fríggjadagur 12. januar 2007síða 4

4 Nr. 9 - 12. januar 2007 tíðindi Men fólkatalið er bara fallið við sjey fólkum. Norðoyatunnilin hevur havt lítla og onga ávirkan fólkatalið í Klaksvík Kommunu, siga tøl frá fólkayvirlitinum í Klaksvík FLYTING Rólant Waag Dam rolant@sosialurin.fo Leygardagin 29. apríl 2006 læt Norðoyatunnilin upp fyri almenninginum. Nógv varð gjørt burturúr hesum, og tosað varð eisini nógv um, í hvønn mun hetta fór at ávirkað fólkatalið í næst­ størsta býnum í Føroyum, Klaksvík. Men nú tað spakuliga fer at nærkast einum ári síðani, at tunnilin opnaði, so sæst á tølum frá fólkayvirlitinum hjá Klaksvíkar Býráð, at und­ ir­sjóvartunnilin lítla, fyri ikki at siga onga, ávirk­an havt fyri fólkatalið í býnum. 7 fólk færri Sosialurin hevur ringt til býráðið í Klaksvík og spurt, hvussu fólkatalið sær út í løtuni, í mun til áðr­enn tunnilin læt upp. Hag­ani verður sagt, at um hugt verður at tølunum fyri 31. desember 2005 og 31. desember 2006, so broytingin næstan eingin. 4886 búðu í Klaksvík 31. desember 2005, og 31. desember 2006 vóru 4879 skrásett í Klaksvík. Hetta er ein minking við sjey fólkum. Tað er so at siga onki, og kort­ini ein veruleiki sum fólk mugu fyrihalda seg til. Tá tað er sagt, so vita tey í Klaksvíkar býráð eisini at siga, at eftirspurningurin eft­ ir grundstykkjum í Klaks­vík er stórur. Síðani Norðoya­tunn­ il­in læt upp, er talið av bilum um Gøtueiði vaksið við 500. Tað siga tøl frá Landsverki FERÐSLA Rólant Waag Dam rolant@sosialurin.fo Tá Norðoyatunnilin læt upp 29. apríl í fjør varð roknað við, at ferðslan gjøgn­um Gøtu helst fór at vaksa munandi. Hetta vátta tøl frá Landsverk, sum vit hava fingið frá Oyvindi Brimnes. Stjórin í Landsverk, upp­ lýsir, at ferðslan um Gøtueiði er vaksin við góðum 500 bilum um samdøgri, síðani Norðoyatunnilin læt upp. Áðrenn tað var koyrandi til Klaksvíkar, var talið av bilum um samdøgri um Gøtu­­eiði 3903. Nú undir­ sjóvartunnilin hevur verið opin fyri almennari ferðslu síðani 29. apríl, er talið vaksið til 4417 bilar um samdøgri. Í hesum sambandi kann leggjast aftrat, at ferðslan gjøgnum Norðoyatunnilin liggur um 1500 bilar um samdøgri. Handl­ar­nir merkt lítið til tunnilin Gerandisdagar er sølan kanska vorðin eitt lítið vet betri, men tá ókeypis er at koyra í gjøgnum eksploderar sølan næstan SØLA Rólant Waag Dam rolant@sosialurin.fo Í gerandisdegnum er lítið broytt í handilslívinum í Klaksvík síðani undir­ sjóvar­tunnilin kom. – Vit hava so ikki mist sølu í gerandisdegnum. Kanska er hon heldur vaks­ in eitt lítið vet, siga tey úr Klaksvíkar Handilsfelag. Harvið kann staðfestast, at hald var ikki í óttanum um at sølan fór at minka, tí at norðoyingar fóru aðrar vegir at keypa. Er sølan vaksin eitt lítið vet í gerandisdegnum, so kann ikki sigast tað sama um søluna, tá ókeypis koyr­ ing er í gjøgnum undir­ sjóvartunnilin. Tá er sølan so at siga eksploderað. Tí hava tey í Klaksvíkar Handilsfelag hug at fýl­ast at kostnaðinum fyri at koyra í gjøgnum tunnilin. Tá sølan er so øgilig, tá ókeypis koyring er, ber bara til at ímynda sær hvussu sølan hevði broytst, um tunnilsgjaldið var heldur lægri. List í Íslandi Ein føroysk listaframsýning lat upp á Hafnarfirði í Íslandi seinnapartin. Við á framsýningini eru listafólkini Edward Guglø, Astri Luihn, Sigrun Gunnarsdóttir, Torbjørn Olsen, Eyðun av Reyni og verk hjá Ingálvi av Reyni, sála. Hetta er ein ferðaframsýning, sum Norðurlandahúsið í Føroyum hevur fingið í lag, og sum fyrr hevur verið í Keypmannahavn og í Tróndheimi. Framsýningin í Íslandi er opin til 4. februar. Oljan bíligari Oljuprísurin er fallin nógv í seinastuni. Í morgun varð Brent- olja úr Norðsjónum seld fyri 53 dollarar fyri tunnuna, og so bílig hevur hendan oljan ikki verið síðani í mai í 2005. Eygleiðarar siga, at tað er fyrst og fremst tann lýggi veturin í USA, sum ger munin. Har eru goymslurnar fullar, men eftirspurningurin er lítil. Í síðsta mánað fall oljuprísurin 17 prosent, og so nógv er hann ikki fallin eftir einum mánað síðani í mars í 2000. Klaksvíkin minkað eftir Norðoyatunnilin 500 fleiri bilar um Gøtueiði Tey vóru mong, ið bíðaðu spent tá Norðoyatunnilin opnaði. Aftanfyri hóma vit Klaksvíkina og í dag kunnu vit staðfesta, at fólkatalið í kommununi er minkað við sjey fólkum síðani tunnilin læt upp Mynd: Jens Kr. Vang Ferðslan gjøgnum tunnilin er um 1500 um samdøgri, meðan 500 fleiri bilar koyra um Gøtueiði síðani Norðoyatunnilin læt upp Mynd: Jens Kr. Vang Ikki síðani 1933 hevur desembermánaður verið so heitur, sum hann var í ár. 6,9 hitastig var miðal­hit­ in, og tað er 3,1 stig heitari enn vanligt er í desember, sigur Petur Skeel, veðurfrøðingur, sum lovar skiftandi veður um vikuskiftið VEÐUR Rólant Waag Dam rolant@sosialurin.fo Petur Skeel er veðurfrøðingur á Sosialinum, og hann veit at siga, at tað var um reppið at desember í fjør setti met, sum heitasta desembermánaði í Føroyum, síðani byrjað var at gera mátingar í 1875. – Desember var óvanliga lýggjur. Miðalhitin var 6,9 stig, meðan normalurin – tað vil siga miðalhitin yvir 30 ár – er 3,8 stig. Lýggjasti desember eftir 1875 var í 1933. Tá var miðalhitin í desember máldur at vera 7,0 stig, so tað var um reppið, at desember í 2006 setti met, sigur Petur Skeel. Skiftandi veður um vikuskiftið Hann sigur somuleiðis, at veðrið verður skiftandi um vikuskiftið og stormur viðhvørt. – Leygardagin verður hampi­ligt veður. Hann verður vestaneftir við kavaælingi seinnapartin. Hitin fer at liggja millum eitt og fýra stig, sigur Petur Skeel. – Sunnudagin fáa vit hvassan vind av vestri og kava­æling. Seinnapartin mink­ar hann vindin eitt skiftið, men um kvøldið verður aftur hvassur vindur av landssynningi. Tað verður regn og eitt sindur lýggjari. – Mánadagin verður illveður, útsynningur og ælingur. Seinni upp í storm av útnyrðingi og kavaælingur, sigur Petur Skeel um fyrsta dagin í komandi viku. Heitasti desembermánaður í 73 ár