hósdagur 5. oktober 2006síða 27

Nr. 192 - 5. oktober 2006 27 tíðindi Altment koma tíð­ ind­ini ikki út fyrr enn seinnapartin í dag, men tað skuldi verið púrasta vist. Bogi Hansen fær í dag Norðurlendsku umhvørvis­virðis­ lønina, sum er 350.000 krónur Virðisløn Jákup Mørk jakup@sosialurin.fo Seinnapartin í dag skuldi avdúkast, hvør skuldi fáa umhvørvisvirðislønina hjá Norðurlandaráðnum. Al­mennu boðini um hetta vórðu ikki váttað fyrr enn eftir evstamark okkara, og tað tyikist púra víst, at tað verður Bogi Hansen, sum fær virðislønina. Nakað sum varð meira ella minni váttað av Løgtingsins røðarapalli, har Hergir Nielsen stafðesti veruleikan. Sjálvur vil Bogi Hansen ikki gera nakrar sum helst viðmerkingar til tíðindini, men frá væl vit­andi keldum hava vit tó frætt, at hetta er rætt. Orsøkin til, at Bogi varð innstillaður til virðis­ lønina var drúgva gransk­ ingararbeiði hansara innan veðurlagsbroytingar. Longu við innstillingini gjørdi Norðurlandaráðið greitt, at heiðurslønin í ár skuldi latast einum einstaklingini ella felagsskapi, sum við kanningum yvir eitt longri tíðarskeið hevur gjørt vart við veðurlagsbroytingar, ella sum eru komin við loysn­um um at minka um um­hvørvisskaðilig árin ella lekar. Og tað er eingin ivi um, at Bogi lýkur treytirnar í hesum. Seinastu 20 árini hevur hann støðugt verið partur av granskingini og kjakinum um, hvørjar av­leiðingar sonevnda vakstrarhúseffektin tað kann fáa fyri umhvørvið. Ser­stakliga hevur hetta verið gjørt við atliti til Golf-streymin, sum er so týdningarmikil fyri føroyska umhvørvið og búskapin. Seinnapartin í dag verður hátíðarhald í Nótatúni, har Bogi Hansen verður út­nevndur professari, og væntast kann tí, at løtan verð­ur eyka hátíðarlig, nú Norðurlendska umhvørv­is­ virðislønin eisini stendur á skránni. Bogi Hansen fekk norðurlendsku virðislønina Sum skilst, so verður tað váttað seinnapartin í dag, at Bogi Hansen fær umhvørvisvirðislønina hjá Norðurlandaráðnum Fantast- iskt Beint undan evstamarki okkara fingu vit orð á Jóan Paula Joensen, rektara á Fróðskapar­ setrinum, sum fegnaðist um tíðindini Virðisløn Jan Müller jan@sosialurin.fo – Tað gleðir meg, um Bogi Hansen hevur fingið hesa viðurkenning. Hann er ein altjóða viðurkendur granskari og er millum 5 teir bestu á sínum øki um okkara leiðir. Tað er ein stórur heiður fyri bæði Fiskirannsóknarstovuna og Fróðskaparsetrið, um tað er satt, at Bogi fær umhvørvisvirðislønina sigur Jóan Pauli Joensen, rektari á Fróðskaparsetri Føroya í stuttari viðmerking. Um so er, at hald er í tíðindunum, er hetta fyrstu ferð, at føroyingar fær hesa mætu norðurlendsku virðislønina.