hósdagur 14. september 2006síða 24

24 [ Nr. 177 - 14. september 2006 ] Todi ímóti Jaap Stam Í kvøld spælir Start ímóti hollendska stórfelagnum Ajax, og líkt er til, at Todi skal byrja í álopinum hjá Start. Dysturin millum Start og Ajax er í UEFA Cup, og hann verður spæld­ur á leikvøllinum í Kristianssand í kvøld. Blaðið Fedre­lands­ vennen heldur seg vita, at Todi Jónsson skal byrja í álopinum hjá Start í dystinum í kvøld. Í verjuni hjá Ajax sleppur Todi at dystast við ein risa í hollendskum fótbólti seinastu 10 árini. Jaap Stam, sum hevur spælt fyri Manchester United og AC Milan er nú verjuálit hjá Ajax, og tað verða uttan iva nakrir nærdystir millum hann og Toda í kvøld. Einki er sum gott kaffi... Varaleiðari hjá Baresso Coffee SMS letur upp nýggja Baresso café 25. oktober, og í tí samband søkja vit álítandi fólk til caféina. Starvið sum varaleiðari er frá 1. oktober 2006. Saman við leiðaranum hevur tú sum varaleiðari ábyrgdina av ráðlegging og útinning av dagligum uppgávum, tryggja ein skilagóðan rakstur av espresso og kaffistovuni fíggjar- liga og viðvíkjandi góðsku, tænastu og reinføri. Við egnum áhuga og skilagóðum manna- gongdum tænir tú okkara gestum og hevur ábyrgdina av, at nýggir starvsfelagar fáa ta vitan og venjing, ið krevst fyri at tryggja kaffistovuni ein skipaðan og væl virkandi rakstur. Sum varaleiðari hevur tú verið í venjing hjá Baresso Coffee og fingið starvsfólkaheiðurs- bræv, áðrenn tú fer í gongd við varaleiðaravenjingina. Tú verður vand/ur upp í teimum ymsu uppgávunum, ið tú fært ábyrgdina av – ein veningarskrá, ið er samansett av ástøði og starvslæru. Eisini her er tað tín vilji og góði hýrur, sum við hjálp frá okkum fær alt til at eydnast væl. Hevur tú spurningar viðvíkjandi arbeiðinum, kanst tú ringja til Anju á tel 210990 SEND UMSÓKN TIL : BARESSO • SMS • Á TRAPPUTRØÐNI • POSTBOKS 1059 • 110 TÓRSHAVN Risin er vaknaður AGF hevur nú fingið gongd á sítt spæl í næstbestu donsku deildini. Um vikuskiftið vant AGF burtur úr Lyngby, og í gjárkvøldið fekk felagið hjá Andrew av Fløtum av at vita. AGF spældi á útivølli ímóti Fremad Amager og vann dystin 4-1. Peter Grauluns skoraði fyrstu trý málini í dystinum. Thomas Christensen minkaði so fyri AGF, áðren Anders Kaagh gjørdi seinasta málið hjá AGF. Andrew av Fløtum hevur ikki spælt við hjá Fremad Amager í ár orsaka av skaða, og hann var heldur ikki við í gjárkvøldið Christian Lamhauge Holst skoraði bæði málini, tá ið Lyngby við 2-1 sigri í gjárkvøldið helt fast um oddastøðuna í donsku 1. deild Fótbóltur Eyðun Klakstein Christian Lamhauge Holst var rættiliga í miðdeplinum, tá ið Lyngby spældi dyst í donsku 1. deild í gjár­kvøldið. Lyngby var á heimavølli ímóti Ølstykke og vann dystin 2-1. Holst, sum byrj­aði dystin í álopinum, gjørdi bæði málini hjá Lyng­by. Fimm minuttir eftir hálv­leikssteðgin legði hann Lyngby fram um 1- 0, men eftir ein góðan tíma javnaði Ølstykke. So mátti Christian Lam­ hauge Holst manna seg upp aftur, og fimm minuttir fyri leiklok gjørdi hann sigurs­ málið fyri Lyngby. Beint eft­ ir hetta lat hann seg skifta út sum matchvinnari. Sigurin hjá Lyngby hevur við sær, at liðið framvegis liggur ovast í næstbestu donsku deildini. Lyngby hevur 16 stig fyri 7 dystir. Landsliðið ein møguleiki Christian Lamhauge Holst er hálvur føroyingur, og hann hevur tvær ferð­ir spælt á føroyska fótbólts­lands­ liðnum. Síðani venjingarlegu í Spania tíðliga í 2004 hevur hann ikki verið at sæð aftur á landsliðnum. Hann segði tó við Sosi­al­ in herfyri, at føroyska lands­ liðið var framvegis eitt av málunum hjá sær, og hann roknaði við, at um hann helt fram at spæla væl fyri Lyngby, so fór hann at fáa landsliðsboð aftur. Og ikki kann sigast annað, enn at Holst veruliga ger um seg í donskum fótbólti í løtuni. Kvinnuliðið hjá KÍ vann miku­kvøld­ið sjeynda føroya­ meitaraheitið á rað, og tær eru nú mest vinnandi kvinnuliði í føroyskum fótbólti nakrantíð Fótbóltur Rólant Waag Dam rolant@sosialurin.fo Mikukvøldið hevði kvinnu­ liðið hjá KÍ møgu­leikan at tryggja sær føroya­meist­ ara­heitið 2006. Liðið skuldi vinna dystin ímóti næstfremsta liðnum, sum er GÍ, og tað kláraði KÍ. GÍ legði væl fyri í dyst­in­ um, og fyrsta hálva tím­an var tað líka nógv GÍ, sum søkti at KI-málinum sum øvugt. Men seinasta kort­ erið av fyrra hálvleiki kom KÍ rættiliga fyri seg, og inn­ an­fyri tveir minuttir stutt fyri hálvleikssteðgin skoraði KÍ tvær ferðir. Fyrst var tað Kristina Eyð­ bjørnsdóttir, sum stútaði eitt hornaspark í málið, og Malena Josephsen brúkti eisini høvdið, tá hon sendi eitt innlegg í málið tveir minuttir seini. GÍ fekk eisini mál KÍ legði betur fyri enn GÍ í seinna hálvleiki, og fýra minuttir eftir steðgin økti Vivian Bjartalíð til 3-0. GÍ minkaði við góðar hjálp frá KÍ-málmanninum. Randi Wardum rakti Honnu Isaksen við einum útsparki, og bólturin hevði beina kós í málið. Undir hørðum trýsti frá júst Honnu, eydnaðist tað Randi at fáa bóltin aftur, men hon fekk ikki sligið bólt­in burtur frá vandakós, og so var 3-1. Tað gingu bara fáir min­ utt­ir, so svaraði KÍ aftur við besta málinum í dystinum. Kristina Eyðbjørnsdóttir snýtti ein verjuspælara og stakk inn um verjuna til Vivi­ an Bjartalíð, sum sendi flatt í málið. GÍ minkaði til 4-2, tá Hanna Isaksen sendi eitt gott skot í málið út 18 metra fjarstøðu. GÍ hevði eis­ini aðrar royndir á málið og onkur stórur kjansur var, men dysturin endaði 4-2 til KÍ. FM er heima Við sigrinum í gjárkvøldið er KÍ so langt frammanfyri hini liðini í kvinnudeildini, at eingin fær KÍ aftur í sein­ astu umførunum. KÍ hev­ ur tríggjar dystir eftir at spæla, og seinasti dysturin verður spældur á Argjum leygardagin 23. september, tá KÍ-kvinnurnar eisini fáa gullið handað. Hetta er sjeynda FM-heit­ ið á rað, sum kvinnurnar hjá KÍ vinna, og samanlagt hava tær vunnið átta føroya­ meistaraheiti. KÍ og HB hava seinasta árið staðið á jøvnum við sjey meistaraheitum í part, men í gjárkvøldið fór KÍ fram um HB við átta meist­ ara­heitum. Hetta hevur verið leingi á veg, tí síðani 2000 hevur KÍ verið nógv tað sterk­asta liðið í føroyskum kvinnufótbólti, og KÍ hevur vunnið meistaraheitið øll árini síðani. KÍ-kvinnurnar skrivaðu søgu KÍ-kvinnurnar eru framvegis sterkasta kvinnuliðið í landinum. Liðið vann í gjárkvøldið føroyameistaraheitið, og fyrr í ár vann liðið eisini steypakappingina Mynd: Norðlýsið Holst er í landsliðsformi