mikudagur 9. august 2006síða 26

Nr. 151 - 9. august 2006 31 + www.bio.fo • Telefon 31 19 56 Stórt úrval av DVD-filmum til sølu Pirates of Carribean 2 Mikudag 09.08. kl. 21.30 Hósdag 10.08. kl. 21.30 Garfield 2 Mikudag 09.08. kl. 16.30 Hósdag 10.08. kl. 16.30 DISTRIBUERET AF UIP WWW.UIP.DK ©DISNEY ENTERPRISES, INC WALT DISNEY PICTURES PRÆSENTERER The Break-up Mikudag 09.08. kl. 19.00 Hósdag 10.08. kl. 19.00 WWW GARFIELD2 DK MED DANSK TALE Peter Pedal Mikudag 09.08. kl. 15.30 kl. 17.30 Hósdag 10.08. kl. 15.30 kl. 17.30 Superman Mikudag 09.08. kl. 19.30 kl. 22.45 Hósdag 10.08. kl. 19.30 kl. 22.45 uip.dk TM KOMANDI FILMUR Take the Lead Fríggjadag 11.08. FRUMSÝNING SAMBAND árni joensen fartekst@mail.dk ÚTLOND Í hesum døgum tosa altjóða fjølmiðlarnir bara um kríggið í Libanon, og tí frættist einki frá krígnum í Gaza. Men tað heldur fram Bardagarnir í Gaza halda fram í skugganum av kríg­ num í Libanon, og tann seinasta mánaðin hava 169 palestinar latið lív í ísraelskum álopum. Bara ein ísraelskur hermaður er fallin, og hann doyði, tá ísraelskir hermenn skutu hann av misgáum. Síðani víðgongdir pale­ stinar burturfluttu ein ísraelskan hermann tann 25. juni, hevur ísraelska hermegin søkt av nógvum málum í Gaza-geiranum. Ísrael sigur, at herurin og flogvápnið hava fingið boð um at oyðileggja samskiftis- og samferðslukervið hjá yvirgangsmonnunum. So seint sum mána­dagin bumbaðu ísraelsk flogfør mál í Gaza. Palestinar hava svarað álopunum við at senda 71 heimagjørdar rakettir inn í Ísrael. Í sama tíðarskeiði hava ísraelsmenn skotið 1.050 granatir inn í Gaza-geiran, skrivar AP. Í gjár royndi ein norsk semingsnevnd at sleppa inn í Gaza-geiran, men mátti venda aftur, tí Ísrael hevði stongt marknaliðini. Útlendskir eygleiðarar hava smáar vónir um frið í Gaza, eftir at ísraelski herurin hevur tikið formannin í palestinska tjóðartinginum við teirri grundgeving, at hann er limur í Hamas. Tann seinasta mánaðin hava ísraelsmenn tikið 64 Hamas-leiðarar. Ísraelsku álopini á Gaza hava fingið fólk at venda sær ímóti Ísrael. Í januar vísti ein meiningakanning, at bara 25 prosent av palestinunum í Gaza tóku undir við ætlanini hjá Hamas at strika Ísrael av heimskortinum. Nú vísir ein tilsvarandi kanning, at 55 prosent styðja Hamas. Tann sama kanningin vís­ ir, at 97 prosent av pale­ stinunum styðja Hizbollah í bardaganum við Ísrael. Frakland og USA ætla at gera enn eina roynd at orða eitt uppskot, sum skal fáa frið í Libanon. Tað fyrsta uppskotið um vápnahvíld í Libanon fór fyri bakka, tí hvørki libanska stjórnin ella Arab­ iska Samgongan kundu góðtaka tað, tí tað kravdi ikki ísraelska afturtøku úr Suðurlibanon. Men Frakland og USA gevast ikki so. Aftan á ein fund við umboð fyri Arabisku Samgonguna í gjár segði franski ST- sendiharrin, Jean-Marc de la Sabliere, at tey bæði londini fara at gera eina roynd afturat. - Hesaferð ætla vit at gera eitt uppskot, sum all­ ir partar kunnu taka undir við, og vónandi kann tað samtykkjast í trygdar­ráð­ num seinni í vikuni, segði sendiharrin, eftir at hann hevði tosað við tey arabisku umboðini. Á fundinum við franska ST-sendiharran gjørdu tey arabisku umboðini greitt, at ísraelsk afturtøka er ein treyt fyri, at tann arabiski heimurin kann góðtaka eina vápnahvíld. Uttanríkisráðharrin í Qatar, Hamad bin Jassem bin Jabr al-Thami, legði ikki fingrarnar ímillum: - Tað verður borgarakríggj í Libanon, verða teir ísra­ elsku hermenninir ikki tiknir úrlandinum, segði hann. Hann vildi vera við, at ST-trygdarráðið hevði sitið hendur í favn og hugt at tí, sum hendir í Libanon. - Trygdarráðið skuldi heldur gjørt alt fyri at steðga blóðbaðnum, sum er vorðið gerandisdagur hjá libanska fólkinum, segði al-Thami og legði afturat, at tað, sum nú hendir, fer at elva til meiri hatur og stríð í økinum. Samstundis sum Frakland og USA arbeiða við at orða eitt uppskot um vápnahvíld, kunngjørdi ísraelska stjórnin, at hon umhugsar at herða átøkini í Libanon. Sum skilst umhugsar stjórnin at senda ísraelska herin norður til libansku ánna Litani, sum er einar 20 kilometrar norðan fyri markið. Lupu á flóttafólkalegu Libanskar keldur upplýstu í morgun, at ísraelsk herskip høvdu søkt at einari palestinskari flóttafólkalegu í Suðurlibanon í nátt. Eingin doyði í álopinum, men libanska løgreglan segði, at 15 fólk, teirra millum fleiri børn, vórðu særd. Umleið 50.000 palestinar búgva í leguni, og hetta er fyrstu ferð, at ísrael hevur søkt at henni. Sambært libansku keldunum sendi eitt ísraelskt herskip tvær granatir inn í leguna. Tað hevur Ísrael váttað, men sigur, at granatirnar vóru ætlaðar Hizbollah- limum, sum fjaldu seg í flóttafólkaleguni. Tað gloymda kríggið í Gaza Royna aftur Palestinski forsætisráðharrin, Ismail Haniyeh, kannar skaðan av einum ísraelskum rakettálopi. Mynd: Reuters