mánadagur 16. oktober 2006síða 31

Nr. 199 - 16. oktober 2006 31 lýsingar VinnumálaráÐiÐ Tú hevur áræði og hug til at vera við til at skapa framtíð Føroya Nú eitt av okkara starvsfólkum er farið í annað starv, sóknast Menningardeildin í Vinnumálaráðnum eftir einum nýggjum starvsfelaga at byrja 1. desember 2006 ella skjótast til ber eftir hetta. Talan er um eitt fulltrúastarv, har ið tú umframt vanligu arbeiðsuppgávurnar kemur at luttaka í og fáa ábyrgd av størri verkætlanum. Av verkætlanum, sum arbeitt verður við á deildini í løtuni, kunnu t.d. nevnast: • at einskilja fyritøkur landsins • at betra um møguleikarnar at ferðast loftvegis. Dagføra floghavnina og skapa gróðrarbotn undir økta kapping á Føroyaleiðini • at styrkja vinnuframaátøk og íverkasetan, herundir at leggja Menningarstovuna og Ferðaráð Føroya saman í ein dynamiskan vinnuframastovn • at dagføra vinnulóggávuna soleiðis, at hon fylgir altjóða standardum • leggja framtíðarætlanir fyri økið Vinnumálaráðið er umsitingin hjá landsstýrismanninum í vinnumálum. Menningardeildin er ein dynamisk deild, hvørs umsiting fevnir breitt um fleiri áhugaverd øki, og har fjøltáttaðar og vaksandi uppgávur standa fyri framman. Deildin fæst við almenna vinnumenning, herundir vinnuframamál, ársroknskaparmál, partafelagsmál, grannskoðanarmál, fjarskiftismál, KT-vinnu, postmál, kappingarmál, vega- , og havnamál, og ferðslu-, og flogferðslumál. Vit hugsa okkum, at tú: • hevur útbúgving frá hægri lærustovni, t.d. sum búskapar- ella løgfrøðingur. • ert dynamisk/ur og kreativ/ur • hevur góð samstarvsevni • hevur góð evni at hava fleiri bóltar í luftini ísenn • megnar at arbeiða undir stórum arbeiðstrýsti • hevur hollan kunnleika til danskt og enskt, umframt føroyskt • dugir at nýta vanlig KT-forrit Meiri fæst at vita um starvið um tú vendir tær til Arna Poulsen, aðalstjóra á tlf. 35 60 70 ella Niels Winther, deildarstjóra á tlf. 35 60 76 Starvið verður sett sambært sáttmála millum Fíggjarmálaráðið og avvarðandi yrkisfelag. Setanarøkið fevnir um Vinnumálaráðið og stovnar undir tí, umframt Løgmansskrivstovuna og hini stjórnarráðini. Allar umsóknir verða viðgjørdar í trúnaði og skulu saman við prógvum, CV og møguligum viðmælum sendast til: Vinnumálaráðið Postrúm 377 110 Tórshavn Umsóknin skal verða Vinnumálaráðnum í hendi í seinasta lagi mánadagin 30. oktober 2006.