fríggjadagur 11. august 2006síða 5

Nr. 153 - 11. august 2006  tíðindi Jørgen Niclasen vísir aftur, at Fólkaflokkurin varð trýstur at koyra Jógvan við Keldu úr landsstýrissessinum av hinum samgonguflokkunum og løgmanni. - Avgerðin var okkara, og so má tíðin vísa, um hon var hin rætta, sigur Jørgen Niclasen, ið ikki útihýsir møguleikanum hjá Jógvan við Keldu aftur at gerast landsstýrismaður Finnur Jensen finnur@sosialurin.fo Jógvan við Keldu saknar framvegis eina orduliga grund­gev­ing frá sínum flokki fyri, hví hann varð koyrdur frá sum lands­stýr­is­ maður við innlendismálum fyri einum góðum hálvum ári síðani. Tað kom fram í Sosialinum í gjár. Sambært Jógvani við Keldu var almenna grund­ gev­ingin frá formanninum í ting­bólk­in­um, Jørgeni Nic­ las­en, at flokkurin ynskti at loyva nýggjum fólka­floks­ kreftum í Norðuroyggjum framat, nú Jógvan við Keldu fleiri ferðir hevði boð­að frá, at hann ikki still­aði upp aftur til næsta løgtingsval. Men har komu ongar norð­oyarkreftir til. Tvørtur ímóti. Ein suðuroyingurin fekk sessin, og Jákup Mikk­ el­sen úr Klaksvík mátti víkja fyri Jógvani við Keldu, sum tók sæti aftur í løg­ting­in­um. Men Jørgen Niclasen minn­ ist seg ikki hava nevnt eina tílíka grundgeving. - Tað er sjálvandi pá­stand­ ur móti pástandi. Men sum eg minnist tosaðu vit einans um at loyva nýggj­ um kreftum til. Eg nevndi ongantíð nakað øki, sigur Jørgen Niclasen. Hann leggur dent á, at avgerðin at koyra Jógvan við Keldu frá kom frá Fólka­ flokkinum. - Avgerðin var okkara. Vit blivu ikki trýstir. Hvørki av hinum samgongulimunum ella løgmanni. Flokkurin metti tað vera skilagott og sunt fyri flokkin at gera eina rokadu mitt í valskeiðinum. Endamálið var ongantíð at fjerna mannin, sigur for­ maðurin fyri tingbólkin hjá Fólkaflokkinum. Hann sigur seg hava stóra virðing fyri Jógvani við Keldu – bæði sum lands­ stýrismann og løg­tings­ mann. - Eg havi ongantíð ivast í hans­ara dygdum. Men hann hevði eitt trupult øki at um­sita. Útlendingamálið lá í ruinum, tá hann kom í landsstýrið, og tíverri fekk lands­stýr­is­mað­ur­in alla lorta­spannuna. Tað hevði hann ikki uppiborið. Nú má tíð­in bara vísa, um okkara avgerð var hin rætta, heldur Jørgen Niclasen. Jørgen Niclasen Í Sosialinum í gjár legði Jógvan við Keldu ikki fing­ rar­nar ímillum, hvat hann helt um Jóannes Eidesgaard, løgmann. - Hann er ein veikur løg­ maður, segði Jógvan við Keldu, ið eisini heldur, at løgmaður ræðist fjøl­miðl­ arnar. Jørgen Niclasen vil ikki gera stórvegis viðmerking­ ar til hørðu atfinningarnar frá Jógvan við Keldu. - Tað má hann sjálvur svara fyri. Men persónliga haldi eg tað vera best, um samgongutinglimir hildu innanhýsis kritikk inn­an­ veggja. Men onkursvegna skilji eg væl Jógvan við Keldu. Hann var jú sjálvur út fyri hørðum atfinningum frá samgongulimum, tá hann sat sum landsstýrismaður. Sambært Jógvani við Keldu sjálvum, væntar hann ikki at síggja seg í nøkrum lands­stýr­issessi í framtíðini. Jørgen Niclasen er kortini ikki so konsekventur. - Hatta var ein rokada. Har var einki rok. Tí er einki í vegin fyri, at hann aftur kann koma í landsstýrið einaferð í framtíðini, heldur Jørgen Niclasen. - Eg havi ongantíð trýst Jógvani við Keldu til nakað sum helst. At ein samgongulimur hevur hug at niðurgera mín persón kann eg ikki gera nakað við. Eg eri eingin uppdragari, sigur Jóannes Eidesgaard, løgmaður, um hvøssu atfinningarnar frá Jógvani við Keldu Finnur Jensen finnur@sosialurin.fo - Hann er ein veikur løg­ maður. Hann vil helst hava frið. So skjótt ófriður ligg­ ur fyri framman, bakkar hann. Hvøssu orðini eigur Jógvan við Keldu, sum í samrøðu við Sosialin í gjár ikki legði fingrarnar ímillum at siga sína hugsan um løgmann Sambært fyrrverandi lands­ stýr­is­mann­in­um við inn­lend­ is­mál­um vóru spenning­ar mill­um seg og løg­mann longu frá fyrsta degi, tá lands­ stýr­ið varð skipað. Jógvan við Keldu nevndi ein fund, har Jóannes Eidesgaard vildi hava seg til at gera nakað, sum hann ikki vildi ganga við til. Júst hvat hetta málið snúði seg um, vildi Jógvan við Keldu ikki koma nærri inn á. - Komandi dagarnar trýsti hann meg, segði Jógvan við Keldu við Sosialin í gjár. Hóttanin var eitt tilboð Men løgmaður heldur seg ikki hava trýst nakran. - Eg havi ongantíð trýst hann til nakað sum helst. Málið, sum Jógvan við Keldu helst meinar við, snýr seg um eitt tilboð, sum hann ikki tók av, sigur Jóannes Eidesgaard. Jógvan við Keldu fekk bjóð­ að at fáa ein leiðara tilførdan til løgfrøðiligu deildina hjá Innlendismálaráðnum. Talan var um Sólju í Ólavsstovu. Men landsstýrismaðurin takk­­aði nei, og Sólja í Ól­avs­ stovu fekk starv í Fiski­mála­ ráðnum. - Tað var so hansara avgerð. Vit hildu, at hon var væl egnað. Nú er hon løgtingsins Umboðsmaður, og tað sigur ikki so lítið, sigur Jóannes Eidesgaard. Eingin uppdragari Løgmaður hevur ikki nógvar viðmerkingar til hvøssu at­finn­ingarnar frá Jógvani við Keldu. - At ein samgongulimur hev­ur hug at niðurgera mín persón, kann eg ikki gera nak­að við. Eg eri eingin upp­ drag­ari. Og eg havi held­ur ikki hug at viðmerkja tí­líka niðurgerðan. Tað má standa fyri hansara egnu rokning. Men eg kann ugga meg við, at har eru aðrir sam­gongu­ limir, ið ikki halda tað sama sum hann. Hann bleiv jú koyrd­ur frá í samráð við Fólka­flokkin, leggur Jóannes Eid­es­gaard afturat. Jørgen Niclasen: - Avgerðin var okkara Løgmaður: - Eg eri eingin uppdragari - Persónliga haldi eg tað vera best, um samgongutinglimir hildu innanhýsis kritikk innanveggja. Men onkursvegna skilji eg væl Jógvan við Keldu, sigur Jørgen Niclasen - Eg havi ongantíð trýst hann til nakað sum helst. Málið, sum Jógvan við Keldu helst meinar við, snýr seg um eitt tilboð, sum hann ikki tók av, sigur Jóannes Eidesgaard.