fríggjadagur 6. oktober 2006síða 34

34 Nr. 193 - 6. oktober 2006 tíðindi Føroyska operan út í heim Mikudagin 11. oktober koma 6 útlendsk fjøl­miðla­ fólk til Føroya, ið øll skulu ummæla føroysku operu­ na, Í Óðamansgarði, sum hevur frumsýning kvøldið eftir. Tey umboða kend tónleikatíðarrit uttan úr heimi so sum týska Opern­ Welt, Early Music Today og Music Magazine Rondo, men eisini kendar avísir sum enska The Times og danska Politiken. Hetta er dømi um tann áhuga, sum útlendskir fjøl­ miðlar hava víst fyrstu før­ oysku operuni, sum Sunleif Rasmussen hevur skrivað til tekst hjá Dániali Hoy­ dal. Stórt arbeiði hevur verið lagt í at kunna umheimin um operuna, og vitjanirnar eru beinleiðis úrslit av hesum. Men umframt fjølmiðl­ar­ nar eru eisini leikhús í t.d. Svøríki, Danmark, Íslandi og Wales, sum hava víst áhuga fyri nýggja føroyska tónleikaverkinum. DVD og heimasíða Serstakt fyri hesa fram­ førsluna av operuni er eis­ ini, at Kringvarp Føroya er farið í samstarv við danska forlagið DaCapo Records um at gera eina DVD við føroysku operuni. Ein donsk fyritøka fer at standa fyri at framleiða DVDina við kenda danska fram­leið­ara­ num Uffe Borgwardt á odda, og afturat sær hevur hon eina royna føroyska manning frá bæði útvarps- og sjónvarpsdeilini hjá Kringvarpinum. Á DVD- fløguni verður umframt framførsluna samrøður við fleiri teirra, sum standa aftan fyri verkætlanina. DaCapo ætlar at selja hesa DVD um allan heim, og tí skal hon umsetast til 5 onnur mál. Fyribils er leikritið umsett til enskt. Ein onnur roynd at skapa áhuga fyri operuni uttan­ lands er nýggj heimasíða á enskum www.themadmans­ garden.­com. Fyribils er síðan ætlað tíðindafólki, ummælarum og øðrum, ið fáast við tónleik burturav, men tosað hevur verið um, eisini at fingið eina týskt­ mælta heimasíðu, so hon røkkur eini upp aftur størri fjøld. Í næstu viku fer fyrsta føroyska operan á pall í Norðurlandahúsi­ num. Hetta er sjálv­ andi ein stórhending í Føroyum. Men ætlan­ in er ikki bara at fram­ føra hana her heima hjá okkum. Fleiri tiltøk eru sett í verk fyri at kunna útheim­ in um operuna, og stórur áhugi hevur verið fyri henni uttanlands MENTAN Theodor E. D. Olsen theodor@sosialurin.fo Heitasti september í Føroyum í 116 ár Tað var lýtt í veðrinum í september, og nú hevur danska veðurstovan roknað seg fram til, at tað var ikki bara lýtt, men sjáldsama lýtt. Tølini hjá DMI vísa, at meðalhitin í Tórshavn var 11,5 stig í síðsta mánað, og so lýggjur hevur september ikki verið, síðani hitamát­ ingarnar byrjaðu í Føroy­ um í 1890. Tað gamla met­ ið var í september í 2002, tá meðalhitin í Havn var 11,1 stig. Meðalhitin í Havn í sep­ tember er annars 9,1 stig, og sostatt var september í ár heili 2,4 stig lýggjari enn undanfarin ár í meðal. Men tað var ikki bara í Havn, at september var sjáldsama lýggjur. Á flog­ vøllinum í Vágum var með­ alhitin í síðsta mánað 11,3 stig, og so lýggjur hevur september ikki verið, síð­ ani mátingarnar byrjaðu á flogvøllinum í 1963. Eisini í Akrabergi og Mykinesi setti meðalhitin nýtt met. Í Akrabergi var meðalhitin í síðsta mánað 10,8 stig, og tað er tað mesta síðani 1961, men munurin ímill­ um september í ár og í 2002 er kortini lítil, tí tað árið var meðalhitin í Akra­ bergi 10,6 stig í september. Í Mykinesi var meðalhitin 10,7 stig, og tað er eisini tað mesta tey seinastu 45 árini. Men september var eisini lýggur í Mykinesi í 2002. Tá var meðalhitin 10,4 stig. Á Kirkju var eitt sindur øðrvísi. Har var meðalhitin í september 11,4 stig, og tað var hann eisini í 2002, men tað er eisini mesti meðal­ hiti í september í Fugloy, síðani mátingarnar har byrjaðu í 1987. Eisini aðrastaðni Tað var ikki bara í Føroy­ um, at september var lýggj­ ari enn vanligt. Í Reykjavík var meðalhitin 10,5 stig. Tað var meiri enn trý stig oman fyri tann vanliga meðalhitan, og so lýtt hevur tað ikki var har í september síðani í 1958. Í Noregi var september eisini metlýggjur og serliga í Suðurnoregi. Í Oslo var meðalhitin 15 stig, og tað var 4,2 stig oman fyri tað vanliga. So lýtt hevur tað ikki verið í norska høv­uðs­ staðnum í september, síðani hitamátingarnar har byrj­ aðu í 1867, sigur norska veðurstovan. Eisini danir fingu ein góð­an september í ár. Meðalhitin har var 16,2 stig, og tað er tað sama sum gamla metið frá 1999. September í ár setti eisini nýtt hitamet í grannalondunum, men tað greiðasta metið var í Føroyum. Veður Árni Joensen: fartekst@mail.dk Arbeitt hevur verið við at kunnað útlendingar um føroysku operuna Í Óðamansgarði, ið er bygd á stuttsøgu hjá Williami Heinesen. Nú tykist arbeiðið at bera frukt. Nýggj heimasíða er gjørd um operuna, og fleiri útlendskir ummælarar koma hendanvegin at uppliva operuna