mikudagur 6. september 2006síða 28

28 [ Nr. 171 - 6. september 2006 ] Venjari bað dómaran skora Kendur týskur fót­ bóltsvenjari bland­ aði dómaran við ein av sínum egnu spælarum og bað hann gera mál Fótbóltur Eyðun Klakstein eydun@sosialurin.fo Tey eru mong, sum í hes­ um døgum smílast eftir venjaranum Ralf Rang­ nick, sum áður hevur vant týsku feløgini Schalke 04 og Stuttgart. Nú er Rangnick venjari hjá felagnum TSG Hoffenheim, og undir einum dysti herfyri rópti hann á dómaran og bað hann taka seg saman og skora. Rangnick er litblindur, og hann gjørdist ikki sørt nipin, tá ið hann fekk at vita, at hann hevði blandað dómaran við ein av sínum spælarum. Rangnick er litblindur, og hann hevur serliga ilt við at skilja ímillum grønt og reytt. – Vanliga spæla vit í bláum, men vit spældu hesaferð í okkara reyðu útivallartroyggjum, og tá ið dómarin var í grøn­ um, sá eg ikki munin millum hann og mínar spælarar, sigur Rangnick við týskar fjølmiðlar. Ralf Ragnick royndi at fáa dómaran at skora fyri sítt lið Wenger vil av við Føroyar og hini smáu londini – Altjóða landsliðsfótbóltur er blivin eitt langt geisp, sigur Arsenal- venjarin Arsene Wenger, sum heldur, at flestu av dystunum í landsliðshøpi eru óáhugaverdir, tí munurin mill­um liðini er so stórur – 80 prosent av landsdystunum um vikuskiftið vóru púra óáhugaverdir, og heldur hetta fram, fara fólk at missa áhugan fyri landsliðsfótbólti, sigur Arsene Wenger við enska blaðið The Sun. Millum dystirnar, sum fyrrverandi venjarin hjá Inga Højsted uttan iva sipar til, er skotski stórsigurin á Føroyum og enski stórsigurin á Andorra. Rokna við at Schumacher gevst Stórur spenningur er til Formil 1 kappkoyringina á Monza- breytini sunnudagin. Tað er ikki bara orsaka av sjálvari kappingini, at spenningur er, men eisini tí, at fleirfaldi týski heimsmeistarin Michael Schumacher fer at hava eina fráboðan um sína framtíð. Týska blaðið Bild Zeitung gitar í dag, at Schumacher fer at boða frá, at hann gevst at koyra Formil 1 eftir ársins kapping. Ferrari hevur roynt at fingið Schumacher at leingja sín sáttmála, men higartil hevur hann ikki vilja tosa um sína framtíð í Formil 1. Tað ger hann sunnudagin. Um vikuskiftið vóru sjey føroyskir súkklarar í Íslandi. Tríggjar súkklu­ kapp­ingar vóru á skránni, býarkoyring, landavegkoyring og einkultstartur. Før­ oysku súkklararnir vunnu gull í øll­um trimum kapp­ing­un­um Súkkling Tíðindaskriv Tað vóru ikki færri enn trígg­ir føroyingar, ið fingu heiðurin at standa ovast á sigurspallinum teir tríggjar dagarnar, kappingarnar vardu. Føroyingarnir fóru til Ís­lands fríggjadagin og longu fríggjakvøldið stóð fyrsta kappingin á skránni. Koyrast skuldi 40 km býar­ koyring. Veðrið var av tí allar­besta, og tað var lagið í føroysku leguni eisini eftir kappingina, tí føroyingar áttu øll trý medaljuplássini. Bogi Kristiansen vann, Gunnar Dahl-Olsen gjørdist nummar tvey, og Eli Christiansen trý. Veðrið var aftur gott leyg­ ar­dagin, og í brennandi sól­ skini løgdu súkklararnir til brots leygarmorgunin. Kapp­ast skuldi í 70 km Landa­vegkoyring. Leiðin gekk fram við Tingvallavatn, og á leiðini har eru væl av brekkum, og tí var teinurin bæði spennandi og strævin. Eli í essinum Hóast skaða í knænum var Eli væl koyrandi og stutt eftir at kappingin var skotin ígongd, lá Eli í útbroti saman við unga og sterka Hlynur Thorsteinsson. Hetta útbrotið helt leingi, og ikki fyrr enn farið var undir teir seinastu 20 km, vóru Eli og Hlynur heintaðir av hinum. Bogi hevði gulu førara­ troyggj­una at verja, og uppá skift royndu Bogi og Gunn­­ar at sleppa avstað frá felt­inum, nú kappingin nærk­ að­ist endanum. Báðir fóru sjálvandi eftir sigrinum. Men Gunnlaugur Jónasson, ið sá sær ein møguleika at vinna samanlagt, um hann ikki misti ov nógva tíð í hesari kapp­ ingini, súkkl­aði skjótt og eff­ ektivt útbrótararnar inn aftur. Tað vóru umleið sjey súkkl­ arar, ið súkklaðu saman, nú bert fáir kilometrar vóru eftir á mál. Millum hesar vóru Bogi, Eli, Torkil og Gunnar. Men tað var Gunnar, ið lá best fyri í endaspurtinum og hevði best bein, og tí var tað hann, ið vann endaspurtin móti Boga, Gunnlaugur Jónas­son úr Íslandi, Brad Evans úr USA. Einkultstarturin avgerandi Í samlaðu støðuni var tætt millum fremstu súkkl­ ararnar, og tí var spenn­ing­ ur í luftini undan eink­ult­ startkappingini, ið fór fram við Bláalón. Koyrast skuldi 20 km, og tá menn høvdu koyrt hálv­ an teinin lá Gunnlaugur Jón­asson á odda, og hann førdi við umleið 15 sek­und­ um framman fyri Gunnar. Hetta visti Gunnar, ið royndi tí av øllum alvi at koyra Gunnlaugur inn aft­ur. Men ov nógvar kreftir vóru allarhelst brúktar leyg­ar­ dagin, og tí eydnaðist hetta ikki, og íslendingar fingu tí sín fyrsta sigur. Men heldur ikki sunnu­dag­ in fóru føroyingar tómhentir avstað eftir kappingarlok. Torkil Veyhe, ið fekk sera harða kapping frá Hlynur Thorsteinsson allar dagarnar, megnaði sunnudagin at vinna einkultstartin hjá ung­lingum við bert einum sekundi. So gott koyrdi Torkil, at hann umframt at vinna unglingabólkin, gjørdist nummar trý hjá teim­um vaksnu, bert hálvan annan minutt eftir vinnaran, Gunnlaugur Jónasson. Gott veður, spennanandi kappingar, jalig upplivilsir, góð venjing og gott vinar­lag var tað, ið føroysku súkkl­ arnir upplivdu í Íslandi farna vikuskifti. Komandi vikuskifti skulu føroysku súkklararnir aftur í eldin. Á skránni standa tvær FM-kappingar. Fríggja­ kvøldið verður kappast í 40 km einkultstarti og sunnu­dagin í 100 km landa­vegkoyring. Til ber at tilmelda seg og lesa um kappingarnar á www.tsf.fo. Føroyar vann súkklu­ dystin móti Íslandi Gunnar Dahl Olsen vann kappingina í landavegssúkkling, meðan Bogi Kristiansen vann býarsúkklingina. Torkil Veyhe vann einkultstartin hjá unglingum