mikudagur 19. juli 2006síða 21

21 [ Nr. 137 - 19. juli 2006 ] FM í kast verður leygardagin Her í hægstu summartíð byrja FM kappingarnar á bana innan frælsan ítrótt. Tann fyrsta av hesum kappingum verður komandi leygardagin, tá ið Bragdið, vegna FÍF, skipar fyri FM í spjótkasti, diskuskasti og hamarkasti. Kappingin verður á kastivøllinum við Eysturskúlan í Havn, og byrjað verður við spjótkasti kl 14.00, síðan verður kappast í diskuskasti og at enda í hamarkasti. Tey, sum hava hug at verða við í onkrari av hesum kappingum, kunnu tekna seg umvegis heimasíðuna www.athletics.fo ella ringja á 213775 áðrenn fríggjakvøldið kl. 20.00. Tað tykist, sum hava hvørki Dómsnevnd ella Ítróttardómstólur eftirkannað, hvørjar dystir Knút V. Vesturtún hevur spælt fyri EB/Streym, nú ivi aftur verður sáddur um loyvi hansara at spæla fyri felagið. Hann spældi ongan dyst fyri EB/Streym, fyrr enn spæliloyvið sambært yvirliti hjá FSF var í lagi HB-málið Jákup Mørk jakup@sosialurin.fo » Soleiðis sum mál­ið er upplýst fyri Ítrótta­dóm­stól­ inum, er sannlíkt, at tveir aðrir leikarar hava leikt í sama leikumfari sum HB í steypakappingini, uttan at hava loyvisbræv til tað felag, ið leikt varð fyri.« Soleiðis ljóðar partur av samlaða úrskurðinum, sum Ítróttardómstólurin um vikuskiftið gjørdi í Páll M. Joensen málinum. Í hesum verður víst til samskifti, sum undir við­ gerðini hevur verið millum Dómsnevndina og FSF- um­sitingina. Spældi 30. apríl Hetta samskifti hevur Út­varpið fingið hendur á, og mánakvøldið ljóðaði staðfestingin haðani, at »FSF ásannar at spæliloyvini hjá Knút Vesturtún og Klæmint Matras eru ikki í lagi.« Og víðari var staðfest­ ingin, at bæði HB, B36 og EB/Streymur kunnu verða dømd at tapa dystir, nú Páll M. Joensen málið skal viðgerast av nýggjum. Men hetta er nú ikki heilt rætt. Sambært tí, sum varð ført fram í Útvarpinum, so kann EB/Streymur nú anda púrasta róliga. Sagt varð nevnliga, at Knút Vesturtún ikki var at finna aftur í EB/Streymi fyrr enn 25. apríl – tá fimm umfør vóru spæld av landskappingini. Men veruleikin er samstundis, at Knút fram til flaggdagin als ikki hevði spælt dyst fyri EB/ Streym. Knút var nevnliga skaddur í uppstartinum av kappingarárinum, og tí var fyrsti dystur hansara ikki fyrr enn 30. apríl. Ein veruleiki, sum hvørki FSF- umsitngin, Dómsnevndin, Ítróttardómstólurin – og fyri tað fjølmiðlar – hava ansað. Eru hvør sítt Tá hetta er sagt, so er tað samstundis ein veruleiki, at skrásetti listin yvir spælarar og faktiska spæliloyvið eru púrasta hvør sítt hug­tak. Hóast ætlanin við spæl­ aralistanum er, at FSF við tíðini skal hava eitt amboð, sum er eitt fullkomið yvirlit yvir spæliloyvi, so er listin í sjálvum sær einki verdur sum grundarlag undir nøkrum máli. Og tað er í hesum sambandi eisini vert at hava í huga, at alt málið um Páll M. Joensen ikki snýr seg um, at spælarin ikki var á listanum. Men at sjálvspæliloyvið ikki var í HB. Orðingin í brævinum frá FSF-umsitingini staðfestir nevnliga einki annað enn tað, sum skrásetingarnar – t.e. spælaralistin – vísa. Har verður nevnliga staðfest, at sambært »limalistanum« hjá HB frá 31. mai 1998 er hann at finna í HB. Og at hann sambært »limalistanum« hjá EB/ Streymi er aftur at finna har flaggdagin í ár. Somuleiðis hevur spæl­ arin verið at finna á spæl­ aralistanum hjá HB frá 1998, men heldur ikki hann kann nýtast sum nakað grundarlag í málinum. Tí er spurningurin enn sum áður, hvørt Knút Vest­ urtún nakran tíð er fluttur formliga úr EB/Streymi til HB. Og – um so er – hvørt spælarin formliga er fluttur aftur úr HB til EB/Streym. Claus spældi fulla tíð Claus Bech Jørgensen spældi allar 90 minuttirnar, tá ið Coventry mánadagin spældi venjingardyst á ferð sínari í USA. Claus skuldi annars seljast til annað felag í summar, men hann heldur fram í Coventry, og hann hevur spælt við í fleiri av venjingardystunum undan nýggja kappingarárinum. Coventry spældi mánadagin ímóti Haloswen Town, og teir taptu 3-1. Coventry kom á odda, men misti so takið á dystinum. Claus Bech Jørgensen hevði ein gyltan kjans at skora, tá ið støðan var 2-1, men hann misnýtti góða tilboðið. EB/Streymur kann taka tað róliga Formula­ liðið Ítróttar-Sosialurin mannar Formulaliðið við spælarum, sum stóðu seg væl í 17. umfari av Formuladeildini Knút Vesturtún hjá EB/Streymi er drigin upp í endaleysa málið um spæliloyvið hjá Páll Mohr Joensen, men hann hevur eftir øllum at døma ikki spælt ólógliga í hesum kappingarárinum Tað kostar at sleppa av við Nordlie Norska felagið Start skal av við fleiri milliónir krónur, eftir at teir søgdu venjaran hjá sær úr starvi í farnu viku. Fráfarni venjarin krevur eina stóra milliónaupphædd sum endurgjald fyri uppsøgnina Fótbóltur Eyðun Klakstein eydun@sosialurin.fo Fyri einum hálvum ári síðani skrivaðu Start og venjarin Tom Nordlie und­ir ein nýggjan sátt­ mála, sum skuldi galda næstu trý árini. Nú hev­ur Nordlie fingið sekk­in í Start, og hann ætlar sær at krevja eitt stórt endurgjald fyri uppsøgnina, sigur advo­ katurin hjá honum. Start skal eftir sátt­mál­ anum gjalda Nordlie løn næstu hálvttriðja árini, men partarnir skulu í næst­­um sámráðast um eina semju, so at Nordlie kann fáa eitt endurgjald og samstundis gerast leysur av sáttmálanum. Fedrelandsvennen skriv­ar, at Start verður noytt at gjalda eina milli­ óna­upphædd til Nordlie, samstundis sum nýggi venjarin, Stig Inge Bjørne­bye, skal lønast av felagnum. Harvið fer venj­araskiftið at kosta felag­num nógvar peng­ ar. Tom Nordlie vil einki siga um við fjølmiðlarnar í løtuni, og í Start hevur leiðslan nú verið frammi og takkað Nordlie fyri arbeiðið, sum hann hev­ ur gjørt í felagnum. Sam­ stundis váttar leiðslan, at partarnir um tvær vikur skulu hittast til ein fund, har eitt fíggjarligt endurgjald til Nordlie skal viðgerast.