mánadagur 13. november 2006síða 16

16 Nr. 219 - 13. november 2006 tíðindi Ebenezer:Stásiligur samkomusalur í Umleið 1000 fólk vóru til móttøku í Ebenezer leygardagin 11. november, tá bygningurin aftur varð tikin í nýtslu eftir eina stóra umbygging Móttøka Magnus Gunnarsson maggi@sosialurin.fo Myndir: Finn Jakobsen og Høgni Thomsen Arbeiðið við at umbyggja Ebenezer hevur tikið eitt ár. Byrjað varð í november 2005. Umbyggingin um­ fatar báðar teir ovastu sal­ arnar, wc og gongirnar í húsinum. Ikki kann sigast annað enn, at húsið er stásiligt. Grótlagt gólv og gongs­ veggirnir móti salunum í øllum trimum hæddunum eru grótlagdir og harmon­ erar hetta sera væl. Stórur dentur er lagdur á ljóð­ viðurskiftini, sum nú eru framúr góð. Sangkórið og duplt­kvar­ tettin settu sín serliga dám á løtuna. Øssur Berghamar hevði gjørt ein serligan sang til dagin, sum sang­ kórið sang, og Jóannes á Váli spældi á nýggju urg­ una. Napoleon Vang og Os­ mund Justinussen greiddu frá um søguna hjá Ebene­ zer og um umbyggingina. Heils­anir vóru frá arki­ tektinum Pascale Nemery, Jógvani á Lakjuni, menta­ málaráðharra, og Heðini Mortensen, borgarstjóra, sum øll bóru góðynski fram fyri Ebenezer. Eftir at Heini Heinesen endaði løtuna, vóru kaffi og køkur at fáa í niðara sali, og fólk kundu ganga runt í húsinum, og síggja tað sum er gjørt. Ebenezer hevur verið á sama staði við Sverrisgøtu í meira enn 100 ár. Tann fyrri salurin stóð liðugur í 1905. Í 1932 var bygt uppí, men í 50-unum bleiv sal­ urin ov lítil, og tí máttu størri hús byggjast. Tað Ebenezer, ið vit kenna í dag, stóð tað liðugt í 1963. Upp gjøgnum tíðirnar eru smærri umvælingar og broytingar gjørdar, men hetta er fyrsta stóra um­ bygging, sum er gjørd síðan tá. Fyri nøkrum árum síðan varð ein lyfta millum hæddirnar tikin í nýtslu. Í Ebenezer eru tríggir salir við umleið 1200 siti­ plássum, har teir minnu salirnir hava stórskíggjar, so øll kunnu fylgja við tí sum fer fram. Vindeyguni eru prýdd við eini vatnlitsmynd hjá Eyðuni av Reyni listamanni. Árni Jensen syngur saman við Ebenezer-kórinum, meðan Sigrið Rasmussen og Jóannes á Váli spæla undir.