týsdagur 2. januar 2007síða 8

8 Nr. 1 - 2. januar 2007 tíðindi Formaður sam­bands­ floksins heldur, at rættvísi sigraði, tá ið Saddam Hussein varð hongdur Deyðarevsing Áki Bertholdsen aki@sosialurin.fo - Saddam Hussein hevði uppiborið at verða dømdur til deyða. Tað heldur Kaj Leo Jo­hannesen, formaður sam­ bands­floksins. Tað eru ógvuliga fáir politikarar í Føroyum, sum hava sagt sína hugsan um, at gamli einaræðisharrin í Irak varð dømdur til deyða Hann varð avrættaður í lýsingini leygarmorgunin, klokkan seks í Irak og klokkan trý leygarnáttina okkara tíð. Men ein av teimum, sum hevur eina meining um hetta og sum torir at siga hana hart, er formaðurin í Sambandsflokkinum. Hann heldur, at Saddam Hussein fekk ein rættvísan dóm og at hann hevði uppiborið at verða dømdur til deyða og avrættaður fyri tær illgerðir hann hevur staðið á odda fyri í Irak. Hesa greiðu støðu hev­ ur formaðurin í sam­bands­ flokkinum, hóast bæði Amnesty International og nógvir aðrir felagsskapir og einstaklingar hava funn­­ist hvassliga at deyða­ dóminum. Tá ið Saddam Hussein varð tikin, segði Amnesty International í Føroyum, at eins og øll onnur, skal eisini hann tryggjast eina rættargond eftir altjóða regl­ um. Amnesty er ímóti deyða­ revsing og er tí eisini ímóti at Saddam Hussein varð dømdur til deyða og avrættaður. Dømir irakiska fólkið Saddam Hussein til deyða, eru tey við til at rættvísgera ein revsingarhátt, sum tey sjálvi hava mótmælt, at hann hevur brúkt sein­astu 25 árini, heldur felags­skap­ urin. - Sterkasti mátin at gera upp við fyrrverandi eina­ ræðisharran, hevði verið at dømt hann lívlanga fong­suls­ revsing. Á tann hátt hevði Irak steðgað siðvenjuni hjá Saddam-stýrinum at avrætta mótstøðufólk síni. - Verður Saddam Hussein avrættaður fer tað at seta arbeiðið móti deyðarevsing fleiri ár aftur, segði Amnesty International í Føroyum, tá ið Saddam Hussein varð tikin. Ótrúliga positivt Men hetta ávirkar ikki for­ mannin í sambands­flokk­ inum í hesum føri. Hann kann ikki fegnast um, at lívið verður tikið frá einum øðrum menniskja. Men hann heldur, at tað er “ótrúliga positivt” at Saddam Hussein hevur fingið tað revsing, hann hevur uppiborið. - Tað vísir bara, at rættvísi er til – fyri øll, leggur Kaj Leo Johannesen afturat. - Ein og hvør gerð hevur eina avleiðing. Og nú Saddam Hussein varð avrættaður, er tað rættvíst, tí hann hevur sjálvur tikið so nógv lív og eisini hann má taka ábyrgdina av sínum gerðum, sigur formaðurin í Sambandsflokkinum. Kortini Kaj Leo Jo­hanne­ sen ikki heilt tryggur við deyðarevsing annars, tí hann staðfestir, at tað er onki dulsmál at bæði húðalitur og onnur óviðkomandi viðurskifti hava ein vissan týdning fyri, hvør verður dømdur til deyða. - Og tað má ikki henda, at ein tann einasti ein verður dømdur til deyða ósekur. Hann heldur at tað er ómetaliga torført at taka støðu til deyðarevsing sum heild. Tað heldur hann ikki, at vit kunnu gera, fyrrenn tað er ein av okkara egnu næstringum, sum hava verið fyri einum álvarsligum brotsverki, so at vit føla tað á egnum kroppi. - Tað verður ikki fyrrenn eg sjálvur komi í eini slíka støðu, at eg kann siga við fullari vissu um eg eri fyri deyðarevsing ella ikki, sigur Kaj Leo Johannesen. - Men eg kann ikki lata vera við at skilja, at fólk, sum hava verið fyri álvarsligum brotsverki, taka undir við deyðarevsing. - Men fyri Saddam Hus­ sein kann tað sigast stutt, at rættvísi sigraði, sigur Kaj Leo Johannesen. - Deyðarevsing kann undir ongum umstøðum góðtakast í einum samfelag, sum byggir á fólkaræði, sigur løgmaður í viðmerking til, at Saddam Hussein er tikin av døgum SADDAM HUSSEIN Árni Joensen arni@sosialurin.fo - Uttan mun til hvussu álvar­ samt brotsverk eru, kunnu vit ongantíð vinna rættvísi við at taka lív. Deyðarevsing eigur als ikki at finna stað. Tað sigur Jóannes Eides­ gaard, løgmaður, í einari viðmerking til, at Saddam Hussein varð tikin av døg­ um í morgun. Løgmaður sigur, at deyða­ revsing kann undir ongum umstøðum góðtakast í einum samfelag, ið byggir á fólkaræði. - Ætlanin við Irakkrígnum segðist júst vera at vinna irakska fólkinum fólkaræði og tryggleika. Men hetta er nú tvørturímóti vorðið eitt høpisleyst kríggj, har alt fleiri lata lív, sigur Jóannes Eidesgaard. Hann leggur afturat, at tað er neyvan nakað sum bendir á, at avrættanin av Saddam Hussein fer bøta um støðuna í Irak. Kaj Leo Johannesen: Ein sigur fyri rættvísi at hongja Saddam Hussein Formaður sambandsfloksins, Kaj Leo Johannesen, heldur, at tað er “ótrúliga positivt” at Saddam Hussein fekk ta revsing, hann hevði uppiborið Vinna ikki rættvísi við at taka lív Forkvinnan í Føroya deildini hjá Amnesty International hevði ikki væntað tílíkar útsøgnir, sum tí hjá Kaj Leo í einum landi sum okkara Niels Uni Dam - Eg harmist um slík út­talilsi, tað má eg siga, sigur Annika Sølvará for­ kvinna í Føroya deildini hjá Amnesty International, um útsøgnina hjá formanni Sambandsflokksins Kaj Leo Johannesen, um at av­rættingina av Saddam Hussein. Hon heldur fram: - Tað er ikki talan um rættvísi at avrætta nakran, heldur ikki Saddam Hus­ sein. Øll fólk hava krav uppá og rætt til eina rættvísa rættargongd, og fyri okkum er deyðarevsing ongantíð ein optión. Eg havi ikki hug til at viðmerkja ov nógv, um útsøgnina hjá Kaj Leo. Ikki annað enn at eg harmist um hetta, og at eg ikki hevði væntað tílík úttalilsi í einum landi sum okkara, har deyðarevsing ikki verður sæð sum ein møguleiki, sigur Annika Sølvará. Hon gleðist samstundis um, at vit liva í einum landi, har politiska skipanin hevur valt ikki at góðtaka hetta sum revsimøguleika. - Tað er gleðiligt at síggja, at man í eini kom­ andi stjórnarskipan hevur valt, at lóggeva ímóti deyða­ revsing og beinleiðis nevnir hetta í henni, sigur Annika Sølvará. Hon heldur tvørturímóti tí, sum Kaj Leo sigur, at tað er ein ósigur fyri rættvísi at avrætta Saddam Hussein: - Hetta at avrætta ein diktator ger, at man ikki fær gjørt upp við hansara misgerðir. Man fær ikki sett hann til svars fyri øll hini brotsverkini, sum hann hevur gjørt, og tey málini koma ongantíð fyri rættin. Harafturat verður hann nú pínslaváttur í Irak, og tað ger ikki støðuna betri., sigur Annika Sølvará at endans. Annika Sølvará for­kvinna í Føroya deildini hjá Amnesty International, Amnesty harmast um útsøgnina hjá Kaj Leo