fríggjadagur 13. oktober 2006síða 36

36 Nr. 198 - 13. oktober 2006 Lesið meira um onnur størv á www.torshavn.fo/leysstorv Tórshavnar kommuna søkir eftir vatnmeistara. Undir leiðslu av teknisku deild, røkir vatnmeistarin hesar uppgávur: • stendur fyri og hevur rakstrarábyrgd av viðlíkahaldi og útbygging av vatnkervinum • hevur dagligu leiðsluna av vatnverkinum um hendi • hevur umsitingarligu ábyrgdina av amboðum, maskinum og húsum, ið eru knýtt at vatnverkinum • luttekur í skráseting av vatnleiðingum Talan er um eitt spennandi og sjálvstøðugt starv við møguleika fyri fakligari og persónligari menning. Fakligir eginleikar Vit vænta, at tú hevur maskintekniska útbúgving, hevur leiðslu- royndir og kunnleika til rørleiðingsarbeiði v.m. Tú skalt hava koyrikort. Eisini krevst kunnleiki til teldutøkni, t.d. teldukoyrikort. Persónligir eginleikar Vit hugsa okkum, at tú ert 35 til 45 ára gamal. At tú kanst arbeiða sjálvstøðugt og ert málsøkjandi og fyrikomandi. Ert førur fyri at taka skjótar og rættar avgerðir og at hugsa rationelt. Setanarviðurskifti Starvið verður sett við 1 árs royndartíð, løn sambært sáttmála við avvarðandi yrkisfelag. Meiri fæst at vita um starvið við at venda sær til Viggo Christiansen, deildarleiðara, ella Boða Haraldsson, býarverkfrøðing, tlf. 302010 ella 214015. Umsókn saman við viðmælum og upplýsingum um útbúgving og royndir, skal vera Tórshavnar kommunu, postsmoga 32, 110 Tórshavn, í hendi í seinasta lagi mánadagin 23. oktober 2006. Tórshavnar kommuna Vatnmeistari [endurlýsing] Vatnverkið Vatnverkið heldur til í Tórfinsgøtu 21, og har starvast 9 mans. Høvuðsarbeiðið á vatnverkinum er at tryggja støðuga vatnveiting í kommununi, og í hesum sambandi at hava eftirlit við vatnkervinum. Fremja umvæling av verandi vatnleiðing, og nýgerð í sambandi við m.a útstykkingar v.m. Í kommununi eru 9 størri og smærri reinsiverk. Samlaða vatngoymslan í kommununi er 1.400.000 m3, árliga nýtslan er 3.500.000 m3. Havnar Harmonikufelag Fráboðan til stovnandi aðalfund hjá Havnar Harmonikufelag Boðað verður til stovnandi aðalfund í Fr. Petersensgøtu 2 sunnudagin 22. oktober kl. 16.00. Áhugað, bæði íðkandi harmonikuleikarar og stuðlar, eru vælkomin á fundin. lýsingar