týsdagur 19. desember 2006síða 26

29 tíðindi Nr. 245 - 19. desember 2006 – Nú fáa vit góðar møguleikar at síggja allar leikararnar í dysti Birgir Hansen, landsliðsvenjari ítróttur SAMBAND jákup mørk jakup@sosialurin.fo tlf 341800 Stór hondbólts­ kapp­ing verður í høll­ini á Hálsi annan jóladag, har landsliðsvenjararnir hava tikið út tvey lið, sum skulu leika ímóti tveimum úrvals­ liðum, sum Sosialurin tekur út HONDBÓLTUR Teitur Joensen teitur@sosialurin.fo Fyri knøppum mánað síðani var hondbóltslandsliðið í Luksemburg, har teir leiktu tveir dystir ímóti landsliðnum hjá Luksemburg. Hetta vóru fyrstu dystirnir undir nýggju landsliðsvenjarunum. Kapping á Hálsi Undan dystunum ímóti Luks­emburg høvdu lands­ liðs­venjararnir ikki havt teir heilt stóru møguleikarnar at sæð allar leikararnar í Føroyum, og tí hava teir valt at skipa fyri eini kapping annan jóladag, har fýra lið fara at taka lut. Landsliðsvenjararnir, Birgir Hansen og Kári Niel­ sen, hava tikið út tvey lið, sum skulu við í kappingina, meðan hini bæði liðini vera tvey úrvalslið, sum sosialurin fer at taka út. Birgir Hansen sigur, at teir vilja gjarna síggja allar leikararnar í dysti, og tí hava teir valt at skipa fyri hesi kapping. – Hondbóltskappingin er sjálvandi longu løgd, og tí hava vit ikki teir heilt stóru møguleikarnar at savna leikararnar til lands­ liðsvenjing. Tí hildu vit, at ein kapping annan jóladag hevði komið væl við. Nú fáa vit góðar møguleikar at síggja allar leikararnar í dysti, samstundis sum aðrir leikarar eisini fáa møguleika at vísa sínar dygdir. Venjingardystir eftir kappingarárið Kappingin í høllini á Hálsi er bara fyrsti liður í eini venjingætlan hjá lands­ liðnum mkillum jóla og nýggjárs. Landsliðið fer nevniliga at hava tríggjar venjingar vikuskiftið 29. og 30. desember. Í komandi ári ætla venjararnir eisini at savna landsliðið til fleiri venjingar, og her vera eisini onkrir dystir í væntu, sigur Birgir Hansen. – Tað er ikki lætt hjá okkum at fáa venjingartíðir orsaka av øllum dystunum, sum eru á skránni. Ætlanin er tó at savna landsliðið nakrar ferðir fyrst í næsta ár. Harafturat vera tveir venjingardystir á skránni móti endanum av kappingarárinum, har vit antin møta ligalandsliðnum úr Íslandi ella U-lands­liðn­ um. Hesir dystir liggja í løt­ uni í endanum av okkara kapp­ ingarári, men arbeitt verður við at flyta teir út í apríl mánað, soleiðis at teir ikki koma at ávirka endaspurtin í hondbóltinum. Málið er HM- undankappingin Arbeiði hjá landsliðnum er partur av eini langtíðarætlan, har meiningin er, at lands­ liðið skal vera við í HM- undankappingini, sum byrjar í januar 2008. Birgir Hansen sigur, at leikararnr mugu byrja at halda seg í form alt árið. – Tá ið hondbólturin er liðugur tíðliga á vári, so liggur venjingin still hjá flest øllum feløgum og leikarum. Vit halda tað vera umráðandi, at leikarar eisini halda seg í gongd í summarhálvuni, soleiðis at menn eru ordiliga klárir, tá hondbólturin fer í gongd aftur. Her haldi eg, at vit mugu fáa skipaða venjing av onkrum slag. Landsliðsleikararnir hava eisini nógv annað at gleða seg til. Í november í næsta ár er ætlanin at hava enn tveir landsdystir á skránni. Hvat mótstøðuliðið verður, er ikki greitt enn. Harafturat ætla venjararnir at melda liðið til eina fýralandakapping í desember mánað í 2007. Henda kapping skal vera seinasta fyrireiking til HM- undakappingina, sum verður í januar. Her er heldur ikki greitt enn, hvørji lið fara at luttaka, men ætlanin hjá venjarunum er, at liðið skal møta landsliðum, sum eru heldur sterkari enn Før­oy­ ar, soleiðis at føroysku leik­ ararnir fáa harðast møgu­ liga mótstøðu undan HM- undankappingini. Hondbóltur: Landsliðið í eldin annan jóladag Landsliðini Lið 1: Levi Nybo H71 Regin Joensen VÍF Dann Thorleifsson Neistin Áki Mørk Neistin Rói Lamhauge VÍF Tróndur Kragesten Neistin Regin Petersen Skovbakken Rókur Akralíð Kyndil Hjalti M. Jacobsen Kyndil Carl Herup Olsen Neistin Lið 2: Eli Müller VÍF John Zachariassen VÍF Heini Hanusarson Team Elite 3000 Sámal Joensen VÍF Hans Á. Dal-Christiansen Kyndil Agnar Joensen VÍF Ingi Olsen VÍF Poul Kjartan Dam H71 Høgni Klein Kyndil Mortan Hansen, Lars Black og Niels Viggo Niclassen hava givið avboð til kappingini annan jóladag. Landsliðsvenjararnir í hondbólti velja út tvey landslið, sum skulu spæla kapping ímóti tveimum úrvalsliðum, sum Sosialurin velur. Kappingin verður annan jóladag