fríggjadagur 19. januar 2007síða 23

Nr. 14 - 19. januar 2007 23 Prísurin á ráolju er lækkaður við einum triðingi í eitt hálvt ár. Tað gevur grundarlag fyri at umhugsa at lækka serliga oljuavgjaldið sum kom uppá flogferðaseðlarnar fyri trimum árum síðani FLOGFERÐSLA Gunnar Skúvadal Hann lovar onki. Men tað er meira sannlíkt nú, tá oljuprísurin er lækkaður so nógv, at serliga oljuavgjaldið á flogferðaseðlum fyrst mink­ar, og síðani, um prís­ urin á ráolju heldur fram at lækka, heilt verður tikið burtur. Stjórin í Atlantic Airways, Magni Arge, sig­ur, at fyribils hava tey eyguni við prísinum, og bíða. Oljuavgjaldið hjá Atantsflogi er í dag uppá 120 krónur á ein ein­vegis ferðaseðil. Tað ljóðar kanska ikki av so nógvum, men er kortini ein mun­andi partur av bílagastu ferða­ seðlunum, sum kosta 695 krónur. Ein lítil helvt av hesi upphæddini eru avgjøld av ymsum slag. Lækkað nógv Tá oljuprísurin var hægstur, í juli í fjør, kostaði ein tunna av ráolju yvir 78 dollarar. Nú liggur hon um 52 dollarar. Ráoljan er sostatt minkað í virði við einum triðingi í eitt hálvt ár. - Tað er til at føla uppá, og hevur stóran týdning fyri kappingarførið og raksturin annars hjá okkum. Men ein minking slær ikki ígjøgnum beinanvegin, tí vit keypa olju til ein fastan prís nakað fram í tíðina, sigur Magni Arge. Tað er vanligt hjá teimum, sum brúka nógva olju, harímillum eisini hjá flogfeløgum, at tryggja sær oljuna til ein ávísan prís, tá útlitini eru vánalig, so tey ikki verða rakt ov meint av sveiggjum í prísinum, og soleiðis betur fáa lagt ætlanir. Vanliga tryggja tey ein part av oljuni, til dømis helvtina, í eitt tíðarskeið, tað kann vera eitt hálvt ár fram. - Men he ldur prísurin fram av lækkað, ella heldur hann sær nóg leingi á stigi­ num, sum hann nú er á, so kann roknast við at olju­ avgjaldið fer at lækka, sigur Magni Arge. Hann vil tó ikki siga, hvussu long tíð skal ganga, áðrenn kundin fær bíligari ferðaseðlar, tí oljuavgjaldið er lækkað. Langt á botn Tað er kortini langt niður til tann prísin, sum var, tá Atlantsflog eins og flest onnur flogfeløg kring heim­ in løgdu serliga oljuav­ gjald­ið omaná prísin, fyri at standa ímóti ógvusligu príshækkingunum. - Tá lá prísurin um 35 dollarar fyri tunnuna, og vit fingu á ongan hátt fulla kompensatión gjøgnum avgjaldið. Tað kom okkum als ikki til hugs, at prísurin kundi fara heilt upp á nærum 80 dollarar, vísir Magni Arge á. Og fyrr enn oljuprísurin aftur er komin har niður, kemur ikki upp á tal at taka avgjaldið heilt av. Atlantic Airways brúk­ ar árliga einar 30 milli­ónir litrar av olju, og oljan er ein stórur partur av út­reiðslunum. Tí sæst tað skjótt aftur í roknskapinum, tá oljuprísurin broytist. Tað er galdandi fyri øll flog­ feløg, og tey flestu hava valt fyribils ikki at taka oljuavgjaldið av. Kann skjótt fara uppaftur Nakað annað er so tað, at ongin trygd er fyri, at oljuprísurin ikki fer upp­ aftur skjótt. Fleiri serfrøð­ ingar halda, at hann um eitt ár væl kann liggja omanfyri 100 dollarar fyri tunnuna, og sostatt enn hægri, enn tá hann var hægstur í summ­ ar. - Vandin fyri yvirgangi er ikki minni nú, hóast tað kanska ikki er so nógv frammi, og støðan er framvegis sera spent í arabiska heiminum, har ein stórur partur av oljuni verður framleiddur, sigur Magni Arge. Hann stúrir fyri, at langtíðar rákið á oljuprísinum framvegis er uppeftir. - Nýtslan veksur skjót­ ari, enn vit finna nýggjar oljukeldur, og tað verður ikki fyrr enn aðrar orku­ keldur av álvara koma fram og verða brúktar, at trýstið á oljuprísin fer at minka, sigur Magni Arge. Oljuavgjaldið kann skjótt lækka Starvslýsing Meginskrivstovan, Postsmoga 3037, 110 Tórshavn, Tel 30 40 20, Faks 30 40 10, meginskrivstovan@naerverk.fo www.naerverk.fo sansir.fo Stuðulstænastan Stuðulstænastan