fríggjadagur 6. oktober 2006síða 33

Nr. 193 - 6. oktober 2006 33 tíðindi – Eg vil síggja andlitið á tí, sum eg tosi við. Annars er tað sum at tosa í telefon Jack Straw útlond SAMBAND Árni Joensen fartekst@mail.dk tlf 341800 Stutt sagt Nýtt og gott gamalt í Svøríki Nýggi svenski forsætis­ráð­ harrin, Fredrik Reinfeldt, er 41 ára gamal, og so ungan stjórnarleiðara hevur Svøríki ikki havt síðani 1926 ella í áttati ár. Aftan á tann borgarliga valsigurin bleiv tað nevnt sum ein veikleiki, at hann er so ungur, og at leiðararnir í hinum flokkunum hava ongar royndir frá stjórn­ar­ arbeiði. Kanska var tað tí, at Fredrik Reinfeldt valdi sær fyrrverandi forsætis­ráð­ harran Carl Bildt til uttan­ ríkisráðharra. Valið kom ikki heilt óvart á sviar, tí teir seinastu dagarnar hava fjølmiðlarnir gitt, at Bildt fór at koma upp í stjórnina. Sjálvur segði Carl Bildt fyrrapartin, at hann gjørdist ovfarin, tá hann bleiv spurdur, um hann vildi hava uttanríkisráðharrases sin, men at hann hevði valt at taka av. Svenskir fjøl­ miðlar vilja tó vera við, at tað kravdi nakrar fundir at fáa játtandi svar frá Bildt. Carl Bildt, sum er 57 ára gamal, var svenskur for­ sætisráðharri frá 1991 til 1994, og tað var í hansara tíð, at Svøríki fór upp í ES. Hann hevur sitið í Ríkis­ degnum í 22 ár. Nýggja borgarliga stjórnin í Svøríki er nú mannað. Svøríki Árni Joensen fartekst@mail.dk Tær skulu taka slørið av Síðani Jack Straw fór frá sum uttanríkisráðharri, hevur hann verið limur í Undirhúsinum, sum ofta fær vitjan úr muslimskum londum. Men muslimskar kvinnur, sum vilja hava orð á hann, noyðast at taka slørið frá andlitinum, tí annars vil hann ikki tosa við tær. – Tað má vera munur á einari telefonsamrøðu og einum práti undir fýra eygum. Fyrimunurin við einum beinleiðis práti er, at tú kanst síggja tann, sum tú tosar við, og soleiðis eigur tað at vera, sigur Jack Straw við blaðið Lancashire Tele­ graph. Hann leggur afturat, at hann hevur einki ímóti, at tær muslimsku kvinnur­ nar fjala hárið, men hann vil síggja andlitið á teim­ um, sum hann tosar við. Muslimskir felagsskapir í Bretlandi halda lítið um hugburðin hjá Jack Straw. – Eg ivist ikki í, at hann hittir fólk, sum eru í ymisk­ um klæðum, og eg skilji ikki, hví slørið skal vera ein trupulleiki, sigur Mass­ oud Shadjaneh í muslimsku mannarættindanevndini í Bretlandi við AP. Fyrrverandi bretski uttanríkisráðharrin Jack Straw vil ikki tosa við muslimskar kvinnur, uttan at tær taka slørið frá andlitinum. Muslimar Árni Joensen fartekst@mail.dk Bræv elvir til øði í ST Eitt bræv, sum sudanska stjórnin hevur sent ST- trygdarráðnum, hevur fingið øði í limalondini í ráðnum. Í brævinum skrivar stjórin í Sudan, at hon fer ikki at góðtaka, at ST sendir friðarvarðveitandi hermenn til landspartin Darfur, og stjórnin leggur afturat, at ger ST tað kortini, fer stjórnin at uppfata tað sum eina fíggindaliga sinnaða at­­ gerð ímóti landinum. Brævið er skrivað, tí ST hevur gjørt av at senda 20.000 hermenn til Dar­ fur at verja sivilfólkið, sum hevur verið fyri svár­ um líðingum tey seinastu árini. Upprunaliga vórðu 7.000 afrikanskir her­ menn sendir til Darfur at tryggja friðin, men teir maktaðu ikki upp­gávu­ na. Sudanska brævið hevur serliga fingið øði í ame­ri­ kanararnar, og ein ameri­ kanskur embætismaður segði í gjár, at innihaldið í brævinum er av slíkum slagi, at tað eigur at fáa eitt »greitt svar«, sum hann tók til. Bretski ST- sendiharrin, Emyr Jones Parry, segði eisini sína hugsan um brævið: – Eftir mínum tykki eiga vit at látast, sum at vit ongantíð hava fingið tað, segði Parry. Í Limfjørðin eftir olju Danska oljufelagið Dong ætlar sær nú at vita, um olja og gass munnu vera at finna í undirgrundini undir Limfjørðinum, og felagið hevur tí søkt myndugleikarnar um loyvi til royndarboring í fjørði­ num, skrivar Bør­sen. Jan Terje, sum er kann­ ingarleiðari hjá Dong, sigur við blaðið, at ein fiskimaður hevur fleiri ferðir funnið klumpar av tungari olju á botninum einastaðni í Limfjørði­ num, og tað er vert at kanna hetta nærri, sigur hann. – Vit hava ábendingar um, at tað finnast kol­ brintir í undirgrundini undir Limfjørðinum, sig­ ur leitingarstjórin við Børsen. Dong væntar, at ein royndarboring við Lim­ fjørðin fer at kosta millum 30 og 35 milliónir krón­ ur. Undir skurð í Italia Fyrrverandi polski for­ setin, Lech Walesa, varð fyrradagin lagdur undir skurð á einum sjúkrahúsi í Milano í Italia fyri hjartatrupulleikar. Sambært polsku sendi­ stovuni í Rom eydnaðist skurðviðgerðin so væl, at Walesa er longu farin aftur til Pólands. Sendi­ stovan sigur, at upp­runa­ liga skuldi Walesa leggj­ ast undir skurð í Gdansk, men at viðgerðin bleiv flutt til Italia av prak­tisk­ um orsøkum. Tann 63 ára gamli Lech Walesa skal ikki hava havt trupulleikar við hjartanum fyrr, og sam­ bært polskum fjølmiðlum var støðan heldur ikki hættislig. Kortini mæltu læknarnir honum til at lata seg skurðvigera, skrivar AP. Jack Straw vil sleppa at síggja andlitið á teimum muslimsku kvinnunum, sum hann tosar við.