týsdagur 19. september 2006síða 4

4 Nr. 180 - 19. september 2006 Bókadeild Føroya Lærarafelags fyllir 50 ár í næstu viku. Hetta verður hátíðarhildið við fleiri tiltøkum og vitjan frá útlendskum rithøvundum HÁTÍÐARDAGUR Heini S. Kristiansen Petur Meinhard Magnussen & Beinta K. Jacobsen - praktikantar heinik@sosialurin.fo Tá ið Bókadeildin varð sett á stovn í 1956, stóð ikki væl til við føroyskum bókum. Á aðalfundinum hjá lærarafelagnum varð samtykt at seta eitt for­lag á stovn. Síðani hevur Bókadeildin givið meira enn 1000 bøkur út. Umframt tað eru eisini aðrar útgávur sum Skúlablaðið og Barna­blaðið. Starvsfólkini á Bóka­deildini hava valt at markera dagin við nøkrum tiltøkum fyri fólk í øllum aldri. Hóskvøldið 28. september verður hátíðarhald í Norð­ur­landahúsinum, har Er­hard Jacobsen fer at halda fyrilestur. Á skránni verður eis­ ini ungdómstiltak við lu­ttøku frá bólkinum The Dreams og Meyla og Knøttur við sjónleikinum „Lort í býin“. Fríggjadagin hev­ur Bóka­ deild Føroy­lær­ara­felags bjóð­að næmingum úr øll­ um landinum til Norð­ur­ landahúsið, har tey fáa høvi til at hitta nordurlendskar rit­høv­und­ar, og seta teimum spurn­ingar. Fríggjakvøldið verð­ur bókmentaskeið. Hátíðar­haldið er fyri bæði stór og smá. Útlendsku rithøvundarnir, sum koma á vitjan, fara at halda fyrilestrar og fara at tosa við skúlaungdóm. Ser­liga stuttligt er tað hjá børnunum um at sleppa at heilsa uppá rithøvundarnar og spyrja teir spurningar. Tað verða um 900 skúla­ næmingar, sum koma at vitja í Norðurlandahúsinum 29. september. Rithøvundarnir: M ecka Lind er ein svenskur rithøvundur, sum er fødd í 1942. Hon vaks upp hjá ommu síni í Lund. Omman dugdi sera væl at siga frá søgum, og hon var ein stórur stuðul hjá Mecku og var við til at menna hennara hugflog og skapanarevni. Mecka arbeiddi við lýs­ ingum í tíggju ár eftir at hava gingið í realskúla. Síðani hevur hon verið ferðaleiðari, frítíðarleiðari og free-lance høvundur. Tá ið hon gav fyrstu bók sína út í 1982, gjørdist hon høvundur burturav. Kendast er hon fyri bøk­ urnar um børn, sum hava eitt strævið lív, sum liva á gøtuni og eru barnasoldátar. Bøkur hennara eru týdd­ ar til nógv mál og hava fing­ið fleiri heiðurslønir í útlondum. L ene Kaaberbøl er dansk­ ur rithøvundur, fødd í Keypmannahavn í 1960. Hon er útbúgvin cand. mag. í enskum og dramaturgi. Hon hevur fyrr starvast sum studentaskúlalærari, lýs­ ingatekstahøvundur, týðari og forlagsfólk. Nú starvast hon í egnu fyritøku síni Phabel & Plott. Tær fýra Skammar­a­bøk­ urnar eru millum mest seldu í Norðurlondum. Tær eru seld­ar í fimtan londum, og Lene hevur sjálv týtt tær til enskt. R agnheiður Gestsdóttir er íslendskur rithøvundur og myndprýðari, fødd í Hafna­firði í 1953. Longu 19 ára gomul tók hon læraraprógv. Síðani las hon bókmentafrøði við lærda háskúlan í Reykjavík og listsøgu í Århus. Afturkomin til Reykja­vík­ ar fór hon aftur at lesa bók­ mentafrøði og varð spakuliga drigin inn í arbeiðið at myndprýða og skriva. Hon hevur eisini ar­beitt sum lærari og skúla­bóka­ vørður og verið ritstjóri á forlagi, sum gevur út und­ ir­vísingartilfar til grund­ skúlan. Hon hevur skrivað og mynd­prýtt fleiri enn tjúgu bøkur og hevur fingið nógvar heiðurslønir í heimlandi sínum. U lf Stark er svenskur rit­høvundur, føddur í 1944 og vaks upp í Stureby, sunnan fyri Stokkhólm. Hann skrivaði sítt fyrsta yrk­ ingasavn 19 ára gamal. Hevur arbeitt við ment­ anartilfari á blaðnum Ex­pressen og sum starvs­ fólkaundirvísari í Ar­beiðs marknaðarstýrinum. Bókmentaliga frambrotið byrjaði av álvara, tá ið hann gav bókina Dárar og Deydur út í 1984. Bøkurnar um Ulf og vin­ mannin Percy er ein øðrvísi háttur at skriva ævisøgu, har hann brúkar navnið, men finnur uppá hendingarnar. Lygnin hevur við tað skap­andi at gera, sigur Ulf Stark, orðið eitt slag av lego­kubbum, sum tú kanst brúka at byggja og skapa veruleikar við. R akel Helmsdal er føroyskur rithøvundur, fødd 25. september 1966 í Tårnby á Amager. Hevur búð meginpartin av sínum lívi í Havn. Tó hevur hon verið 5 ár í Frankaríki, og har skrivaði hon fýra av bókum sínum. Rakel Helms­dal hevur umframt at skriva bøkur eisini undirvíst øðrum í kreativari skriving, hevur undirvíst í drama og skrivað og sett upp leikir saman við ungdómi. Hon er verkætlanarleiðari fyri tiltakinum Ung í Føroyum. S ólrún Michelsen er føroyskur rithøvundur, fødd 1948 á Argjum. Eftir at hava tikið real­ prógv hevur hon arbeitt á skrivstovu. Síðani settu maðurin og hon á stovn heilsølu, og har virkar hon nú sum fyrisitingarleiðari. Umframt at skriva barna- og ungdómsbøkur, hevur Sólrún eisini skrivað yrkingar og lættlesibøkur til tey yngstu børnini í fólkaskúlanum. Bókadeild Føroya Lærarafelags fyllir 50 ár Starvsfólkini í Bókadeild Føroya Lærarafelags eru í góðum lag, nú bókadeildin skjótt hevur 50 ár á baki. Frá vinstru: Marna Jacobsen, forlagsfólk, Turið Kjølbro, blaðstjóri á skúlablaðnum, Niels Jákup Thomsen, leiðari á bókadeildini og Beinta Johannessen, blaðstjóri á Strok Mynd: Jens Kr. Vang