanum. Horna­sparks­ innlegg varð sent í brots­ teigin, og har kundi Jákup Slættalíð stýra bóltinum í netið. Og restina av hálvleikinum stýrdu havnarmenninir fult og heilt. Bæði sum lið og spælara fyri spælara tóktist liðið hjá HB at innihalda nakað væl meira av kvaliteti. Royndirnar á málið vóru eisini fleiri, og hóast KÍ hevði onkran vandamiklan kontrabólt, so tóktist tað bert vera ein spurningur um tíð, áðrenn dysturin fullkomuliga varð punkteraður. Óvæntaður spenningur Eftir steðgin broyttist gongd­ in nakað. HB tóktist taka tað meira róligt, og spakuliga arbeiddi KÍ seg meira inn í dystin. Berandi spælararnir á liðnum fingu eisini nógv betri tak á, og spakuliga spurdust møguleikar eisini burturúr. Og tá teir so 20 minuttir fyri leiklok minkaðu eftir frísparksinnlegg til handara stólpa, og tá málverjin ikki helt innlegg inum, kundi Álvur Christiansen stúta í kassan. Og so var av álvara lagt upp til trýst seinastu løtuna. Teir reyðu og svørtu tóktust ikki heilt álvuligir, nú KÍ brádliga var um at fáa fatur á dystinum. Frustratiónir vóru eisini at sígg ja, tá dóm­ arin nakrar ferðir mátti taka gula kortið fram eftir grov fríspørk, men útjavningin kom tó ikki. Ístaðin kundi Jóan D. Holm trígg jar minutt­ir fyri tíð drepa dyst­ in. Á markinum til rang­ støðu varð hann sendir inn um mótstøðuverjuna, og hóast KÍ royndi at fáa linju­dómaran at veittra, so var Jóan ískaldur, tá hann smekkaði fram við mál­verjanum. 3-1 til HB, sum soleiðis aftur setti seg á steypa­kapp­ingina í ung­ linga­ deildini. SAMBAND jákup mørk jakup@sosialurin.fo tlf 341800 fax 341801 »…På dansk må det nok være Statsminister-pokalen, så det er eg meget fin turnering vi har med at gøre« Ingi Højgaard, sakførari, tá hann fyri danska dómaranum legði fram ákæruritið hjá HB Kendu okkum ikki tryggar Ein av mest týðandi spæl­ arunum á vinnandi HB- liðnum mikukvøldið var Ólavur S. í Ólavsstovu, sum eisini var liðskipari. Hóast HB gjøgnum­ gangandi var betra liðið í finaluni, so ásannaði Ólavur, at tað eina løtu í seinna hálvleiki stóð heilt nógv á. – Vit legg ja okkum kanska ótilivitað dekan ov langt aftur á vøllin, og so koma vit undir trýst. Var tað kanska eisini, tí tit kendu tykkum vísar í sigrinum eftir fyrra hálv­leik? – Avgjørt ikki. Vit vistu, at KÍ vildi gera alt, sum stóð í teirra makt, fyri at vinna dystin. So um vit bakkaðu, so var tað heilt víst, at teir fóru at trýsta seg frameftir. Tá teir so eisini skora til 1-2, verða vit rættiliga nervøsir, og tí var triða málið ein øgiligur lætti at fáa, staðfesti Ólavur. Hetta var annars næsti harði dysturin upp á bara fimm dagar hjá Ólavi. Leygardagin spældi hann 90 minuttir, tá HB tapti tepur fyri FC Dinaburg, og sunnudagin er grannauppgerð í For­ mula-deildini móti B36 á skránni. Men hóast hann kanska tóktist dekan tungur móti dystarenda mikukvøldið, so helt hann ikki, at hetta fór at nerva til sunnudagin. – Ein dyst móti B36 er mann altíð klárur til. Talan er um granna­ uppgerð, og tað ger altíð, at tú ert eyka uppsettur, ljóðaði svarið, áðrenn hann aftur fór yvir til liðfelagarnar. -mørk HB-KÍ 3-1 (2-0): Uppiborið HB-steyp HB-KÍ 3-1 (2-0) 1-0: Pætur Jørgensen, 7. 2-0: Jákup Slættalíð, 17. 2-1: Álvur Christiansen, 71. 3-1: Jóan D. Holm Dómari: Eiler Rasmussen HB: Birgir Poulsen – Ingvard Dam, Niclas Eysturoy, Jákup Slættalíð, Johan Borðoy – Ólavur S. í Ólavsstovu, Mikkjal Hvannastein, Poul Thomas Dam – Pætur Jørgensen, Tróndur Sigurðsson, Poul Kjartan Dam Skiftispælarar: Atli Mikkelsen, Rói Danielsen, Jóan D. Holm, Dánjal Davidsen, Tróndur Kragesteen Gul kort: Rói Danielsen, Ingvard Dam, Johan Borðoy KÍ: Mathias Samuelsen – Rudolf Eliasen, Steffan Kalsø, Ari Samson -– Álvur Christiansen, John Hammer, Kristian Andreasen, Eli Simonsen, Kristoffur Jacobsenn, Sigmund Jacobsen – Páll Klettskarð Skiftispælarar: Sylvan Jacobsen, Høgni Eliasen, Bjarki Vágstún, Henry Heinesen, Niels Pauli Danielsen Gult kort: Kristian Andreasen, Eli Simonsen, John Hammer, Kristoffur Jacobsen, Sigmund Jacobsen FAKTA UM DYSTIN HB-unglingarnir, sum vunnu steypakappingina mikukvøldið. Aftara rað John Eystberg, venjari, Jákup Slættalíð, Rói Mohr Danielsen, Tróndur Sigurðsson, Niclas Eysturoy, Poul Thomas Dam, Ingvard Vang, Poul Kjartan Dam, Mikkjal Hvannastein og Jan C. Dam, venjari. Húkandi eru Pætur Jørgensen, Atli Mikkelsen, Jóhan Petur Holm, Tróndur Kragesteen, Birgir Poulsen, Ólavur í Ólavstovu og Yohan Borðoy ÍTRÓTTUR