fríggjadagur 11. februar 2000síða 2

3 tíðindablaðið sosialurin Nr. 29 - 11. februar 2000 Ábyrgdarblaðstjóri: Jan Müller Blaðstjóri: Eirikur Lindenskov Marknaðardeild: Jonhard Hammer Dagbjørt S. Hansen Blaðfólk: Áki Bertholdsen, Turið Kjølbro Dánjal Højgaard Dagfinn Olsen John Johannessen Sveinur Tróndarson Eyðun Klakkstein Niclas Johannesen Yngd: Jákup Mørk Myndamenn: Jens Kristian Vang Álvur Haraldsen Útgevari, uppseting: Sp/f Sosialurin Bústaður: Argjavegur 26, Argir Postadr: Postsmoga 76, 110 Tórshavn Telefon: 311820 Telefax. 314720 e-mail: post@sosialurin.fo Lýsingar: lysing@sosialurin.fo Internet: www.sosialurin.fo Prent: Sosialurin Sosialurin Oddagrein Óneyðugur mystikkur Tá hetta landsstýrið varð skipað, boðaði Anfinn Kalsberg, løgmaður, frá, at lands- stýrið skuldi hava gott samband við før- oyska almenningin. Gjøgnum fjølmiðlarnar, sjálvandi. Hann boðaði frá opinleika. Øðr- vísi kundi tað ikki skiljast. Í hesum døgum verður framtíðarstøða Før- oya viðgjørd. Í landsstýri. Í uttanlandsnevnd Løgtingsins. Í fjølmiðlunum. Og manna mill- um. Í undirhúsum. Í egningarskúrum. Á fiskavirkjum. Og við døgurðaborðið. Men Føroya fólk skal bara ikki hava at vita, hvat Føroya Landsstýri skal samráðast við donsku stjórnina um. Hóast varaløgmaður í yvirskriftum hevur tosað um »greiðar linj- ur« og "»demokratiskar mannagongdir« frá fyrsta deg í Tinganesi. Øll skilja væl, at landsstýrið ikki fer at almannakunngera tann taktikk, sum lands- stýrið ætlar at brúka í samráðingunum við donsku stjórnina. Hinvegin átti landsstýrið at kunngjørt uppritið - grundarlagið - fyri samráðingunum. Tað er sagt fleiri ferðir, at einki nýtt er í uppritinum. Uppritið byggir á løgtingssam- tyktina og tað, sum kom fram í Hvítubók. V.ø.o. skuldi hetta verið nóg góð grund til at almannakunngera uppritið. Vit minnast tá Hvítabók skuldi kunngerast. Boðað varð frá langt frammanundan, at bókin skuldi leggjast fram á almennari sam- komu á Parnassinum. Bólkar løgdu fram síni arbeiði og seancan við amboðskassa og stórum smíli varð send beinleiðis. Men nú er vent í holuni, og júst hetta, at uppritið er stemplað »í trúnaði«, ger ætlan landsstýrisins óneyðuga mystiska. Hvat liggur nú aftanfyri? Hvat ætlar landsstýrið, sum ikki má koma út? Talan er jú ikki um marknasamráðingar við eitt fremman land sum t. d. Bretland! Í slík- um samráðingum má einki leka út. Tað sigur seg sjálvt, men nú er ikki talan um eitt fremmant land, og málið er um fram- tíðarlagnuna hjá hvørjum einasta føroyingi. Tað skerst ikki burt, at landsstýrið hevur ikki havt tað hepnastu hondina at handfara hetta málið í seinastuni. Ikki fyrr enn í vikuni kom undan kavi, at uttanlandsnevndin við- ger eitt upprit, men at landsstýrið hevur harafturat gjørt eitt uppskot til sáttmála, sum landsstýrið skal leggja fyri stjórnina í sam- ráðingunum. Neyvan gagnar hesin duldi leikur ætlan landsstýrisins um fullveldi, og gott tað sama, halda óivað mangir føroy- ingar, tá ætlanin skal haldast loynilig og fara fram í duldum. Viðmerking: Í Dimmalætting hósdagin verður á síðu 7 prentað við- merking frá Rógva Thom- sen við yvirskriftini »Rætt- ing og treytaleys umbering til Hergeir Nielsen«. Greinin er ein sera álv- arssom ákæra móti Sosial- inum, har tað m. a. verður sagt, citat: »Tað, sum Sosialurin vísti móti Hergeiri Nielsen var skaðafrøði og skaðavirk- semi av ringasta slag og verður harðliga átalað, av- víst og samstundis verður ein treytaleys umbering veitt Hergeiri Nielsen fyri mín leiklut, ið var ein samrøða við Sosialin, sum eg á ongan hátt kann kennast við hvørki í inni- haldi, uppseting ella prenti.« Undirritaði skal gera vart við, at umrødda bræv varð eisini sent Sosialinum. Men tá eingin undirskrift fylgdi við, eiheldur bústaður hjá innsendaranum, gjørdu vit - sum vit eisini meta okkum eiga - av at ringja til Rógva Thomsen, sum lá á sjúkra- húsi á Tvøroyri. Frá honum fingu vit at vita, at hann hevði ikki skrivað hetta brævið. Hann segði seg heldur ikki kenn- ast við innihaldið í tí. Hann bað okkum um ikki at seta brævið í blaðið, og hesum eftirlíkaðu vit honum sjálv- andi í. Eisini segði hann, at hann fór at ringja til Dimmalætt- ing fyri at tryggja sær, at brævið ikki fór í tað blaðið heldur. Upplýsast kann, at bjálv- in, brævið er sent í, er stemplaður í Havn, helst mánadagin 7. februar. Blaðið metir hetta málið so mikið álvarsligt, at sein- asta orð er ikki sagt frá okk- ara síðu. Jan Müller, ábyrgdarblaðstjóri Følsk rættleiðing í Dimmalætting Greinin, sum stóð á síðu 7 í Dimmalætting í gjár, varð skrivað upp á nakkan á Rógva Thomsen Brævbjálvin varð stemplaður í Havn mánadagin. Helst er tað falsarin, ið eigur áskriftina á brævbjálvanum Ingi Olsen á ting Kendi hondbóltsleikarin úr Vest- manna, Ingi Olsen, tók á tingfundi- num týdagin á fyrsta sinni sæti á tingi JOHN JOHANNESSEN Tá Fólkaflokstingmaðurin, Jákup Suni Joensen, á ting- fundinum týsdagin bað um farloyvi frá tingarbeiðinum, merkti hetta, at kendi hond- bóltsleikarin úr Vestmanna, Ingi Olsen, fyri fyrstu ferð skuldi taka sæti á tingi. Jákup Suni Joensen bað í skrivi dagfest 5. februar 2000 tingið um at fáa far- loyvi úr tingarbeiðinum frá 8. februar, og at næsti mað- ur á lista Fólkafloksins í Norðurstreymoyar valdømi skuldi taka við sessinum á tingi, meðan hann var burt- ur. Næsti maðurin á lista Fólkafloksins í Norður- streymoyar valdømi var Ingi Olsen, og var tað so- stætt hesin, ið tók sæti á tingi fyri Jákup Suna Joen- sen. Ingi Olsen fekk til valið í 1998 114 persónligar at- kvøður. Jákup Suni Joensen fekk 144 atkvøður. Tann, ið fekk triðj mestar atkvøður á lista Fólkafloksins í Norð- urstreymoy var Niels Thomas Pedersen, og fekk hesin 71 atkvøður. Umframt hondbóltin, starvast Ingi Olsen vanliga sum deildarleiðari fyri deildirnar hjá Føroya Banka í Vestmanna og í Vágum. Ingi Olsen hevur tvær ferðir stillað um til løgtingsval, báðar ferðir á lista Fólka- floksins. Ingi Olsen var næstur á listanum hjá Fólkaflokki- num í Norðstreymi við 114 persónligum atkvøðum »American Empress« kemur tann 22. februar Stóri trolarin »American Em- press« verður gjørdur klárur í løtuni og miðað verður móti at hann verður í Føroyum tann 22. februar. Mann- ingin telur 75 kvinnur og menn, har tey 15 eru m. a. norðmenn, jap- anar og amerik- umenn ÓLAVUR Í BEITI Áhugin fyri tíðarvendu ætl- anunum hjá JFK Trol og Norway Seafood at fiska svartkjaft at virka til surimi við stóra Røkke-trolaranum »American Empress« er rættiliga stórur, ikki bert her á landi, men eisini yviri í Noregi. Sum skilst er talan um eina sera áhugaverda verkætlan, sum kann leggja lunnar undir einum nýggj- um og sunnum svartkjafta- ævintýri, um alt gongst eftir ætlanunum hjá JFK Trol. Í løtuni eru fleiri av før- oysku manningini yvir í Noregi og rigga stóra trol- aran til, og verður alt klárt til tíðina, verður »American Empress« í Føroyum tann 22. februar, og so ganga tvey døgn at trolarin verður klárur at fara til fiskiskap eftir svartkjafti at virka til surimi. 60 føroyingar við 75 kvinnur og menn verða við »American Empress«, har 60 av manningini eru føroyingar. 15 útlendingar m.a. bæði úr Noregi, Japan og Amerika verða eisini við trolaranum, men hetta verð- ur helst bert at byrja við sum ein partur av verkætlanini. Í stuttari viðmerking við Sosialin, sigur Hanus Han- sen, stjóri í JFK Trol, sum er á veg yvir til Noregs, at alt gongst eftir ætlan í løt- uni, og kemur einki í vegin, verður trolarin í Føroyum til ásettu tíð. Leygardagin 12. feb. kl. 16.00 letur upp málninga- framsýning hjá Victor Cilia, úr Íslandi. Victor er føddur í Reykjavík. Mamma hans- ara er íslendsk, og pápi hansara er av Malta. Victor Cilia er føddur í 1960 og fekk útbúgving sína á Myndalista- og hand- íðskóla Íslands 1978-81 og 1990-92. Hann hevur arbeitt nógv síðani 1978 á sjón- leikarahúsi, við film og í sjónvarpi. Tey síðstu árini hevur hann tó fyri tað mesta arbeitt við lýsingum og upp- seting, umframt at hava ar- beitt eitt sindur við søgu- ligum framsýningum yms- astaðini í Íslandi. Victor Cilia hevur fleiri framsýningar bæði einsa- mallur og saman við øðrum. Framsýningar saman við øðrum: Art Festival í Reykjavík 1992 Listasavnið í Laugardalur, Reykjavík 1992 Á Kjarvalstøðum 1995 Á Keltilhúsinum í Akureyri 1996 Í Mokka, Reykjavík 1997 Á Galerie in Airport Hotel, Hamburg, Týsklani Á Gallery Sævars Karls, Reykjavík 1999 Framsýningar einsamallur: Museum og Modern Art, Reykjavík, 1993 Götugrillið, Reykjavík, 1993 Gallery Greip, Reykjavík, 1994 Á Gallery Sævars Karls, Reykjavík 1995 Gallery Greip, Reykjavík, 1996 Gallery Sýnibox, Reykja- vík, 1996 Hafnarborg, Hafnarfjørður, 1998 Málningarnir hjá Victor eru við atliti til listasøguna, sum byggir á eina gamla mynst- urtraditión, og hevur mynst- ur leingi verið nýtt at tulka náttúruna, Keltararnir tulk- aðu tað guddommiliga við sínari skreytlist sigur Auður Ólafsdóttir, íslendskt lista- søgufólk í eini grein um list- ina hjá Victor Cilia. Hesi semitrisku systemini í málningunum hjá honum eru symbolið upp á veru- leikan í síni heild. „Líka sum líkamikið í listini frá endurburðartíðini – ella príðingararbeiðið í barokk- tíðini. Men hóast málning- arnir hjá Victor Cilia hava støði langt aftur í listasøg- una, hava hesir eisini nógv, sum vísir til nútíðar eyð- kenni“. Soleiðis broytast keltiski „meginsniglilin“ og „solarsymbolið“ ella flætt- ingamynstrið í víkingatíðini seg lættliga til parabolar, horn, lampur og til nógv onnur teknisk móttøkutól. Sjálvur sigur Victor, at hann sær tekniska útstýrið í heiminum sum eina víðari uppfatan av náttúruni – eitt slag av menniskjligari, skaptari náttúru. „Málning- arnir eru útførdir sum myst- ur, sum seinni verða til org- aniskar formar. Formarnir kunnu líka so væl verða liv- andi skapningar ella slags mekanisma. Tankarnir fáa vit frá menniskjalikami- num, t.d. oyrunum, og kunna tey sppfata og taka ímóti ljóði. Á framsýningini, verða 16 oljumálningar. Victor Cilia kom til Før- oyar í gjár og býr í Norð- urlandahúsinum. Tit eru vælkomin at seta tykkum í samband við Norðurlandahúsið og spyrja eftir Victor, um tit hava á- huga í hesum. Vinarligar heilsanir Noðurlandahúsið í Føroyum Íslendsk málningaframsýning Í løtuni eru fleiri av føroysku manningini yvir í Noregi og rigga American Empress til, og verður alt klárt til tíðina, verður »American Empress« í Føroyum tann 22. februar