mánadagur 4. desember 2006síða 15

Nr. 234 - 4. desember 2006 15 Føroyskur dansur Her er ein onnur mynd hjá Eli Petersen. Føroyskur dansur í stovuni f.v.: Ludvík Christiansen á Stykkinum og konan, Elisabeth, Hanna Nielsen í Kvívík. Myndin er helst tikin í 60-unum í Kvívík. nøvn Neytakonur í Kvívík Hendan myndin et tikin í umleið 1950 av neytakonum í Kvívík saman við nøkrum gentum. Aftara rað f.v.: Sunneva Petersen og mamman Augusta Petersen og Maria Petersen. Gentan í miðjuni er Jona Thomasen. Fremra rað f.v.: Kára Petersen, eisini dóttir Augustu, og systrarnar Sigrun, Marjun og Elin Grønholm, døtur hjá Hjørdis, f. Thomasen, og Verner Grønholm. Tær búðu í Danmark, og vóru komnar til Føroyar í summarferiu. Mamman, Hjørdis, er dóttir Tummas Thomasen (Kvívíks Tummas). Myndaeigari: Eli Petersen Gamlar myndir: Leygardagin 2. desember fylti Hilmar Kass, fyrr­ verandi sjómans­skúlalærari og løgtings­maður, 80 ár. Hilmar, ið er strandingur, var í mong ár ímyndin av Sjálvsstýrisflokkinum. Hann fór 16 ára gamal til skips við Austerlitz, sum pápin førdi. Hann sigldi til 1948, tá hann fór at ganga á stýrimansskúla og tók prógv á vári í 1950. Síðan fór hann til Keypmannahavnar, har hann tók skipsføraraprógv í 1950 og prógv sum fjarritari í 1951. Eftir at hava siglt í fleiri ár legðist hann upp á land í 1957. Í 1962 tók hann læraraprógv á Føroya Læraraskúla og var lærari á Millum- og realskúlanum í Havn skúlaárið 1962-63. Frá 1963 til 1969 var hann lærari á Føroya Studenta­ skúla í Hoydølum, umframt at hann var próvdómari á Føroya Sjómansskúla frá 1966-69. Í 1969 fekk hann fekk starv á Føroya Sjó­mans­ skúla sum lærari, har hann var varaskúlastjóri í 20 ár, frá 1973 til 1993. Hann var settur skúlastjóri í 1994, tá hann legði frá sær á skúlanum sum 67 ára gamal. Í 1966 var Hilmar vald­ ur inn á ting fyri Sjálv­ stýrisflokkin í Suður­ streymoyar vældømi. Hann var formaður flokksins og formaður í løgtingsins marknaðarnevnd frá 1970- 74 og frá 1981-88. Hann sat á tingi til 1988, tá hann valdi ikki at stilla upp aftur. Umframt at Hilmar var sjó­rættar­limur frá 1963-78, hevur hann sitið í nógv­um ymisk­um nevnd­um sum t.d. nevndini í Hvíldar­ heiminum Naina, Føroya Barnaheimi og Trygg­ ingarsambandinum Føroya, har hann eisini var formaður eitt langt tíðarskeið. Hilmar hevur altíð havt stóran áhuga fyri jarðar­ brúki og seyðahaldi. Hann eigur jørð bæði í Havn og á Strondum, og honum dámar framvegis væl at fáast við jarðarbrúk. Foreldrini hjá Hilmari vóru Sanna, f. Lamhauge úr Lamba, og Bartal Johansen av Strondum. Hilmar giftist við Lydiu, f. Danielsen, úr Porkeri. Tey eiga tvey børn: Bartal, sum býr í Danmark, og Anna sum býr í Hoyvik. Barnabørnini eru fýra í tali. Hilmar Kass 80 ár