mánadagur 4. desember 2006síða 29

29 [ Nr. 234 - 4. desember 2006 ] Mjølnir-SÍ 0-3 (21-25, 23-25, 16-25) SÍ nærkast oddinum SÍ vann trygg­an sigur í meistara­ deildini hjá kvinnum, tá tær vitjaðu hja Mjølni. Við sigrinum eru tær nú heilt nær oddinum. KVINNU­ FLOGBÓLTUR Teitur Joensen teitur@sosialurin.fo Leygardagin var dystur í millum topp og botn í meistaradeildini hjá kvinnum, tá Mjølnir tók ímóti SÍ. Gongdin hjá SÍ hevur verið sera góð síðstu dystirnar, og tær hava støðugt hála inn á oddaliðini. Hjá Mjølni hevur eisini gingið hampiligt síðstu dyst­irnar, men undan dystinum mátti SÍ metast at vera favorittur. SÍ fekk eisini betru byrjanina upp á dystin. Sjálvt um munurin ikki var stórur í fyrsta setti, so megnaðu sørvágs­ kvinnur at vinna hetta 21-25. Var fyrsta settið javnt, so var annað sett­ ið enn javnari. Her var at kala eingin munur á liðunum, og settið kundi fari báðar vegir. At enda var SÍ tó enn einaferð oman á, og úr­slitið av øðrum setti gjørd­ist 23-25 til SÍ. Nú tóktist Mjølnir missa móti, og í triðja setti var stórur munur. Her var SÍ betra liðið allan vegin, og hetta settið megnaðu tær eis­ini at vinna 16-25. Við sigrinum heldur SÍ góðu gondini, og nú eru bert tvey stig upp til oddaliðini. Bendtner er flúgvandi Danski álosspælarin Nicklas Bendtner hevur fingið rættiligt gjøgnumbrot í enska felagnum Birmingham. 18 ára gamli Bendtner er sáttmálabundin við Arsenal, men felagið hevur leigað danska framherjan til Birmingham í hesum kappingarárinum. Brimingham flutti niður í næstbestu deildina í summar, men nú er liðið aftur á veg í Premier League. Ein orsøk til tað er Nicklas Bendtner, sum hevur skotið átta mál fyri felagið og er millum bestu málskjúttarnar í deildini. Avgerandi dystir í Champions League Týskvøldið og mikukvøldið verða seinastu dystirnir í bólkaspælinum í Champions League spældir. Átta dystir verða spældir hvørt av kvøldunum. Í fleiri av bólkunum er avgerðin um, hvør fer víðari í kappingini, longu fallin, men í fleiri bólkum er eisini stórur spenningur um, hvørji lið koma víðari. Ein av bólkunum, har spenningurin er stórur, er hjá Barcelona, sum má vinna seinasta dystin ímóti Werder Bremen fyri at koma víðari saman við Chelsea. ÍF gav TB teirra fyrsta tap á heimavølli í ár, tá tær vunnu toppdystin í meistaradeildini hjá kvinnum í Trongisvági sunnudagin KVINNU­FLOGBÒLTUR Teitur Joensen teitur@sosialurin.fo Lagt var upp til satt brak í oddinum av meistaradeildini hjá kvinnum, tá TB tók ímóti ÍF í Trongisvági. Und­an dystinum lógu bæði liðini jøvn á fremstu rók við 12 stigum, og tí kundi vinnarin leggja seg á odda í meistaradeildini hjá kvinnum. Gongdin hjá hesum báð­ um liðunum hevur verið heldur øvugt síðstu vikurnar. Síðsta dyst hølvaði TB oddaliðið, Drátt, av suðuri í Trongisvági, og í sama umfarið bleiv ÍF hølva av á heimavølli ímóti SÍ. Tí kundi kanska roknast við, at TB fór at vera oman á í dystinum sunnudagin. Men so bleiv ikki. ÍF legði hart út Tað vóru nevniliga gestirnir úr Fuglafirði, sum løgdu betur fyri. Tað tóktist, sum tær høvdu nakað at prógva eftir ósigurin á heimavølli síðsta vikuskiftið. Munurin á liðunum var ikki stórur í fyrsta setti, men ÍF var heldur drúgvari. At enda megnaðu kvinnurnar hjá ÍF at toga seg fram við TB, og fyrsta sett endaði við 22-25 sigri til ÍF. Var fyrsta settið spenn­ andi, so bleiv annað settið ein sannur gysari. Bæði liðini stríddust manniliga alt settið, og munurin á liðunum var at kalla eingin. Liðini máttu spæla væl forbí tey 25 stigini, áðrenn ein vinnari bleiv funnin, og enn einaferð megnaðu gestirnir frá ÍF at draga longra stráðið. Tær vunnu annað sett 27-29, og nú sá ikki gott út hjá TB, sum ongan dyst hevði tapt á heimavølli í ár undan hesum dystinum. Hetta skuldi tó ikki vera dagurin hjá TB. Í triðja setti var ÍF enn einaferð oman á, og í hesum settinum var munurin størri enn í teimum báðum undanfarnu settunum. ÍF megnaði nevni­liga at vinna tiðja sett 20-25, og sostatt vunnu tær dystin 0-3. Við sigrinum hevur ÍF lagt seg á odda saman við Drátti, meðan TB misti eitt fet í oddastríðnum. Mjølnir vann tepran sigur á heimavølli í meistaradeildini hjá monnum, tá teir møttu botnliðnum, SÍ. Leingi sá tó út til, at SÍ kundi fara at vinna dystin. MANSFLOG­BÓLTUR Teitur Joensen teitur@sosialurin.fo Bert ein dystur var á skránni í meistaradeildini hjá monn­ um í vikuskiftinum. Her tók oddaliðið, Mjølnir, ímóti SÍ, sum liggur á aftasta plássi í bestu mansdeildini. Gongdin hjá Mjølni hevur verið stak góð í seinastuni, og undan hesum dystinum høvdu teir vunnið fýra dyst­ ir á rað. Hjá SÍ sær hinvegin ikki so gott út. Teir hava nevniliga bert vunnið ein dyst, men síðstu dystirnar hava teir fleiri ferðir verið nær við. Mjølnir legði tó betri fyri í heimadystinum ímóti SÍ. Í fyrsta setti var snøgt sagt klassamunur, og her hevði SÍ einki at skula hava sagt. Mjølnir vann heili 25-9, og nú lá eitt sorl í luftini. SÍ svaraði aftur Var nakar, sum væntaði, at Mjølnir nú bara fór at hølva SÍ av, so fóru tey øll skeiv. SÍ kom skjótt yvir keðiligu byrjanina, og í øðrum setti vóru teir klárt oman á. Mjølnir fekk slett ikki gongd á sama spælið, sum í fyrsta setti, og hetta gjørdi SÍ sær dælt av. Sørvingarnir megnaðu at vinna annað settið 17-25. Gongdin í triðja settið var júst tann sama. Enn eina­ferð var SÍ oman á, og enn einaferð megnaðu sørvingarnir at vinna 17- 25. Nú høvdu teir vent dyst­ inum, og knappliga vóru teir á odda 1-2. Mjølnir dró longra stráðið Nú sá ikki gott út hjá odda­ liðnum, og nú skuldu teir vinna síðstu tvey settini. Fjórða settið var sera javnt. Her fylgdust liðini at kalla allan vegin, men at enda eydnaðist Mjølni at draga longra stráðið. Teir vunnu hetta settið tepurt 26-24, so nú skuldi javnbrótari til. Her legði Mjølnir betri fyri, og teir vóru tóktust vera heldur betri enn SÍ hetta síðsta settið. Mjølnir megnaði eisini at vinna síðsta sett 15-11, og sostatt kláraðu teir at venda ein­um hótandi tapi til ein týdn­ ingarmiklan sigur. Mjølnir-SÍ 3-2 (25-9, 17-25, 17-25, 26-24, 15-11) Mjølnir heldur fyrsta plássi TB-ÍF 0-3 (22-25, 27-29, 20-25) ÍF vann í Trongisvági TB var ósigrað í heimavølli undan hesum dystinum. Men ÍF vísti við einum 0-3 sigri, at TB kann vinnast í Trongisvági. Mynd: Áki Bertholdsen