mánadagur 4. desember 2006síða 13

Nr. 234 - 4. desember 2006 13 Finnur Fríði Poul­ sen, ættaður úr Vest­ manna, búsitandi í Tórs­havn, andaðist á Landssjúkrahúsinum fríggja­dagin 1. desemb­ er, 62 ára gam­al. Bønar­ hald verður í Lands­ sjúkra­húskapellinum mánadagin klokkan 18. Jarðarferðin verður úr Vesturkirkjuni týs­dagin klokkan 13. Sung­ið verður úr sálma­bókini. ættaður úr Vest­manna, búsitandi í Tórs­havn, andaðist á Lands­sjúkra­ húsinum fríggjadagin 1. desember, 62 ára gamal. Bønarhald verður í Lands­sjúkra­ hús­kapellinum mána­ dagin klokkan 18. Jarðar­ferðin verður úr Vesturkirkjuni týsdagin klokkan 13. Sungið verður úr sálmabókini. Andlát og jarðarferðir Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Dagurin 5. desember. Sabina. Nógvar halgikvinnur bera hetta navn, men eingin tykist at hava samband við henda dag. Hildið verður tí, at talan er um tann halga mannin Sankta Sabas, ið er kendur kleysturbyggjari í Palestina. Hann doyði umleið ár 532. Hanna Thomsen 40 ára starvsdag 1. desember 2006 hevði Hanna Thomsen í Vági verið reingeringsfólk í Suðuroyar Sparikassa í 40 ár. Leygardagin 2. desember fylti Johan Eli Lisberg í Hvalba 70 ár. Foreldrini vóru Olantina F. Skaalum, Vestantún í Hvalba, og Danjal Johan Lisberg, úr Smiðjuni í Fám­ jin. Tey fingu tveir synir, Johan Eli og Trygva (ið var 3 ár yngri). Sum einans 11 og 8 ára gamlir mistu teir pápan, mamman gjørdist 92 ára gomul. Johan Eli giftist í 1963 við Margit f. Midjord, frá Neyst í Hvalba, dóttur Kristionnu og Jákup Midjord, vanliga nevndur (Jákup hjá Nielsi). Margit og Johan Eli eiga 5 børn, 4 synir og eina dóttur. Tveir av synunum búgva her suðuri, Dánjal Jóhan sum býr á Tvøroyri, og Jákup, sum býr á Økrum, Eyðun, sum býr í Kvívík og Óli sum býr í Hoyvík, Kristianna, ið er yngst, býr í Havn. Beiggin, Trygvi, var sjó­ maður alt lívið, til hann einans sum 45 ára gamal gekk burtur á sjónum, frá konu og tveimum børnum. Eitt kann sigast um Johan Eli, at sera arbeiðssamur hevur hann verið øll árini. Sum faðirleysur, og elstur av beiggjunum, hevur hann lært at taka ábyrgd av øllum, sum gerast skuldi í heiminum. Og tað var ikki smáting, tí tey høvdu bæði seyð, neyt og handil. Sum ungur var hann bæði á háskúla í Havn og í Danmark. Har fekk hann vinir og hevur samband við fleiri av teimum enn. Eisini var hann eitt skifti til skips, men eftir at vera giftur og familjan so smátt var farin at vaksa, var hann heima aftur, fyri at passa familjuna, handilin og jørð­ ina og tað sum annars var at taka sær av t.d. rógva út við 10 mannafarinum, sum hann átti saman við øðrum. Men sum hjá so nógvum var hugurin stór­ ur at sleppa aftur til skips og ein fyrispurningur um at loysa av ein túr við skitfiskabátinum Gud­ mundi, gjørdist til 35 ár á sjónum. Hetta tíðarskeiðið sigldi hann við Gudmundi, línubátinum Niels Paula, trolarunum Niels Paula og Phønix, sum hann var síðsta túrin við fyri hálvumøðrum ári síðani. Ein stóran part av tíðini til skips hevur hann verið kokkur, og hóast onga útbúgving á økinum hevur ligið væl fyri. Mangan góðan fiskabitan hava vit fingið frá tær og hóast vit ofta sakna frika­ dell­urnar og ræsta fisk­ in, so kanst tú við góðari samvitsku sita í lenistólinum og hyggja at sjónvarpi ella fáa tær ein blund. Tú hevur so sanniliga gjørt tína skyldu sum pápi, ja so nógv meira enn tað, altíð klárur at hjálpa bæði einum og øðrum. Johan Eli kennir nógv fólk, kanska einamest frá skipstíðini, og ósmæðin sum hann er, tá tað kemur til at koma í prát við fólk, hevur hann m.a. fleiri vin­ fólk í Hanstholm, sum var ein føst landingarhavn gjøg­ num fleiri ár. Væl dámar honum, tá hann hevur alla familjuna rundan um seg, bæði børnini við makum og abbabørnini, tað er ikki lukkuligt, sum hann tá spyr um bæði líkt og ólíkt. Tað er eisini sera hugnaligt, tá hann fortelur onkra søguna frá fyrr, og úr Hvalba eru nógvar góðar søgur. Har hevur, er og hevur altíð verið nógv fólk, sum hava duga væl at spæla øðrum »eitt puss« og hava eitt sermerkt lyndi. Vit kundu skriva fleiri síður afturat, men velja at steðga her, og fara at enda at ynskja tær hjartaliga tillukku á 70 ára degnum og alt tað besta í framtíðini, mamma fær eisini eina heilsu, uttan hana hevði onki verið sum tað er. Gud signi tykkum bæði. Heilsan frá okkum øllum. Børnini, við makum og abba/ommubørnini Johan Eli Lisberg 70 ár Edvard í Skorini Joensen, sum hevur verið leiðari á Kunningarstovuni í Vágum, tekur á nýggjárinum við sum kunningarleiðari hjá Tórs­havnar kommunu. Sum leiðari á Kunn­ing­ ardeildini hjá býráðnum fær hann ábyrgdina av sam­ skiftinum millum starvsfólk, deildirnar hjá kommununi og millum kommununa og borgararnar. Harumframt fær hann ábyrgdina av at røkja heimasíðuna hjá kommununi. Heðin Mortensen, borgar­ stjóri, sigur, at stórur tørvur er á einum kunningarleiðara til kommununa, serliga nú kommunan er vorðin so stór. Tórshavnar kommuna: Edvard í Skorini Joensen settur sum kunningarleiðari