mánadagur 18. desember 2006síða 23

Nr. 244 - 18. desember 2006 23 tíðindi Pipar & Salt letur jólagávu Sjúrður Skaale og Jákup Weyhe, sum eru menninir aftanfyri Pipar & Salt, hava latið 100.000 krónur til sølubúðina hjá Neyðhjálp Fólkakirkjunnar JÓLAGÁVA Heini S. Kristiansen heinik@sosialurin.fo Á tíðindafundi í morgun í hølinum hjá Iktys varð gáva á 100.00 krónur latin til Óla Nielsen, sum er kontaktpersónur hjá Neyð­ hjálp Fólkakirkjunnar í Føroyum. Tað er Pipar & Salt, sum hevur latið gáv­ una. Altjóðagerð í praksis Sjúrður og Jákup søgdu nøkur orð, áðrenn teir handaðu kekkin. – Fyrr vóru nógvir »árs­ ins eitt­ella­annað«­heiðrar givnir. Hetta hevur mangla í ár, og tí hildu vit, at tað var okkara tørn. Vit hava so valt at geva Neyðhjálp Fólkakirkjunnar eitt herða­ klapp, søgdu teir báðir. – Hendan lítla biksin er altjóðagerðingin í praksis. Hon sær sera lokal og bygdaslig út, men hon røkkur út um allan heimin við hjálp sínari. Einans 5­6 % av inntøkunum fara til umsiting og restin fer óskert til neyðhjálp. Hetta gevur okkum álit á Neyðhjálp Fólkakirkjunnar, søgu Sjúrður og Jákup. Óli Nielsen var sum vera man ovurfegin um gávu­ na. – Eg eri heilt ótrúliga glaður. Fólk hava tikið væl undir við okkara arbeiði, og tað hevur verið sera positivt, segði Óli. 200 geitir og 40.000 hítur Til stuttleikar nevndu Sjúrður og Jákup nøkur dømi um, hvat hesar 100.000 krónurnar kunnu brúkast til í 3. heiminum. – Vit hava oyramerkt pengarnar til at keypa 200 geitir, 40.000 hítur, 800 hønir, 1 kúgv og 2 oliventrø. Eisini ætla vit at fylgja arbeiðinum hjá Løgtingi­ num upp við at stuðla grundlógararbeiðið á Ma­ lawi. Trupulleikin hjá Ma­ lawum er, at teir skilja ikki grundlógina, tí at alt verður skrivað á enskum. Soleiðis ætla vit at stuðla malawum við 20 eintøkum av mala­ wisku grundlógini á upp­ runamálinum, søgdu teir báðir við einum skeivum smíli. Sjúrður og Jákup hava fígging fyri gávuna, men teir vóna at vinna pengarnar inn aftur við søluni av Pipar & Salt Classic DVD­ fløguni. – Um hetta ikki eydnast, mugu vit bara punga út, segði Sjúrður at enda. VOX enn eina góða konsert Kórið VOX, sum er eitt kristiligt kór, hevði jólakonsert í einari nærum fullsettari Fríðriks­ kirkju í gjár TÓNLEIKUR Heini S. Kristiansen heinik@sosialurin.fo Afturvendandi jólakon­ sertin hjá VOX var í Fríð­ rikskirkjuni í gjár. Seinastu árini hevur konsertin verið hildin í Fríðrikskirkjuni á Toftum, og hon er vorðin fastur partur av desember­ kalendarinum hjá mong­ um. Aftur í ár var konsertin væl eydnað. Tað hoyrist, at sangararnir í kórinum eru royndir og dugnaligir. Konsertin byrjaði flott, har ið sangararnir komu gang­ andi inn, meðan teir sungu. Tey vóru eisini øll í somu litum, og hetta sá sera gott. Skráin var sera fjølbroytt við gomlum og nýggjum sangum. Sumt var gospel, meðan annað var meira modernað popp­kent. Fríðrikskirkjan var nær­ um fullsett til hesa kon­ sertina. Áhoyrararnir tókt­ ust at vera væl nøgdir eftir konsertina. So er bara at bíða til næsta ár. Kórið VOX venur annars regluliga, og tey kunnu væntast at hoyra til onkra konsert í næstum. Óli Nielsen fær handað kekkin á 100.000 krónur frá Sjúrða Skaale og Jákupi Weyhe, menninir aftanfyri Pipar & Salt Mynd: Jens Kr. Vang Konsertin varð hildin í flotta umhvørvinum í Fríðrikskirkjuni á Toftum Mynd: Andrea Højgaard Kórið VOX er mannað av útvaldum royndum sangarum Mynd: Andrea Højgaard