mánadagur 7. august 2006síða 5

Nr. 149 - 7. august 2006 5 tíðindi Í seinastuni eru søgurnar rættiliga farnar at ganga í Sandoynni um, at stórar íløgur verða gjørdar í Skálavík í næstum. Linjohn Christiansen, borgarstjóri í Skálavík, váttar, at umsókn er komin um eitt øki, sum 11.000 fermetrar til víddar, og at bygdarráðið hevur játtað hesum SANDOY theodor@sosialurin.fo Stórur áhugi er fyri Sand­ oynni í hesum døgum. Eftir at Sandur hevur fingið lista­ savn, og at ætlanir eru um at geva bygdini bókasavn, eru leysasøgur farnar at ganga um, at stórar íløgur verða gjørdar í Skálavík. Graml hevur verið eina tíð í oynni um, at Eiler Jacobsen, reiðari, hevur ætl­ anir um at byggja ítróttar­ høll, svimjihøll og sam­ komuhús í bygdini. Sjálvur vil Eiler Jacob­ sen ikki gera nakrar við­ merkingar til málið, men Linjohn Christiansen, borgarstjóri, váttar fyri Sosialinum, at ein umsókn er komin til bygdarráðið í Skálavík um eitt øki, sum er 11.000 fermetrar til víddar, og at bygdarráðið hevur játtað. - Hetta er viðgjørt í ein­ um jaligum anda í bygdar­ ráðnum, sigur Linjohn Christiansen, sum tó leggur afturat, tey nú arbeiða við tí løgfrøðiliga partinum av málinum, og at tey nú bíða eftir, hvussu leikur fer. Endurskoða bygging av ítróttarhøll Páll á Reynatúgvu, bygda­ ráðsformaður á Sandi og annar av tingmonnunum fyri Sandoynna, sigur seg einki kenna til málið frá bygdarráðsarbeiðnum á Sandi, men at hann hinvegin sum so nógv onnur hevur lagt oyra til slaturin um hetta málið, og um hald er í tíðindunum, heldur hann hetta vera sera positivt. – Vit kunnu skjótt lata eina gávubúð upp í Sand­ oynni, sigur Páll á Reyna­ túgvu skemtandi. Sandoyartingmaðurin metir hinvegin, at hetta kann føra við sær, at kommunurnar í oynni, sum gjøgnum skúlasambandið eru komnar rættiliga langt í ætlanunum við at byggja nýggja ítróttarhøll í oynni, noyðast at endurskoða hesa verktætlan. Gerhard Lognberg, bygda­ráðs­formaður í Skop­ un og tingmaður fyri Sand­ oynna, er formaður í skúla­ sambandinum, sum stendur fyri byggingini av nýggjari ítróttarhøll. Hann sigur seg einki kenna til málið. Tí kann hann ikki siga, um hetta fær avleiðingar fyri ítróttarhøllina hjá kommunum í oynni, men hann sigur seg kortini fegnast um tíðindini. – Hann skal vera meira enn hjartaliga vælkomin, sigur Gerhard Lognberg. Linjohn Christiansen, borgarstjóri, váttar, at bygdarráðið í Skálavík hevur fingið eina umsókn um eitt øki, sum er 11.000 fermetrar til víddar. Enn er óvist, um hetta fær avleiðingar fyri ítróttarhøllina, sum kommunurnar í Sandoynni ætla at byggja Stórar ætlanir í Skálavík