hósdagur 17. august 2006síða 39

4 Nr. 157 - 17. august 2006 Hetta er annað árið á rað, at skipað verður fyri Føroya Sjómannadegi í Klaksvík. Eins og í fjør, verður ljós aftur hesaferð varpað á ymiskt, sum hevur við havið og sjóvinnuna at gera Sjómannadagur Vilmund Jacobsen vilmund@sosialurin.fo Fyrireikararnir av sjóman­ nadegnum hava gjørt eina stóra skrá, sum byrjaði longu týsdagin, 15. august, tá ið fundur var um eftirløn í fiskivinnuni. Mikudagin vóru eisini nø­kur til­tøk á skránni. Í Atl­antis hug­leiddi rit­høv­ undurin, Óli Olsen, um lang­farasigling fyrr og nú, og Hans Eli Hansen, lærari, greid­di frá um ein lagnu­túr við slupp. At enda lut­tók Hans Hjalt við sjómannavísum. Í dag letur Bátasavnið í Leirvík upp í samband við sjómannadagin, og fiski­ kapping verður á Kósabrúnni fyri bæði gentur og dreingir. Eftir kappingina, kasta lut­ takararnir fløskupostar út í Kalsoyarfjørð. Í morgin verður fiskivin­ nustevna í Skálanum, og tá verður Bátasavnið í Leirvík eisini opið aftur. Í morgin verða eisini framsýningar av føroyskum skipum og øðrum í Atlantis. Tónleikur er á skránni í annaðkvøld. Leygardagurin Tann stóri dagurin, tá ið flestu tiltøkini eru á skránni, verður leygardagin, tá ið Føroya Sjómannadagur eisini verður settur. Tað verður borgarstjórin í Klaksvík, Steinbjørn Jacob­ sen, sum longu klokkan 9 bjóðar vælkomin og heldur røðu, og síðan setir Bjørn Kalsø, landsstýrismaður í fiskivinnumálum, dagin. Ein hópur av tiltøkum eru á skránni fyri leygardagin. Jóannes Hansen, rektari á Føroya Læraraskúla, fer at halda røðu, tá ið ein standmynd verður avdúkað á fiskastykkinum hjá Kjøl­ bro. Fyrrapartin verður tog­tog­ an millum skips­manningar, og grindahvalur verður skor­ in upp. Leygarmorgunin verður eisini ein svimjikapping um vánna, og framsýning verður av modellskipum, eins og filmur við gomlum og nýggjum verður sýndur. Skráin fyri leygardagin er samanhangandi, soleiðis at eingin steðgur er í, og seinasta kappingin fyrrapartin verður ein hoppikapping á boyum. Á middegi leygardagin verður kapprógving, og síðan skip­ar Norðoya Bjarg­ingar­ felag fyri bjargingarroynd. FM-kappingar Sum leygardagurin líður, verða fleiri føroya­meistara­ kappingar, og tann fyrsta byrjar longu klokkan 13.30. Fyrsta FM-kappingin verð­­ur at skera agn, onnur í trolbøting, og tann triðja verður í egning. Klokkan 16 leygardagin verður kappsigling um vánna við seglbátum, og klokkan 18.30 verða FM-kappingar­ nar tiknar uppaftur. Nú verður lagt fyri við FM-kapping í sjómanstaki, og síðan verður kappast um at kasta lodd, halda dreggi, og at enda verður FM- kapping í kelving. Leygarkvøldið verður eisini steypahandan til bestu skip og bátar í Føroyum. Onnur tiltøk, sum eisini eru á skránni á Føroya Sjómannadegi, er framsýning av livandi fiskum, málninga­ framsýning, sølubúðir, mat­ stovur, kaféir og annað. Leygarkvøldið endar við tí, sum seinnu árini er vorðið so eftirspurt, nevniliga ”dans på brygga”. Øll tiltøkini á Føroya Sjó­man­nadegi eru ókeypis uttan dansurin á bryggjuni leygarkvøldið. Endar sunnudagin Tiltøkini hjá Føroya Sjóman­ nadegi, sum byrjaðu longu týsdagin í hesi vikuni, endar sunnudagin. Tá verður sjó­mans­­guds­ tænasta í Christians­kirkjuni, har Andreas Andreassen, sum í dag er útróðrarmaður, prædikar. Andreas hevur annars verið prestur í fleiri ár. Sunnudagin fara Óli Jacob­ sen og enski trolaraskiparin, Ken Knox, at hava framløgu í Atlantis. Filmar við føroyskum skip­um verða eisini sýndir í Atlantis sunnudagin, og Bátasavnið í Leirvík verður opið. Sunnudagurin endar við einum sjómansmøti í tjaldinum á bryggjuni, og her verður tað Rógvi Joensen, sum skipar fyri. Áhugaverd skrá fyri Føroya Sjómannadag Tað er ikki á hvørjum degi at høvið verður at eygleiða ein livandi springara. Tey ið ikki hava roynt tað áður, fáa høvi til hetta um vikuskiftið í Klaksvík. Sjómannadagur Snorri Brend snorri@sosialurin.fo Klaksvík: Í farnu viku eydnaðist tað, sum mangir helst bert hava havt sum ætlan: At fanga ein livandi springara. Høvið kundi nærum ikki verið betri, nú Føroya Sjómannadagur er á skránni í fiskivinnuhøvuðsstaði okkara. Hetta stóra tiltakið er í roynd og veru longu byrja, men leygardagurin er kortini dagurin, tá flestu tiltøkini verða á skránni. Millum tiltøkini er ein framsýning av hesum livandi springaranum, sum til høvið verður verandi í einum aliringi. Enn tosa fólk bert um henda springaran. Talan er um ein hann-springara, men enn hevur hann ikki fingið nakað navn. Fólk hava havt høvið at koma við uppskotum til nøvn, og í dag sum ein annan dag skal støða takast til hvat navn springarin skal hava. Seinnapartin í gjár vóru menn aftur hjá springaranum sum er í einum aliringi undir Kunoyarnesi. - Hann sær út til at hava tað gott, sigur Hjaltur Poulsen, sum er ein av undangongu­ monnunum í hesi “ætlanini” við springaranum. Etur væl Tað var undir springara- drápinum í Klaksvík í farnu viku, at tað eydnaðist monnum at fáa fatur á hesum springaranum. Teir fingu hann í henda aliringin undir Kunoyarnesi, og her hevur hann verið síðani. - Eg haldi, at hann hevur tað gott, sigur Hjaltur Poulsen, nú vit stima út móti aliringinum. Tað er sjálvandi ilt at meta um ta veruliga støðuna. Men menn hava sæð hann bæði spælt og kastað seg uppundan viðhvørt. Tí er líkt til, at hann hevur tað gott. Teir hava eisini verið hjá honum við føði, og tað hevur hann tikið væl við. - Vit hava givið bæði saury, sild, høggusløkk og seið. Og hetta hevur honum dámað sera væl, greiðir Hjaltur frá. Menn hava eisini stutt­ leikað sær við at geva honum livandi seið, ið onkur hevur fiskað til springaran. Tá er hann garrvillur, meðan hann roynir at fanga sær døgurðabitan. Nýtt heimstað Ætlanin er tó ikki at hesin springarin skal verða verandi her úti við Kunoyarnes. Í sambandi við Sjóman­ na­­dagin skal aliringurin sleipast inn á Klaksvík, har hann verður ein partur av skránni við hetta megnar tiltak. - Tað verður ein løta at fáa sleipað hann inn á víkina. Vit duga ikki enn at siga, hvussu tað fer at ganga. - Vísir tað seg at tað ikki ber til, so steðga vit beinanvegin. Vit vita nevniliga ikki, hvussu hann fer at uppføra seg, tá vit sleipa, sigur Hjaltur Poulsen. Í ringasta føri kann hann møguliga leypa úr ringinum. Ætlanin er at aliringurin skal sleipast inn á Stengurnar, har springarin verður ein partur av framsýningunum á Sjómannadegnum. Stóri spurningurin er, hvat síðani skal henda við honum. Talan er helst um ein hann-springara, og teir vænta tí at hann fer at klára at fáa sær nóg mikið av føði inn á vánni í Klaksvík. Óhugsandi er tí ikki, at springar­in fer at verða stamgestur í Klaksvík. Tað tykist sum hann trívist í nýggja heimstaði sínum! Navnleysi springarin trívist væl Hjaltur Poulsen roynir at fáa springaran at nærkast sær. Her eydnast tað rættiliga væl (Mynd: Norðlýsið) Springarin tykist hugna sær her undir Kunoyarnesi. Um vikuskiftið verður hann partur av framsýningunum á Føroya Sjómannadegi (Mynd: Norðlýsið)