mánadagur 21. august 2006síða 34

2 Nr. 159 - 21. august 2006 Ein 20 ára gamal maður varð skorin í lærið í Klubbagarðinum í sunnunáttina. Sárið varð seks sentimetrar langt. Gerningsmaðurin er ikki funnin, og løgreglan vil fegin frætta frá fólki, sum vita um tilburðin LØGREGLUTÍÐINDI Theodor E. D. Olsen theodor@sosialurin.fo Hendingin fór fram umleið klokkan trý í sunnunáttina, og drongurin varnaðist ikki, at hann bløddi, fyrr enn hann var komin inn á vesið á Eclipse, og tí er ilt at siga, hvør hevur hildið á knívinum. Men um fólk hava sæð hendingina, verða tey biðin um at boða løgregluni frá, verður sagt av Politistøðini í Havn. Annars hevur vikuskiftið verið eitt sindur rokaligt. Uttan fyri VB-húsið í Vági varð eisini talan um harðskap av álvarsligum slagi, har annað enn nevar vórðu brúktir. Somuleiðis er ein tikin fyri at koyra ávirkaður í Suðuroy um vikuskiftið. Fríggjadagin koyrdi ein bilur út av vegnum við Streym­nes. Førarin koyrdi við kenning. Sama kvøld varð ein fugl­ firðingur tikin, fyri at hava siglt ávirkaður til Klaksvíkar. Hann verður skuldsettur fyri brot á sjólógina. Stjól konjakk Leygarkvøldið varð eitt sindur av herverki framt í Klaksvík. Í Sundalagnum varð ein bilur funnin, har blóð var í, og ljósini lýstu. Politiið fann eigaran av bilinum heima við hús, og viðkomandi verður skuldsettur fyri rúsdrekka­ koyring. Persónurin slapp tó frá at fara á sjúkrahús. Ein kenningur hjá løg­ regluni varð í gjár tikin í Havn. Hann varð farin inn á Hotel Hafnia, har hann hevði stolið eina konjakkfløsku. Viðkomandi er áður farin inn í hús at stjala mat, og politiið fann hann í Bøgøtu, har hann ætlaði at fara inn í hús. 20 ára gamal skorin í lærið Grovt herverk er framt á bilin hjá Jóannesi Eidesgaard, løgmanni, sum ikki ivast í, at motivið er politiskt HERVERK Theodor E. D. Olsen theodor@sosialurin.fo - Vit hava búð her í 10 ár, men innan fyri tað seinasta árið eru trý herverk gjørd á bilarnar hjá okkum, sigur Jóannes Eidesgaard, sum harmast um støðuna. Hann greiðir frá, at hann ongantíð hevur upplivað slíkt áður, men síðani hann tók við sum løgmaður, hevur bæði bilur­in hjá konuni, tann gam­li bil­ur­in hjá honum sjálvum, og hansara spildurnýggi bilur verið úti fyri herverki. - Eg hevði tann fyrra bilin í 11 ár, men ivaðist í, um eg skuldi keypa ein nýggjan, sigur Jóannes Eidesgaard, av tí at herverk sum nevnt eisini varð gjørt á tann fyrra bilin. - Hetta er ikki hissini herverk, staðfestir løgmaður. Djúpar skøvur eru grivnar inn í lakkið á fleiri síðum á bilinum, og løgmaður ivast ikki í, at hetta er tilvitað. - Áttu heldur at tosað við meg - Hetta er harmiligt. Tað er í lagi, at fólk hava hug at kritisera, men hví leggja á mínar ognir heldur enn at koma at tosa við meg. Hetta er ein primitivur máti, sigur Jóannes Eidesgaard um hetta triðja herverkið. - Alt hevur sín prís! Men man kann spyrja, hvat verður tað næsta, ásannar løgmaður Hann leggur afturat, at her­ fyri stóð ein lýsing í einum blaði, har allir bilarnir hjá landsstýrismonnunum vórðu vístir fram. Jóannes Eidesgaard heldur, at hetta kann fatast, sum Lands­stýrið eigur hesar bilar. Men í Føroyum hava vit ikki skipanina við ráðharrabilum, og tí er talan um privatar ognir. Grovt herverk á bilin hjá løgmanni Hetta er triðju ferð, at onkur ger seg inn á bilar hjá løgmanshjúnunum. Jóannes Eidesgaard harmast gongdina, og heldur motivið vera politiskt