hósdagur 28. desember 2006síða 6

6 Nr. 238 - 8. desember 2006 tíðindi Starvslýsing Meginskrivstovan, Postsmoga 3037, 110 Tórshavn, Tel 30 40 20, Faks 30 40 10, meginskrivstovan@naerverk.fo www.naerverk.fo sansir.fo – Um landið hevði dugað eins væl við fíggjarstýringini sum Tórshavnar Kommuna, so hevði staðið ótrúliga væl til í Føroyum. Tað sigur borgarstjórin í størstu kommununi í landinum, um atfinningarnar sum Búskaparráðið setir fram móti fíggjarstýringini hjá kommununum BÚSKAPUR Rólant Waag Dam rolant@sosialurin.fo Heðin Mortensen er greið­ur í síni talu og orðum, tá vit spyrja hann um atfinningarnar sum Búskaparráðið setir fram móti fíggjarstýringini hjá kommununum. Í einum samandrátti, sum Búskaparráðið hevur gjørt av frágreiðingini, verð­ur sagt: “Ein enn størri trupulleiki er tann vantandi fíggjarstýringin av kommunubúskapinum.” Hesum hevur borgarstjórin í landsins størstu kommunu, Heðin Mortensen, ikki serliga nógv til yvirs fyri. – Eg kann siga stutt og greitt, at um landið hevði stýrt eins væl fíggjarliga sum vit í Tórshavnar Kommunu, so hevði staðið væl til í Føroyum, sigur Heðin Mortensen avgjørdur á málinum. Nakað av atfinningum hava verið frammi mótvegis fíggjarætlanini hjá Tórshavnar Kommunu fyri komandi ár, har ein nógvar stórar og kostnaðarmiklar íløgur verða framdar. – Vit skylda ongar pengar. Vit hava eina góða og ef­fektiva umsiting, og tær íløgur vit nú gera, eru neyðugar, slær borgarstjórin í Tórshavnar Kommunu fast. – Her er talan um íløgur, vit hava fingið álagt at gera, millum annað frá løgting­ inum. Heðin Mortensen vísir á, at tað í hansara verð snýr seg um raðfestingar, tá pengar verða játtaðir. – Tað snýr seg um priori­ ter­ingar og hvat fæst fyri pengarnar. Í Tórshavnar Kommunu fæst service fyri pengarnar, og eg finni meg ikki í, um onkur førir fram at vit ikki stýra væl, sigur Heðin Mortensen, sum heldur at landið brúkar alt ov nógvan pening til hørð virði. Um spurningin um eina felags fíggjarrammu, sigur Heðin Mortensen, at tað sjálvandi hevði verið gott um land og kommunur tosaðu betur saman, men at tað sum nú er, er tað altíð landið sum kemur við áleggingum til kommunurnar, eftir at fíggjarætlanirnar hjá komm­ ununum eru gjørdar. Landið kundi lært av okkum Landið kundi lært av Tórshavnar kommunu, heldur Heðin Mortensen