mánadagur 9. oktober 2006síða 16

16 Nr. 194 - 9. oktober 2006 tíðindi Gallup nýtt sum grundgeving Nógv umrødda Gallup-kanningin, sum Tjóðveldisflokkurin lat gera, vísir greitt, at ríkisfelagskapurin ikki blómar. Hetta vísti Høgni Hoydal millum annað á í røðu síni á Fólkatingi í gjár Politikkur Páll Holm Johannesen pallur@sosialurin.fo Christiansborg: Undir setanarrøðu síni týsdagin lat forsæ tisráðharrin Anders Fogh Rasmussen ongan iva vera um, at stjórn­in metir, at ríkis­ felagskapurin er í eini góðari legu og í eini blóm­ andi menning í løtuni, sum hann málbar seg. Undir umrøðuni av setanarrøðuni lat fólkatingslimurin Høgni Hoydal ikki hesa útsøgn fara afturvið borðin­ um. - Tey seinastu árini hevur tað verið stórur partur av føroyska fólkinum, sum ynskir fult sjálvræði, so at Føroyar kann samstarva á jøvnum føti við Danmark og taka lut í altjóða samfelagnum, segði Høgni Hoydal. Ein av høvuðsgrundgevingunum hjá Høgna Hoydal fyri, at ríkisfelagskapurin ikki blómar, var úrslitið av nógv umrøddu Gallup-kanningina, sum Tjóð­veldis­ flokkurin lat gera í samband við, at tað 14. september vóru 60 ár síðan fólkaatkvøðuna í 1946. Frá røðarapallinum í Fólkatinginum vísti formaður Tjóðveldisfloksins á, at úrslitið av kanningini var, at stórur partur av føroyingum ynskti ein sjálvstøðuga føroyskan uttanríkis-, verju- og útlendingapolitikk. Kanningin vísti eisini, at tey spurdu hildu, at ovasti myndugleiki eigur at liggja hjá føroyska fólkinum og hjá føroyskum myndugleikum. Høgni Hoydal legði afturat, at sambært kanningini vil bara ein triðingur av føroyingum varðveita ríkisveit­ ingina. Fólkatingslimurin Anfinn Kallsberg roynir at skunda undir stjórnina fyri fáa ferð á út­bygg­ ingina og yvirtøkuna av flogvøllinum Politikkur Páll Holm Johannesen pall@sosialurin.fo Christiansborg: - Flogvøll­ urin í Føroyum er roknaður til góð 70.000 ferðandi um árið. Í dag eru yvir 200.000 ferðandi um árið, so tað hevur stóran týdning at fáa gongd á málið um at yvirtaka og nútímansgera flogvøllin í Føroyum. Fólkatingslimurin hjá Fólka­flokkinum, Anfinn Kalls­berg, vil hava ferð á málið um at yvirtaka og út­byggja flogvøllin í Vág­ um. Tað gjørdi hann greitt undir viðgerðini av setanar­ røðuni hjá Anders Fogh Rasmussen hóskvøldið. Danska stjórnin og Lands­ stýrið eru komin ásamt um, at fíggingin av útbyggingini í Vágum skal koma úr Íleggingargrunninum. Hetta krevur kortini eina lógarbroyting, og eftir ætl­ an kemur uppskotið fyri Fólkatingið í januar mánaði komandi ár. - Eg haldi ikki tað er neyðugt at bíða heilt til januar mánað fyri at fáa málið fyri Fólkatingið. Eg havi tí sett meg í samband við stjórnina fyri at skunda undir málið, so vit sleppa í gongd sum skjótast við neyðugu útbyggingina av flogvøllin, segði Anfinn Kallsberg hóskvøldið. Tað er mett, at útbyggingin fer at kosta um 350 mió. krónur. Kallsberg hevur skund at yvirtaka flogvøllin Um vikuskiftið varð russiska tíðindakvinnan Anna Politkovskaja myrd í Moskva. Men hvør myrdi hana og hví? Morð Árni Joensen arni@sosialurin.fo Í gjár komu fleiri hundrað fólk sama í Moskva og St. Pætursborg at minnast Onnu Politskovskaja, sum varð funnin myrd í Moskva leygardagin. Tey duldu ikki fyri, at eftir teirra tykki komu boðini um at myrða ta atfinningarsomu tíðindakvinnuna av ovastu rók í russisku leiðsluni. Anna Politskovskaja var í ferð við at skriva eina grein um píning í Kekenia, nú hon bleiv myrd. Júst Kekenia hevur verið hennara arbeiðs­ øki í fleiri ár, og hon hevur fleiri ferðir avdúkað harðligu framferðina hjá russiska herinum har. Hon var víða kend fyri sítt arbeiði, og fyri trimum árum síðani heiðraði norska rithøvundafelagið hana fyri hennara arbeiði fyri tali- og skrivifrælsinum. - Vit skuldu fáa tilfar frá henni til mánadagsblaðið. Tað var um Kekenia, og hon hevði fleiri avdúkandi myndir haðani, sigur blað­ stjóri hennara, Dmitrij Muratov, við sjónvarpið NTV. Boð úr erva Nógvir russar, teirra millum fleiri politikarar, siga seg vera sannførdar um, at boðini um at myrða Onnu Politskovskaja komu úr erva í russisku skipanini og kanska úr sjálvum Kreml. – Tað er eingin ivi um, at hetta er eitt politiskt morð, og at myndugleikarnir eru uppií, sigur tinglimurin Valerij Borsjtjev. Ein annar politikari, Aleksander Lebedev, sum eigur í blaðnum, sum Anna Politskovskaja arbeiddi hjá, ivast heldur ikki í, at tað vóru myndugleikarnir, sum góvu boð um at beina fyri tíðindakvinnuni. Hann hevur lovað fimm milliónir krónur í finningarløn, verður drápsmaðurin avdúkaður og morðið uppklárað. Kreml hevur ongar við­ merkingar gjørt til morðið, men russiska ákæruvaldið ivast ikki í, at morðið hevur samband við arbeiðið hjá Onnu Politskovskaja. Ríkisadvokaturin segði í gjár, at hann fer at kanna morðið. Álop á samfelagið Morðið hevur eisini vakt ans uttan fyri russiska landamarkið. Bæði USA og ES hava kravt, at russ­ isku myndugleikarnir kanna málið til botns, og fleiri politikarar í Vestur­ heiminum siga, at morðið er heilt greitt álop á tali- og skrivifrælsið. -Morðið er eitt álop á samfelagið, og vit fara at kanna tað gjølla, sigur fyrrverandi sovjetski forsetin Mikhail Gorbatjov, sum eigur í blaðnum, sum Anna Politskovskaja arbeiddi hjá. Eitt álop á samfelagið Anna Politskovskaja varð funnin myrd leygardagin.