fríggjadagur 1. desember 2006síða 30

30 Nr. 233 - 1. desember 2006 Sunnudagin verð­ur rættiligur bóka­dámur í Norður­landa­ húsinum. Á skránni er stór framsýning, upplestur, tónleikur, pallborð og fyrilestur. Norski høvundin Lars Saabye Christensen verður millum luttakararnar. Bókmentir Rigmor Dam rigmor@sosialurin.fo Í sambandi við bókadagin verður bókaframsýning við ársins føroysku bókum sett upp í forhøllini í Norð­ urlandahúsinum. Hesum skipar Rit&Rák fyri. Sjálvt tiltakið byrjar í Kringruni klokkan 15, har Heðin M. Klein, formaður í Rithøvundafelag Føroya, hevur vælkomuorð. “Martin Joensen og hin­ ir” syngja og spæla úr Lat meg goyma teg (bók) og Á brúnni (fløgu). Bergtóra Hanusardóttir lesur úr nýggju skaldsøgu síni: Burt­ur. Kim Simonsen les­ ur yrkingar úr savninum: Náðisólin. Carl Jóhan Jensen lesur úr savninum: September í bjørkum sum kanska eru bláar, í nýliga komu út á fløgu. Absalon Absalonsen lesur úr ævisøguni: Jóan Petur hjá Mouritsi. Høgni Mohr lesur úr greinasavninum: Ali babba og 49 aðrar blað­greinir. Oddvør Johan­sen lesur upp úr nýggj­astu útgávuni: Úr køksvindeyganum og “Martin Joensen og hinir” syngja og spæla úr nýkom­ nari bók og fløgu Forkunnug vitjan Tiltakið heldur fram í for­ høllini klokkan fýra, har norski rithøvundurin Lars Saabye Christensen hug­ leiðir um sítt skrivliga virk­ semi: ERINDRING OG FANTASI. Lars Saabye Christ­ensen, f. 1953, er ein tann gávuríkasti rithøv­ undurin í Noregi í okkara tíð. Hann hevur síðan frum­ útgávu sína í 1976 givið út fjøruti bøkur, helst skald­søgur, stuttsøgur og yrk­ingar, men eisini t.d. leikir og filmshandrit. Fleiri bøkur hjá honum eru filmaðar. Í 2002 fekk hann norðurlendsku bók­menta­ virðis­løn­ina fyri skald­søg­ una Halvbroren (2001), sum er týdd til fleiri enn 20 mál. Síðan tá hevur hann givið út stuttsøgur, yrkingar og tríggjar skaldsøgur: Maske­ blomstfamilien (2003), Modellen (2005) og Saa­ byes cirkus (2006). Tjóðskapur og bókmentir Klokkan fimm verður pall­ borð í forhøllini: Tjóðskapur og bókmentir – forteyt og/ ella forðing? Við pallborðið sita: Malan Marnersdóttir, Rói Patursson, Turið Sigurð­ ardóttir, Kim Simonsen og Carl Jóhan Jensen Orð­ stýrari: Ivan Niclasen. Rithøvundafelagið og Norð­urlandahúsið siga frá, at øll eru væl komin, og at tiltakið er ókeypis. Starvslýsing Bókadagur í Norðurlanda­ húsinum sunnudagin