týsdagur 15. august 2006síða 28

Nr. 155 - 15. august 2006 7 tíðindi - Útmeldingarnar kunnu geva bakslag. Ynskir ein fyritøka samkenslu frá fólkinum, so er hatta ikki mátin at gera tað uppá, metir Allan Dalsgarð, miðlafrøðingur og ráðgevi hjá ReproZ, um útmeldingarnar frá Faroejet Marknaðarføring Finnur Jensen finnur@sosialurin.fo Faroejet saknar størri uppbakking frá føroyingum. Í blaðnum í gjár segði nevndarformaðurin í flog­ felagnum seg ikki skilja, at føroyingar ikki stuðlaðu felagnum meir, enn teir hava gjørt. - Tað er jú okkum at takka, at kapping aftur er komin á økinum, og at prísurin á ferðaseðlum er minkaður so nógv. Eg gangi út frá, at fólk ynskja kapping, men við hetta lag enda vit aftur í monopoli, helt nevndarformaðurin, Knút Lützen, fyri. Óhepnar útmeldingar Allan Dalsgarð, miðla­ frøðingur og ráðgevi hjá lýsingarfyritøkuni ReproZ, heldur útmeldingarnar frá Faroejet vera heldur óhepnar. - Útmeldingarnar kunnu geva bakslag. Ynskir ein fyritøka samkenslu frá fólkinum, er hatta ikki mátin at gera tað uppá, metir Allan Dalsgarð. Hann heldur, at ein so ógvuslig orðing í ringasta føri kann gera, at felagið fær minni samkenslu millum fólk. Her hugsar hann serliga um útmeldingarnar um, at Faroejet møguliga gevst á Føroyaleiðini. - Álitið fýkur. Hvør vil velja eitt flogfelag, sum er á veg út?, spyr miðlafrøðingurin hjá ReproZ. Neyðugt við toli Allan Dalsgarð heldur annars, at marknaðarføringin hjá Faroejet hevði eina góða byrjan. - Sjálv lanceringin var sannførandi. Tey út­strálaðu sjálvsálit við nógvum og góðum starvsfólki, har fleiri komu frá kappingar­ neytanum. Lýsingaátakið var eisini rættiliga sjónligt í byrjanini, men seinastu mánaðirnar hevur man ikki sæð nógv til tað, heldur Allan Dalsgarð, ið eisini metir avgerðina at nýta egna bókingarskipan vera ein stóran brølara. Hann leggur afturat, at skal ein nýggj fyritøka gera seg galdandi á hesum økinum, har eitt væl etablerað flog­ felag er frammanundan, er neyðugt at brynja seg við toli, gera sær dælt av eksponering í fjølmiðlunum og nýta lýsingarpengar.. - Atlantic Airways hevur jú tann fyrimunin, at felagið er komið inn undir húðina á fólki. Tað er ikki lætt at broyta vanahugsan hjá fólki. Tað tekur sína tíð. Kann væl vera, at føroyingar eru glaðir fyri kapping, men tú kanst ikki vænta, at teir gera nakað aktivt fyri at halda henni uppi, sigur miðlafrøðingurin at enda. - Óhepnar útmeldingar frá Faroejet Erland Viberg Joensen úr Havn star­vast sum savns­vørður í Tórs­havnar Kommunu. Enn hevur hann ikki roynt flogfarið hjá FaroeJet. - At eg havi flogið við Atlants­flogi er mestsum av gomlum vana. Atlantsflog er eitt gott flogfelag og sum veitir ferðafólkunum eina góða tænastu. - Eg haldi tó, at vit hava brúk fyri tveimum flogfeløgum. Tað er gott at hava føroysk feløg, tí tey skapa føroysk arbeiðspláss. Tríggir á gøtuni Orð&myndir: Snorri Brend snorri@sosialurin.fo Hesar seinastu tríggjar mánaðirnar hava føroyingar havt møguleika at velja mil­­­lum tvey flogfeløg, tá flúgv­­ast skuldi til Keypmannahavnar. FaroeJet byrjaði nevniliga at flúgva uppá Føroyar 15. mai í ár, meðan Atlantsflog fleyg sín fyrsta túr millum Føroyar og Danmark 28. mars í 1988. Vit hava hitt trý fólk á gøtuni og spurt tey um Føroyaflúgvingina. Spurning­arnir vóru soljóðandi: Hevur tú flogið við FaroeJet? Hví? Flúgvandi føroyingar Erland: Av gomlum vana Sámal Hanne Lognberg er handilsmaður í Skopun. Hann er júst afturkomin av uttanlandsferð og fleyg til Føroyar við Atlantsflogi. - Áðrenn vit fóru avstað kannaði eg prísirnar á a­l­ netinum, og fann tá fram til, at FaroeJet var bíligari enn Atlantsflog. Men tá eg so bað ferðaskrivstovuna um ferðaseðilin var hann við Atlantsflogi, helst tí bókingarskipanirnar eru einfaldari. - Tað er tó ikki óhugsandi at eg velji FaroeJet næstu ferð. Eg fari har, sum eg Sámal Hanne: Einfaldari bílegging Havnarmaðurin Dánial Hoydal hevur lisið retorikk í Keypmannahavn, og hevur flogið við FaroeJet. At hann gjørdi tað, hevði sínar serligu orsøkir: - Eg vildi fegin stuðla hesum nýggja felagnum. Eg hevði hoyrt, at teir vóru bíligari og høvdu eina góða tænastu mótvegis ferðafólkunum. Og eftir at hava roynt FaroeJet kann eg bara siga, at hetta er so. - Hinvegin so hóskaðu fráfaringartíðirnar eisini til mín tørv, og tí valdi eg FaroeJet. Dánjal: Góð tænasta og bíligari