mikudagur 2. august 2006síða 14

14 Nr. 146 - 2. august 2006 tíðindi Akvarium í Íshúsinum Hópurin, sum leitaði sær heim í nýggja akvariumið, var so stórur, at fyrireikararnir púrasta vórðu tiknir av bóli. Á ólavsøku lat fyrsta ak­ variumið í landinum dyrn­ ar upp fyri almenn­ingi­ num. Tað eru feðgarnir báðir, Bjørki og Dávid Geyti, sum hava tikið stig til verkætlanina, ið hevur til húsa í Íshúsinum á Argjum. Bjørki Geyti sigur, at teir eru ovurhonds nøgdir við tiltakið, og hann metir at eini 2-3000 fólk vitjaðu í Íshúsinum. – Vit høvdu lýst við, at opið var fríggjadag og leygardag millum klokkan 14 og 18. Men av tí, at so nógv fólk vóru inni, fingu vit ikki latið aftur fyrr enn um níggjutíðina á kvøldi, sigur Bjørki Geyti. Og hann avdúkar, at hann eis­ ini lovaði nøkrum fólkum inn sunnudagin, og at knappliga vóru eini 300 fólk inni. – Eg haldi at junglu­ trummurnar fóru í gongd og at fartelefonirnar hava gingið kykar hesa lítlu løtuna, sigur Bjørki Geyti. – Og eg má enn einaferð gera vart við, at talan er bert um eina fyribils fram­ sýning, og var endamálið í stóran mun at geva fólki eina fatan av, hvat er teim­ um í væntu, sigur Bjørki Geyti. Og hann sigur seg vóna, at akvariumið kann lata upp fyri almennum- og skúlavitjanum einaferð í heyst, tí tá skuldi verið nóg gott og fjølbroytt grund­arlag verið fyri ein­ ari áhugaverdari og fjøl­ broytt­ari framsýning. Og hann roknar við, at tørvur verður á at tvey starvsfólk fara at starvast á akvari­ uminum burturav, og at onnur kunnu verða tikin inn, um tørvur er á tí. – Vit hava atgongd til bát, so tað fer at bera til at flota hann við eitt nú skúla­ flokkum, sum síðani kunnu arbeiða víðari við tí sum tey hava fanga, inni í ak­ variuminum, sigur Bjørki Geyti. Hóast vitjanin á ólavsøku var ókeypis, so roknar Bjørki Geyti við, at fólk framyvir skulu rinda fyri at koma inn. Men at ser­ stakar skipanir verða fyri bólkar og barnafamiljur. – Men væntandi fara vit framyvir at gera tað ókeyp­ is á ólavsøku, tí tað er ein góður háttur at markn­að­ arføra verk­ætlanina, sigur Bjørki Geyti. Góður faldari Í faldaranum, sum fólk kundu fáa sær á fram­sýn­ ingini, hava fyriskiparar­ nir greitt frá um verk­ætl­ anina, og vit prenta burtur úr henni her: Í nógvum førum hava tankar verið frammi, um at seta á stovn eitt akvarium í Føroyum. Biofar verkætl­ anin var gróðrarbotnur fyri einari rúgvu av spennandi granskingar verkætlanum. Ein tanki, sum búnaðist í sambandi við Biofar verk­ ætlanina, undir leiðslu av Arna Nørrevang, var tank­ in um eitt akvarium í Før­ oyum. Royndir vórðu gjørdar í kjallaranum í fiskahúsinum í Kaldbak, og áhugin fyri hesum smáu royndum var ómetaliga stórur. Síðst í 90’unum var ætlanin at byggja eitt stórt akvarium á Sandágerði í sambandi við eina sam­an­ Vakri búnin var eingin forðing, tá dýpið skuldi granskast. Hygg ein vakur krossfiskur Ein risastórur djúphavskrabbi hevur fangað ein hummara, sum var partur av framsýningini. Í stóra akvariuminum, sum stendur fram við vegginum, eru skeljadjór, krabbar, plantur og hýsur. Ólavsøkan Rigmor Dam rigmor@sosialurin.fo Myndir: Rigmor Dam