hósdagur 21. september 2006síða 13

Nr. 182 - 21. september 2006 13 Hans Edvard Høghamar, á Eiði, vanliga nevndur Hans í Fjósinum, andaðist í heiminum 20. sep­tem­ ber, 77 ára gamal. Jarðarferðin verður úr Eiðis kirkju leygardagin klokkan 14. Tey, ið vilja minn­ ast Hans, kunnu lata eina peningagávu til Eiðis kirkju, konta í peningastovnunum. Maritt Jensen, Leirvík andaðist á Eysturoyar Røktar- og Ellisheimi mikumorgunin 20. september, 64 ára gomul. Jarðarferðin verður lýst seinni. Kistan við Rúna Heinesen í Leirvík fer úr kapellinum á Klaksvíkar Sjúkrahúsi hóskvøldið klokkan 18. Jarðarferðin verður úr Leirvíkar kirkju fríggjadagin klokkan 14. Tey, ið vilja minnast Rúna kunnu lata eina gávu til Missiónshúsið í Leirvík. Konto í peningastovnunum Andlát og jarðarferðir Í dag, hósdagin 21. sep­tem­ber, verður Astrid Johanne­sen í Klaksvík 80 ár. Hon hevur búð í Klaksvík alla sína tíð, og hon hevur altíð verið nevnd Assa. Assa er ættað av Vágs­heyg­num. Foreldrini vóru Arm­garð og Dávur úr Gerðum. Tey fingu tíggju børn, sum øll búsettust í Klaksvík uttan Emma, sum í nógv ár var lækni í Fuglafirði og nú býr í Havn. Assa var triði yngst í systkinaflokkinum og yngst av teimum fýra systrunum. Assa giftist í 1949 við Johannes Johannesen, sum var ættaður úr Dali. Í Klaksvík var hann nevndur Jóhannes í Dali ella bara Dalbingurin. Fryntligi dalbingurin kom til Klaksvíkar at vera neyta­drongur hjá Kjølbro, sum undir krígnum hevði fing­ið sær neyt og fjós. Jó­hannes var eisini hjá Kjøl­bro í Vatns­oyrum, áðr­enn hann fór at læra í Klaksvík. Hann lærdi til snikkara hjá Hans Olsen ella Hans á Verkstaðnum, sum hann varð nevndur. Jó­­han­n­­es búði í Trøllagili hjá læru­meistaranum, inntil hann gift­ist við gentuni, sum hann hevði funnið sær í granna­lagnum. Seinni arbeiddi snøggi snikkarin úr Dali á verk­staðnum, sum Kjølbro hevði á Varpinum og síðani fyri seg sjálvan og saman við øðrum. Jóhannes var 75 ára gamal, tá ið hann doyði í 1995. Assa hevur verið eitt konu­­­brot. Hon hjálpti í fleiri ár mammuni við stóra hús­ ar­haldinum á Vágs­heygn­um. Hetta gjørdi hon eisini eftir, at hon hevði fingið elsta sonin og tvíburðarnar, sum tey mistu beinanvegin. Tá ið brøður hennara í sekstsi árunum og sjeyti ár­­un­um høvdu Dávavirkið, ar­beiddi Assa støðugt har. Seinni var hon á flaka­virk­inum á Kósini, og so fekst hon við so mangt annað. Eitt nú vaskaði hon skip og dugn­aði Álvi Klakk, sum keypti fugl og seyð tey mongu árini, hann hevði handilin úti í Klaksvík. Sálarliga yvirskotið hev­ur verið stórt hjá Assu, sum hevur verið sannur menn­ iskja kennari og so mong­um hevur veitt ráð og leið­beining, ið hevur verið grundað í kletta­fastu kristnu trúnni. Flestu av børnunum hjá Arm­garð og Dávuri úr Gerð­um búsettust á Vágs­heyg­ num – ikki so langt frá barnaheiminum. Talan er ikki um tann stóra teinin burtur frá barnaheiminum, men tá ið Assa og Jóhannes bygdu á Lítlubrekku, sum tað tá kallaðist, vóru húsini hjá teimum millum tey ovastu á vestursíðuni í Klaksvík. Assa og Jóhannes eiga sjey børn: Jóannes (1950), Dagny Tróndheim (1953), Súsanna í Stórhúsi (1955), Annika Færø (1957), Finnur (1959), Bogi (1965) og Dávur (1970). Súsanna býr í Havn, og øll hini búgva í Klaksvík. Føðingardagin heldur Assa heima við hús á Brekku 24, har hon er at hitta frá klokkan 18. J Assa Johannesen 80 ár Tíðindaskriv Fríggjadagin 22. september kl. 15.30 til 17.30 letur ein framsýning við málningum hjá Amariel Norðoy upp í Glarsmiðjuni í Dr. Jac­ob­ sensgøtu 7 í Havn. Eisini er opið leygardagin 23. oktober kl. 15.30 til 17.30. Á framsýningini eru olju og akryl málningar, skravu­­myndir, akvarellir og litografiir. Framsýningin verður opin til 6. oktober, mánadag til fríggjadag kl. 10 til 17.30. Amariel Norðoy í Glarsmiðjuni Tøkk Hjartaliga takka vit øllum tykkum, sum sýndu samkenslu og hjálpsemi, tá elskaði maður, pápi, verpápi og abbi okkara John Danjal Pauli Ludvig vanliga nevndur Jobboron andaðist og varð jarðaður. Takk fyri kransar, blómur og gávur. Inga, Dan, Maria, Karina, Kristian og Oliver Tøkk Hjartaliga vil eg takka øllum tykkum, sum mintust til mín á mínum 80 ára degi ólavsøkudag. Takk tit, ið komu inn at vitja, blómur, gávur, heilsanir og uppringingar. Kærar heilsanir Marjun Nielsen, Landavegur 5 Kunngjørt verður fyri ætt og vinum, at okkara kæri maður, pápi, verfaðir, abbi og langabbi Hans Edvard Høghamar Eiði andaðist 20. september, 77 ára gamal. Jarðarferðin verður úr Eiðis kirkju leygardagin 23. september kl. 14.00. Vegna tey avvarðandi Hildigarð, Heini, Annsy, Nomi og Ólavur Tey, ið ynskja at minnast Hans kunnu lata eina peningagávu til Eiðis kirkju, konta í peningastovnunum. – Hækkið grundupp­ hæddina til tað sama, sum hon er fyri støk, og takið av skattingina av viðbótum og samhalds­ fasta. Hetta vildi verið ein bati fyri tey, sum onga eyka pensjón hava, og so kom eisini at vera javnvágur millum støk og hjún, heldur Sigvald Kristiansen, næst­formaður í Landsfelag Pensjónista Nú »Upp skot til løgtingslóg um broyting av løgtingslóg um áseting og javning av almannaveitingum« er komin fyri á tingi, vil Lands­ felag Pensjónista gera vart við, at vit sum umboð fyri pensjónistarnar eru sera áhugaðir í, hvat tinglimir fara at gera í hesum máli. Upp skotið er beint í trivn­ aðarnevndina, og Lands­fe­ lagið hevur sent hesi nevnd bræv, har vit lýsa okk­ara hugsan, og taka vit sum heild undir við upp­skotinum. Grundgevingin fyri hes­ um er, at vit ferð aft­an á ferð á fundi við pen­sjónista­ feløgum í hinum Norð­ur­ londum, sum vit hava eitt gott samarbeiði við, mugu ásanna, at vit eru munandi aftanfyri, tá talan er um fólkapensjón. Hertil kemur eisini, at fólkapensjónin er ikki hækkað í mun til dýrtíðina, so alt í alt verður minni eftir hjá teimum, sum bara hava sína fólkapensjón at liva av. Fólkapensjónin og sam­ halds­fasta­eftir­lønargjaldið verða ofta blandaði saman, hó­ast tey eru hvør sítt. Eisini verða ofta grundupp hæddin í fólka­pensjónini og við­ bøturnar nevndar í einum, hó­ast grundupp hæddin er skatta­frí, meðan viðbøturnar og samhaldsfasti verða skatt­ aði. Eisini verður mun­ur gjørd­ ur á hjúnum og støk­um. Fyri at gera hetta so einfalt sum møguligt eftir teimum tølum, sum eru til taks, so ein og hvør kann meta um, hvussu nógv ein pensjónistur hevur at liva av, tá privat pensjón ikki er roknað upp í, kunnu hesi tøl setast upp : Ein stakur persónur fær í 2006: 8.121 x 12 = 97.452 kr. um árið, her skal so skatt­ur rokn­ast av viðbót og sam­ halds­fasta, umleið 25%, eftir verð­ur so áleið 73.089 kr. um árið ella 6.091 kr. um mán­aðin. Eini hjún fáa í 2006: 13.286 x 12 = 159.432 kr. um árið, her skal so eisini roknast skattur av viðbótum og samhaldsfasta umleið 25%, eftir verður so 119.571 kr. um árið, ella 9.965 kr. um mánaðin til bæði. Eitt hugskot kundi verið at hækkað grundupp hæddina í fyrsta umfari til tað sama, sum hon er fyri støk, og so tikið av skattingina av viðbótum og samhaldsfasta. Hetta vildi verið ein bati fyri tey, sum onga eyka pensjón hava, og so kom eisini at vera javnvágur millum støk og hjún. Tað, sum pensjónistar vinna út yvir hesar veitingar, eigur at skattast eftir vanligum skattareglum. Við vón um eina jaliga viðgerð frá øllum ting­monn­ um og flokkum og nevnd. Skála 20.09.06 Landsfelag Pensjónista: Taka undir við broytingum í pensjónini næstform., vegna Lands­ felag Pensjónista Sigvald Kristiansen www.sosialurin.fo