fríggjadagur 1. desember 2006síða 7

Nr. 233 - 1. desember 2006 7 tíðindi Bókadeild Føroya Lærarafelags hevur givið tvær serligar bøkur út við spøkilsissøgum, sum eru nýskrivaðar og grundaðar á nútíðina Lag til rættis: Rigmor Dam Sig mær eina óhugnaliga søgu 50.000 kr til besta sangskrivaran Norðurlandahúsið fer í vetur at skipa fyri einari sangskrivarakapping. Endamálið er at fáa føroyskar tónleikarar at smíðja nýggj løg. Vinningurin er 50.000 kr. sum eru oyramerktar til eina tónleika­ framleiðslu. Hetta kann t.d. verða ein nýggj studioupptøka, ein fløguútgáva eitt nýtt videolag o.s.v.. Treytin fyri luttøku er, at løgini ikki skulu vera útgivin til sølu áður, men í aðrar mátar er mest sum púrasta frítt spæl. Vinnandi lagið fær umframt peningagávuna eisini møguleika at verða framført á palli, tá AME finalan verður tann 14. apríl. Mánadagin 4. desember kl. 19.30 verður limafundur í Giktafelagn­um í MBF- húsunum. Giktalæknin Pero Zoré heldur fyrilestur um giktarsjúkuna urinsýrugikt. Eftir fyrilesturin er jólahugni, har felagið bjóðar drekkamunn, gløgg , jólakøkur o. a. afturvið. Undirhald verður, og luttakararnir fara eisini at hugna sær við at syngja jólasangir. Limir kunnu bjóða øðrum við, og øll eru vælkomin. GIKTABLAÐIÐ fyri 2006 er komið, tað verður latið limum og áhugaðum ókeypis. Um onkur umhugsar at tekna seg sum lim, er høvi til tað. Limagjaldið er 200 kr. fyri hjún, 150 kr. fyri einstaklingar og 500 kr. fyri feløg og stovnar. Jólakort við føroyskari list fáast til keyps frá felagnum hetta kvøldið og annars, tá skrivstovan er opin týsdagar og hósdagar kl. 13 – 16 ella við at ringja til Giktafelagið tlf. 310237. Karaoke-finalan verður fríggjakvøldið Nú er greitt, hvørji tey seks verða, sum skulu royna seg í finaluni í karaoke-kappingini, sum Glitnir hevur skipað fyri seinastu vikurnar. Seinasta undankappingarumfarið var hóskvøldið í farnu viku, og í annað kvøld verður so finalan á skránni. Hara fara Allan Davidsen, Andreas Arge, Bjarni Bogason, Iman Fadie, Mikkjal Viderø og Sólvá Ford at dystast um høvuðsvinningin. Spøkilsið sum flenti Bókadeild Føroya Lærarafelags Edward Fuglø hevur myndprýtt føroysku søgurnar 266 blaðsíður 210 krónur Bókin »Spøkilsið sum flenti« er úrslitið av eini felags norðurlendskari verk­ ætlan, sum er endað við 13 (sjálvandi!) spøkilsissøgum úr øllum Norðurlondum. Her eru bæði kendir og ókendir rithøvundar, og all­ar søgurnar eru so hátt­ aðar, at tað rennur tær kalt niður eftir bakinum. Savnið er ætlað 9 – 12 ára gomlum børnum og er eindømi av sínum slag, av tí at hetta man vera fyrstu ferð, at øll átta mál­ ini í Norðurlondum eru um­boðað. Hugskotið til savnið kom á bókamessu í Bologna í 2004, har norðurlendsk bókaforløg gjørdu av at fara undir eina verkætlan, sum skuldi enda við eini bók við nýskrivaðum spøkilsis­søgum. Í Føroyum varð kapping um at skriva spøkilsissøgu, sum kundi umboða Føroyar í savninum. Trý og tretivu søgur komu inn, og tvær teirra vóru valdar út til savnið, Spøkilsið sum flenti. Tað eru søgurnar Ver ikki bangin hjá Sámal Kristian Jacobsen og Óvitar hjá Sólrún Michelsen. Í savninum eru fimtan søgur, øll londini eru um­boðað við tveimum søg­um hvørt, uttan Grønland, sum hevur eina søgu. Til allar søgurnar hava tekn­arar úr ymsu norðurlondunum gjørt myndprýðingar. Myndprýðingarnar til tær føroysku søgurnar hevur Edward Fuglø gjørt. Bókin er eitt valaverk, innbundin og í litum, permumyndina til føroysku útgávuna hevur Salla Savolainen gjørt. Aftast er frágreiðing um høvundar og myndprýðarar. Svartideyði og aðrar spøkilsissøgur - føroyskar spøkilsissøgur Bókadeild Føroya Lærarafelags Tekningar: Jóhannes Lamhauge 98 blaðsíður 165 krónur Av teimum trý og tretivu søgunum, sum vóru latnar inn til søgukappingina, sum Bókadeildin skipaði fyri, vóru fleiri væl skrivaðar søgur, sum vóru betur egnaðar til eldri lesarar. So gjørt var av at lata eitt savn út við nýskrivaðum spøkilsissøgum fyri ung. Tað gjørdist so til eitt savn við tíggju søgum. Tey, ið skrivað hava eru: Gitte Klein, Øssur Winthereig, Arnbjørn Ó. Dalsgarð, Dánial Hoydal, Steintór Rasmussen, Rakel Helmsdal, Vónbjørt V. Linjonsdóttir, Edmund Joensen, Firouz Gaini og Valdemar á Løgmansbø. Jóannes Lamhauge varð biðin um at gera tekningarnar, og tað er hann sloppin sera væl frá. Tær svørt/hvítu tekningarnar gera søgurnar óhugnaligar, ja, eru næstan ræðsluvekjandi. Aftast í bókini er frágreiðing um myndprýðara og høvundar. Limafundur hjá Giktafelagnum Nú kvøldini eru myrk og long, ber til at gera tey meira spenn­andi og ógvuliga óhugna­lig við at lesa hesar føroysku spøkilsissøgurnar. Gamalt hevur verið at siga frá óhugnaligum hend­ingum. Søgurnar eru ivaleyst komnar í av løgnum og skakandi hend­ingum, sum ikki bar til at geva fullfíggjaða frágreiðing um, væl stuðlað av at fyrr hevur verið myrkt og óhugnaligt um kvøldið og náttina. Einsemi og at ganga einsamøll og lata óhugnaligar kenslur fáa tamarhald á sær, hevur eisini gjørt sítt til, at fólk eru farin at siga frá óhugnaligum søgum um spøkilsi. Spøkilsið sum flenti Svartideyði og aðrar spøkilsissøgur - føroyskar spøkilsissøgur