fríggjadagur 18. august 2006síða 13

Nr. 158 - 18. august 2006 15 tíðindi Eftir eitt sera væl vitjað tema­kvøld um “Kvinnur og Pengar” í Føroya Sparikassa er ein íløguklubbi fyri kvinn­ur stovnaður. Kapping er útskrivað um, hvussu klubb­in skal eita temakvøld Áhugin fyri íløgum er vaksandi í Føroyum, og kvinnurnar eru einki undan­ tak í so máta. Hetta prógvaði Føroya Sparikassi á einum tema­kvøldi um “Kvinnur og Pengar”, sum var hóskvøldið í høvuðssæti Sparikassans í Havn. Ikki færri enn 160 kvinnur vóru við á tema­kvøldinum, sum man vera hitt fyrsta av sínum slag í Føroyum. “Hóast kvinnur liva longri enn menn, og tí hava tørv á miðvísari uppsparing og góðari pensjón, so vísa hag­tøl, at menn spara meira upp og hava betri pen­­sjónir enn kvinnur. Nógvar kvinnur snýta seg sjálvar fyri meirvinningin, sum kann fáast burtur úr uppsparing og pensjón, og tað var meginorsøkin til, at vit skipaðu fyri hesum tema­ kvøldinum”, siga Margareth D. Djurhuus og Eva Nolsøe, pensjóns- og íløguráðgevar í Føroya Sparikassa, ið vóru millum fyriskipararnar. Í stuttum var temakvøldið eitt bland av álvara og gaman. Ráðgevar úr Sparikassanum kunnaðu um pensjónir, íløgur og onnur fíggjarviðurskifti. Løgfrøðingarnir, Anna Dam og Gunn Ellefsen, komu við nøkrum løgfrøðiligum sjónarmiðum um, hvussu kvinnur kunnu tryggja seg fíggjarliga. Skemtið, ið snúi seg um nýmótans kvinnuna, stóðu Sjúrður Skaale og Bárður Persson fyri. Fyri at geva kvinnunum møguleika at royna, hvussu peng­arnir kunnu send­ast út at arbeiða, hev­ur Føroya Sparikassi stovna ein íløgu­ klubba fyri kvinnur. Enn hevur klubbin ikki fing­ið navn, og á heimasíðuni www.sparikassin.fo er ein navna­kapping, har øll kunnu vera við. Vinningurin er 10 partabrøv í Sparikassanum. Seinastu mánaðirnar hevur Sparikassin skipað fyri ein­ ari røð av temafundum, og fundurin um kvinnur og pengar var hin nýggjasti í røðini. Íløguklubbi fyri kvinnur „Kvinnur snýta seg sjálvar fyri meirvinningin, ið kann fáast burtur úr uppsparing og pensjón“, greiðir Eva S. Nolsøe frá. Hon er pensjóns- og íløguráðgevi í Sparikassanum Tilsamans 160 kvinnur vóru við til „Kvinnur og Pengar“ í Sparikassanum. Her er tað journalisturin Bjørt Samuelsen, ið spyr nærri. Nógv tøl og tekniskar upplýsingar vórðu latnar áhoyrarunum á ein greiðan og skiljandi hátt. Pensjóns- og íløgurágevarnir, Margareth D. Djurhuus (h.m.) og Eva S. Nolsøe, á pallinum. Karikatururin av business-kvinnuni var eisini við, og sjónleikarin Bárður Persson stóð aftan fyri hesa kvinnuna Nýmótans kvinnan arbeiðir í fíggjarheiminum og maðurin er heimaarbeiðandi. Tað var grundarlagið undir skemtinum hjá Bárði Persson (v.m.) og Sjúrði Skaale Hugurin at spyrja um pensjónir og íløgur var hampiliga stórur, og gott orðaskifti var kvinnukvøldið í Sparikassanum