mikudagur 16. august 2006síða 4

4 Nr. 156 - 16. august 2006 Konsertin hjá Lenu á Sopot festivalinum í Pólandi varð send á almennu pólsku sjónvarpsrásini, og mett verður at 4 milliónir hugdu at henni Tónleikur Niels Uni Dam nielsuni@sosialurin.fo Fyrst í hesum mánaðinum spældi Lena á Sopot festi­val­ inum í Pólandi. Á heimasíðu síni sigur føroyskt/kanadiska songkvinnan, at tað var sera stuttligt at luttaka á festi­ valinum. Eini 5000 fólk vóru á konsertini, ið eis­ini varð send í polskum sjón­ varpi. Tað var almenna sjón­ varpsrásin TVP1, ið sendi konsertina og mett verður at eini 4 milliónir pólakkar hugdu at henni. Seinni í hesum mán­að­an­um fara Lena og Nicl­as til Los Angeles at ljóðblanda nýggju fløguna, ið songkvinnan hevur arbeitt við seinastu mánaðarnar. Í hesum sambandi spælir Lena nakrar intimar solokonsertir í Los Angeles í 25. august í LIVE AT THE LOUNGE og 29. august í Genghis Cohen. Tað er kendi amerikanski blandarin Ryan Hewitt, ið ljóðblandar fløguna í Encore Studios. Ryan Hewitt verður mettur at vera ein av mest eftirspurdu ljóðblandarum í heiminum í løtuni, eftir at hann ljóðblandaði dupult­ fløguna Stadium Arcadium hjá Los Angeles bólkinum Red Hot Chili Peppers. Áðr­enn Lena kemur heim aftur fer hon ein túr til hitt heimlandið Kanada og spælir eina konsert 9. september í Media Club í Vancouver. Lena spældi fyri 4 milli­ónum pólakkum Klaksvík: Annað árið á rað verður ksipað fyri serstøkum Sjómannadegi í stóra fiski­ vinnubýi okkara. Hesa seinastu tíðina hava fyrireikararnir lagt stóra orku í at fáa eina so fjølbroytta skrá til vega sum yvirhøvur gjørligt. Tað er líkt til at klaksvík­ ingar ikki eru bangnir fyri at skipa fyri stórum tiltøkum. Er tað nakað sum hevur ser­merkt Klaksvík í ár eru tað tey stóru tiltøkini sum her hava verið - umfatandi skráin, tá Norðoyatunnilin lat upp, Norðoyastevnan, Summ­arfestivalurin og nú Sjó­mannadagurin. Skráin fyri sjómannadagin er bæði serstøk og spennandi, og hevur nakað av bjóða øllum teim vitjandi, sum fara at vitja í Klaksvík hesar komandi dagarnar. Tað sum kanska er mest serstakt við skránni er, at so at siga øll tiltøkini eru ókeypis. Við hesum vilja fyri­reikararnir siga og vísa, at eingin skal halda seg aftur at koma við til stóra tiltakið av peningaligum orsøkum. Teir hava eisini gjørt vart við seg kring alt landið. Í gjár varð nevniliga ein serstøk útgáva av Norðlýsinum borin út í hvørt hús í landinum. Nú nýtist ongum at siga, at viðkomandi ikki veit hvat verður á skránni í Klaksvík um vikuskiftið. Í hesi serútgávuni siga fyrireikararnir soleiðis: – Vit halda, at føroyingar í minsta lagi einaferð um árið eiga at seta okk­ara sjóvinnufólk, sjó­vinnu og okkara størstu útflutn­ ingsvøru í hásætið. Tí eigur ein sjómannadagur sum hes­ in at seta sær stór mál. – Føroyar eru eitt lítið land, ið liggur mitt úti í Norðuratlantshavinum. Júst eins og okkara grannatjóðir, so hava vit livað av tí sum havið hevur givið og hava vit altíð sett okkara álit á fiskivinnuna. Men skulu vit verða við í hesari kapping, so er umráðandi ikki at smæð­ast burtur á tí altjóða pallinum, men alla tíðina seta sær stór mál. Og hví skulu vit ikki tað?, siga fyri­ reik­ararnir í vælkomu síni til tiltakið. Fyrstu tiltøkini í ársins sjó­mannahaldi byrjaðu longu í gjárkvøldið. Hildið verður fram í kvøld, men leygardagin eru flestu tiltøkini á skránni. Ókeypis Sjómannadagur