mánadagur 2. oktober 2006síða 30

30 Nr. 189 - 2. oktober 2006 SAMBAND árni joensen fartekst@mail.dk útlond – Eg fati ikki, at okkara flogskiparar ikki sóu tað stóra flogfarið (amerikanskur ferðamaður) Flogskipararnir á tí lítla privatflog­ farinum varnaðust ikki tað stóra ferðamannaflogfarið, fyrr enn ov seint var Teir báðir flogskipararnir á tí lítla privatflogfarinum fata ikki, hvussu flogfar teirra kann hava borið við eitt stórt ferðamannaflogfar, uttan at teir varnaðust vandan. Men myndugleikarnir eru ikki í iva. - Vit hava staðfest, at tey bæði flogførini stoyttu saman, sigur ovastin fyri sivilu flogferðsluni í Brasil, Denise Abreu. Tað var fríggjadagin, at tey bæði flogførini sam­ bært myndugleikunum bóru saman uppi yvir Ama­zonas-skóginum. Tað stóra Boeing 737-flogfarið datt niður beinanvegin, og øll tey 155, sum vóru í flogfarinum, doyðu. Flog­ farið var spildurnýtt. Tað eru bara góðar tvær vikur, síðani tað fór av verk­ smiðjuni í USA. Teir báðir flogskipararnir og tey sjey ferðafólkini, sum vóru í tí lítla flogfarinum, sita spyrjandi eftir. - Eg fati ikki, hvussu vit kundu sleppa livandi frá einum samanstoyti uppi í luftini, og eg dugi heldur ikki at skilja, hvussu flogførini kundu bera sam­ an, uttan at okkara flog­ skip­arar varnaðust vandan, sigur ameri­kanski tíðinda­ maðurin Joe Sharkley, sum var við tí lítla flogfarinum, ið neyðlendi í øllum. Fimm fólk doyðu, tá ein motorvegbrúgv hoyknaði uttan fyri Montreal leygarkvøldið Fleiri bilførarar fingu ikki stundir at steðga, tá ein partur av einari motor­ vegbrúgv millum kanadiska býin Montreal og forstaðin Laval datt niður. Fimm fólk vóru í tveimum bilum, sum hvurvu undir tí partinum av brúnni, sum datt niður. Tey eru uttan iva deyð beinanvegin, tí tá bjargingarmenninir sluppu fram at bilunum 15 tímar eftir vanlukkuna, vóru bil­ar­nir kroystir næstan flatir undir teimum stóru betongstykkjunum. Tey, sum vóru í hinum bilunum, sum fóru útav, vóru hepnari, men seks teirra máttu á sjúkrahús. Sjónvarpsstøðin LCN visti at siga, at fleiri fólk høvdu ringt til løgrergluna, áðrenn vanlukkan hendi, tí tey hildu seg hava sæð, at rivur vóru komnar í vegin á brúnni. Hetta er onnur van­lukk­ an av hesum slagnum á motorvegnum við Mon­ treal. Fyri fimm árum síðani hoyknaði ein brúgv við forstaðin Laval, og ta ferðina doyði eitt fólk, og tvey fingu skaða. Sóu ikki tað stóra flogfarið Brúgvin datt niður Funnin myrd í kirkjuni Tann 23 ára gamla Ange­lika Kluk úr Pólandi var í Skotlandi og lærdi seg enskt. Um vikuskiftið varð hon funnin myrd í einari kirkju. Fyri at forvinna sær pening til málskeiðið hevði Angelika Kluk fingið sær arbeiði sum vaksikona í einari kirkju í Glasgow. Men seinasta mánadag kom hon ikki til arbeiðis, og systirin, sum býr í býnum, fekk løgregluna at fara at leita eftir henni. Leitingin gav einki úr­slit, men so kom fram, at Angelika Kluk varð seinast sædd saman við einum 60 ára gomlum manni, sum æt Pat Mac­Laughlin. Hann arbeiddi í somu kirkju sum Agelika, men hann kom heldur ikki til arbeiðis í síðstu viku. Løgreglan avdúkaði skjótt, at Pat MacLaughlin æt í veruleikanum Peter Tobin, sum hevði sitið í fongsli í fleiri ár fyri neyðtøku, og løgreglan fekk illgruna um, at okk­urt álvarssamt kundi vera hent polsku kvinnuni. So var. Í gjár varð hon funnin myrd í kirkjuni, har hon arbeiddi. Sam­stundis bleiv Peter Tob­in funnin í London og handtikin. Ætlandi verð­ur hann fluttur til Glas­gow til avhoyringar í dag. Tey, sum vóru í hesum bilunum, vóru heppin.