týsdagur 24. oktober 2006síða 28

28 Nr. 205 - 24. oktober 2006 vinnusíðurnar - Eg eri stak ónøgdur við siteringina. Hon er tikin úr samanhanginum, og samrøðan var fleiri vikur gomul, sigur Jákup Lamhauge, analytikari hjá Eik Bank, um greinina í Berlingske Business, sum endurgav hann fyri at siga, at leysatíðindi vóru um, at nógv olja var funnin við Føroyar Olja Finnur Jensen finnur@sosialurin.fo Fleiri vóru bilsin, tá úrslitið frá boringini á Brugduleið­ ini varð kunngjørt týsdagin. Tí tríggjar dagar áðrenn hevði danska blaðið Ber­ lingske Tidende á sínum vinnusíðum borið tíðindini um, at olja var funnin í stórum nøgdum. Í greinini “Oliefeber i Nord­atlanten” verður Jákup Lamhauge, analytikari hjá Eik Bank, siteraður fyri at siga, at hann hevur hoyrt leysatíðindi um, at borurin hjá Stena Don hevur rakt við eitt risastórt oljufelt. Positivu tíðindini ávirkaðu millum annað kursin hjá føroyska oljufelagnum At­lantic Petroleum, ið gjørdist toppskorari á danska virðisbrævamarknaðin­um stutt eftir, at greinin stóð í danska blaðnum. Bilsin og ónøgdur Men greinin hjá danska blaðnum var gass, og Jákup Lamhauge stóð eftir við svarta Per. Tí eftir stóð spurn­ingurin, hvussu ein ana­lytikari hjá Eik Bank, ið dagliga fæst við at keypa og selja virðisbrøv, kundi fara so skeivur í síni meting. - Eg var ikki sørt bilsin, tá eg las greinina í Berlingske Business. Fyri tað fyrsta var samrøðan gjørd fleiri vikur, áðrenn greinin kom í blaðið. Tað vil siga áðrenn, at Sosialurin bar tíð­ind­ ini um, at eingin olja var funnin, sigur Jákup Lam­ hauge. Sambært Jákupi Lam­ hauge visti hann ikki, at samrøðan skuldi nýtast til eina grein. - Blaðmaðurin segði ong­an­tíð, hvør hann var. Eg helt, at hann var eitt viðskiftafólk, ið spurdi seg fyri. Eg segði bara, sum var, at nógv leysatíðindi vóru, millum annað í norsku fjølmiðlunum, sum stað­festu, at olja var funnin, greið­ir Jákup Lamhauge frá. - Eg eri stak ónøgdur við siteringina. Hon er jú tikin úr samanhanginum, sigur analytikarin hjá Eik Bank, ið vísir á, at leysatíðindini um oljuna í Føroyum var ein lítil eykasetningur í eini longri samrøðu um millum annað privat danskar pen­ siónsgrunnar, ið vóru áhug­aðir í at seta pening í At­lantic Petroleum. Onnur tíðindi ávirkaðu Jákup Lamhauge ivast ann­ ars í, hvussu stóra ávirk­­an, endurgevingin um leysa­ tíðindini hevur havt á kursin hjá Atlantic Petroleum. Hann vísir á eina aðra grein, sum stóð í sama blaði, um at fleiri pensjónsgrunnar hava sett pening í Atlantic Petroleum, millum annað pensjónsgrunnurin PKA, ið umsitur pensjónsinngjaldið hjá donskum sjúkra­røkt­ arfrøðingum og sosial­ráð­ gevarum. PKA setti 27,5 milliónir krónur í føroyska oljufelagið. - At ein pensjónsgrunnur setir so nógvar pengar í eitt oljufelag skapar álit millum aðrar investorar, og hevur sostatt ávirkað kursin. Hesi tíðindini vórðu eisini nógv endurgivin í øðrum donsk­ um fjølmiðlum. Tað var bert í Føroyum, at leysatíðindini um stóra oljufundið, vórðu endurgivin, vísir Jákup Lam­hauge á. Oljan, ið hvarv - Eg var ikki sørt bilsin, tá eg las greinina í Berlingske Business. Fyri tað fyrsta var samrøðan gjørd fleiri vikur, áðrenn greinin kom í blaðið. Tað vil siga áðrenn, at Sosialurin bar tíðindini um, at eingin olja var funnin, sigur Jákup Lamhauge, analytikari hjá Eik Bank Marknaðarrák Partabrøv hildu áfram at hækka í farnu viku. Dow Jones vísitalið er hækkað upp um stigið í 2000, og S&P500 vísitalið yvir 500 tey størstu partabrøvini í USA er hækkað væl upp um tað, tað var áðrenn lækkingina í mai mánað. Sama myndin er galdandi flest alla staðni. Í Evropa eru tað bert Noreg og Finnland, sum ikki eru komin upp um stigið í mai. Sum heild er alheims partabrævamarknaðurin hækkaður 14% síðan hann var lægst í juni, og 12% higartil í 2006. Hendan gongdin er stuðlað av góðum inntøkum hjá virkjunum, eins og hon hevur verið síðan 2003. Sostatt er kursgongdin í tráð við inntøkurnar hjá virkjunum. Tó er 14% upp á 4 mánaðir ein skjót hækking, og lækkingin í mai, sum var tann størsta í 3 ár, kann hava lopið hvøkk á íleggjarar. Tí er ikki óhugsandi, at vit fáa eina lítla rætting niðureftir í partabrøvunum innan alt ov leingi. Lánsbrævarentur hækkaðar Lánsbrævarenturnar hækkaðu aftur í farnu viku. Danska 10-ára rentan er nú 3,95%. Hetta er tað sama sum 1-árs rentan, og bendir á, at lánsbrævaíleggjarar hóast alt ikki óttast prísvøkstur í løtuni. Góðir roknskapir Nú er tíð til roknskapirnar fyri 3. ársfjórðing. Amerikonsk virkir vóru sum vanligt fyrst úti, og har hava 173 av teimum 500 virkjunum í S&P500-vísitalinum kunngjørt roknskap. Úrslitið higartil stuðlar undir hækkandi partabrævakursum. Inntøkurnar eru øktar 18% hetta seinasta árið, og hetta er 3% meir enn íleggjarar væntaðu. Á okk­ara leiðum eru roknskapirnir eisini byrjaðir at koma. Serliga er sjóneykan sett á smærru donsku peningastovnarnar, sum hava havt sera góð úrslit seinastu árini. Hesa vikuna kunnger m.a. Ringkjøbing Landbobank roknskap. Hesa vikuna Hetta verður væntandi aftur ein áhugaverd vika á virðisbræva­ mark­naðunum. Aftrat roknskapum verða eyguni havd við amerikanska tjóð­bankanum, sum hevur fund týskvøldið. Um tey geva ábendingar um, at rentuhækkingarnar ikki eru av, kann hetta tálma partabrøvum. Partabrøv hækka enn Vika 43                                  SEK      Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar.             