mánadagur 9. oktober 2006síða 15

Nr. 194 - 9. oktober 2006 15 Týsdagin 10. oktobur fyllir mamma okkara, Alex­ andrina Sørensen, vanliga nevnd Allan, í Trongisvági 80 ár. Mamma er ættað av og uppvaksin á Morskranesi. Foreldrini vóru Hans og Sunneva Anthoniussen. Tey fingu 8 børn og mamma er nr. 5 í systkinaflokkinum. Sum ung genta fór Allan fyrst til Klaksvíkar at tæna. Síðan gekk leiðin til Tvøroyrar, har Inga systir hennara búði. Á Tvør­ oyri fór hon í læru sum seymirska hjá Valdborg. Um hetta mundi varð hon forlovað við pabba, Karl Sørensen úr Trongisvági, og tey giftust í 1952. Tey bygdu sær hús inni í Trongis­vági, har tey í nógv ár høvdu matvøruhandil í kjallaranum. Pabba var sjómaður í nógv ár, til hann seinni fekk starv hjá SEV, har hann arbeiddi í stívliga 25 ár. Meðan pabba var til skips, so var tað mamma, sum stóð í handlinum, sum seymaði fyri fólk og sum passaði okkum børn. Tað var meira enn nóg mikið at takast við, men ongantíð vit hoyrdu teg gremja. Tit fingu okkum børnini: Fríbjørg, Tummas, Sonja, Ingeborg, Hans og Kári. Við tíðini er familjan økt við 18 ommubørnum og 9 langommubørnum. Góða mamma. Aldrin hevur tú sitið hendur í favn. Altíð hevur tú verið klár at hjálpa, har ið hjálpin hevur verið kærkomin. Tá ið Inga systir tín gjørdist sjúk, tókst tú tær av henni. Pabba passaði tú heima í fleiri ár, meðan hann var sjúkur og doyði í 1997. Hóast tín høga aldur valdi tú fyri 8 árum síðan at fara til Havnar at passa systir tína Ellu, og tá ið hon andaðist, helt tú áfram at passa svágin, Jákup, til hann nú fór foldum frá fyri einum mánað síðan. Nú ert tú so flutt suður aftur at búgva hjá soninum Hans. Tú skalt nokk venja teg við ikki at hava nakra uppgávu, men tú hevur fleiri smá ommu- og langommubørn, sum tú kann gleðast at vera saman við. Góða mamma og ver­ mamma. Vit ynskja tær hjartaliga tillukku við teim­ um 80 árunum og gleða okkum at koma suður í føðingardag. Fríbjørg og Eliesar Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Kunngjørt verður fyri ætt, vinum og kenningum, at kæri maður, pápi, verpápi, abbi, og langabbi okkara Jarmund Jespersen ættaður av Tvøroyri, búsitandi í Tórshavn andaðist á Lágargarði fríggjadagin 7. oktober, 83 ára gamal. Bønarhald verður á Lágargarði týskvøldið kl. 18.00. Jarðarferðin verður úr Havnar Kirkju mikudagin kl. 13.00 Familjunnar vegna Sigrid, Ingun og Steen Tey, ið ynskja at minnast Jarmund, kunna lata eina gávu til Lágargarð á konto í peningastovnunum. Tøkk Hjartaliga takka vit øllum tykkum, sum sýndu samkenslu og hjálpsemi, tá kæra systir, svigarinna, fastir, abbasystur og langabbasystir Jona Henriksen andaðist og varð jarðað. Tøkk til Bjarna Bæk, dómpróst fyri troystarrík orð. Tøkk til kirkjutænarar, sangarar og berarar. Tøkk fyri blómur og kransar og fyri gávur til KFUK, og tøkk til tykkum mongu, sum fylgdu henni til hennara seinasta hvíldarstað. Tøkk til skótarnar og KFUK fyri hjálp við ervinum. Ein serstøk tøkk til starvsfólki á Ellisheiminum, sum vóru um hana ta seinastu tíðina. Familjunnar vegna Kirstin, Andrias og Arnold Ikki varnaðist je góða Estrid, at tað var seinastu ferð, at ogur báðar skuldi hittast tá je fór niðan um vegin at fáa mær ein kaffimunn og eitt hugnaligt prát. Tú gekk og stákaðist við at gera døgverða, gott tilpassar sum altíð. Tú fortaldi fyri mær, hvussu tú gleddi teg til, at tú og Brynjálvur skuldi fara til Ísland at ferðast nakrar dagar seinni. Tykur skuldi fara yvir at vitja nøkur góð vinfólk. Bilettirnar vóru bílagdar og alt var klárt. Men soleiðis skuldi tað ikki vera. Tú fór út á eina nógv longri ferð. Eg kom at kenna Estrid og Brynjálv tá eg sum blaðung kona kom inn á Tvørabakka at búgva. Tygur bæði vóru tey fyrstu sum ynsktu mær at vera vælkomnan á garðin at búgva. Síðan hava okkara vinarbond verið knýtt í øll hesi 38 árini je havi búð har. Tað verður tungt at koma niðan nú tá tú ikki er meira, men saknurin hjá tær Brynjálv verður tungur at koma yvir. Tygur bæði vóru sum lív og ein sál, altíð saman um alt. Tygur vóru úti og ferðaðist og dugdi so væl at hugna tykkum saman. Tað var altíð so gott og hugnaligt at koma í tygra heim, man føldi seg so væl. Okur høvdu børn sum vóru í sama aldri og tey spældu nógv saman. Tey bundnapløgg ogur báðar sótu við vóru ikki so fá. Ogur hava havt mangar hugnaligar løtur saman, ið ikki vera gloymdar. Tú fekk tær til endan eina bindimaskinu, tí tú hevði 4 dreingir at binda uppá. Hetta við bindimaskinuni helt eg vera sera spennandi og hugsaði hvussu tú kom burtur úr hesum. Men væl gekk hjá tær. Tolin og gløgg sum tú var gekk uppá stás at binda og tað eru ikki so fáar troyggjur, sum tú hevur bundið við bindimaskinuni. Og ikki at gloyma tann flotta urtagarðin, sum tú var so glað fyri. Har var tú frá tað váraði og alt summarið við og út á heystið tá tað viðraði og altíð var maðurin og hjálpti tær tá tað lá fyri hjá honum. Hjá tykkum sum sita eftir við sorgini og sakninum, tygur hava bara góð minni um eina góða konu, mammu og ommu. Tú verður nógv saknað av nógvum. Hvíl í friði góða Estrid. Óluva Jarmund Jespersen, ætt­ aður av Tvøroyri, bú­sit­ andi í Tórs­havn, and­að­ist á Lágar­garði fríggja­dagin 7. oktober, 83 ára gamal. Bønar­hald verður á Lágar­ garði týskvøldið klokkan 18.00. Jarðarferðin verð­ur úr Havnar Kirkju miku­ dagin klokkan 13.00. Tey, ið ynskja at minnast Jarmund, kunna lata eina gávu til Lágargarð. Konto í peningastovnunum. Jóhannus Poulsen, skip­ ari, við Sjógv, Strend­ur andaðist á Ríkis­sjúkra­ hús­inum sunnudagin 8. oktober, 62 ára gamal. Jarðar­ferðin verður kunn­ gjørd seinni. Kistan við Mariu Henriettu Bech fer úr kapellinum á Suðuroyar Sjúkrahúsi inn í Salem týsdagin kl. 18.00. Jarðar­ ferðin verður mikudagin kl. 13. Tey, ið vilja minnast Miu, kunnu lata Salem eina peningagávu; konta í pen­ingastovnunum. Kistan við Ámundi Poul­­sen, Klaksvík fer frá kapell­inum heim í Christians­kirkjuna í kvøld klokkan 18. Jarðarferðin verður týsdagin klokkan 13:30. Tey, ið vilja minn­ ast Ámund kunnu lata eina gávu til Christians­ kirkjuna. Andlát og jarðarferðir Alexandrina Sørensen, Trongisvágur, 80 ár Minningarorð um mín góða granna Estrid Nilssen