hósdagur 20. juli 2006síða 13

Nr. 138 - 20. juli 2006 13 Evenus. Grikska navnið Evenus er ikki at finna í halgimannatali, men er onkursvegna komið upp í álmanakkarnar frá 1727. Dagurin í morgin Ása Kristiansen 80 ár Leygardagin 22. juli verður mamma, vermamma og omma okkara, Ása Krist­ iansen, f. Colbjørnsen, á Skála, 80 ár. Ása er fødd í Hesti, og foreldrini vóru Sivar og Elisabeth, vanliga nevnd Betty. Ása er elst av 5 systkjum, 4 systrar og 1 beiggi. Sum ung fór Ása til Havnar at ganga í prelim­i­ ner­­skúla og fór síðan til Dan­markar at læra til sjúkrasystir á Bispebjerg Hospital. Hon giftist í 1955 við Sigvaldi Kristiansen úr Fuglafirði, sum tá las til lækna. Tey fyrstu árini var mamma einsamøll um at forsyrgja ungu familjuni, manni og tveimum synum, til Sigvald var liðugur við lesturin, og tey fluttu heim aftur í 1960. Ása og Sigvald fingu 4 synir og eiga í dag 15 ommu- og abbabørn. Í 30 ár arbeiddi mamma sum læknaskrivari hjá pápa, sum var kommunu­ lækni á Skála. Umframt familju og arbeiði hevur hon verið virkin í bygda­ lívinum, serliga í arbeiði­ num í Meinigheitshúsi­num. Har hevði hon sunnudags­ skúla í nógv ár, og saman við øðrum var hon við til at byrja reglulig ungdóms­ møti í bygdini. Mamma hevur altíð dámað væl at verið úti í náttúruni, og vit hava góð minni um mangan hugna­ ligan hagatúr sum smá­ dreingir. Vit minnast eisini við gleði aftur á felags uttanlandsferðir í samban­ di við rundar føðingar­ dagar hjá tykkum báðum og ikki minst frálíka gull­ brúdleypstúrin í Hetlandi síðsta summar, har vit eis­ ini fingu Oyggjaleikirnar við. Ásu dámar væl at binda, og tað munnu vera hundrað­ tals pløgg, sum hon hevur bundið til okkum í fam­ iljuni. Hon er hjálpsom at taka eina hond í, og ofta hevur verið gott at kunna heitt á hana um at vera dadda, bæði á Skála, í Kollafirði, á Strondum og í Værløse. Mamma kann í dag hygg­ ja aftur á 80 hendingarík ár, har stórar broytingar eru farnar fram. Eitt virkið lív, har hon saman við manninum hevur bygt upp eitt hugnaligt heim, sum altíð tekur væl ímóti gest­ um, serliga ommu- og abbabørnunum. Góða mamma, vermamma og omma – vit ynskja tær hjartaliga til lukku við degnum og Guds signing framyvir. Súni, Arnbjørn, Regin og Bogi v/ familjum Jóhanna Matilda og Elin, sum hava verið við frá byrj­ anini, tá Poppkorn hevði sína fyrstu framførslu á Mjús í fjør, eru givnar í bólkinum. – Tá vit hava aðrar ætl­ anir, valdu vit at gevast tíðliga í summar. Vit vilja takka øllum fjepparum, ið altið stóðu við stórum smíli og hugdu niðan á pallin. Vit hava havt nógvar góðar løtur saman við tykkum. Eisini vilja vit takka øllum, sum hava stuðlað okkum, familju og vinum, skúla og flokslærara, siga tær báðar Jóhanna Matilda og Elin í eini heilsan til fjepparar sínar Poppkorn gentur gevast Tøkk Hjartaliga takka vit øllum, sum sýndu samkenslu tá kæri maður og pápi okkara Ted Shiner úr Poole í suður Onglandi andaðist og varð jarðaður. Stóra tøkk fyri uppringingar, heilsanir, blómur og fyri peningagávur til »The Royal Artilleri Charitable fund«. Familjunnar vegna Astrid Shiner (Lamhauge) Andrew og Peter