týsdagur 23. januar 2007síða 7

Nr. 16 - 23. januar 2007 7 tíðindi Bíðilistin eftir onkr­ um at búgva í í høv­ uðsstaðnum er lang­ ur. 1700 fólk standa á listanum, sum bara veksur. Men tilsamans 830 íbúðir eru ávegis í Havnini, so okkurt er sum røkist fyri, at bíðilistin í hvussu so er steðgar BÚSTAÐUR Rólant Waag Dam rolant@sosialurin.fo Ein skjót samanteljing av øllum teimum íbúðar­verk­ ætlanum, sum eru í Havnini sigur, at tað eru heili 830 íbúðir ávegis í økinum. Tá eru bæði “Stóratjørn” og “Undir Kongavarða” taldar við, sum eru tær báðar stóru verkætlanirnar. Ætlanin í Stórutjørn- verk­ ætlanini er millum annað at fáa 300 nýggjar íbúðir. Her verður hugsað bæði um randarhús, lægri lonir og háhús. Hin stóra verk­ ætlanin er tann, sum byrjað varð í gjár undir Kongavarða á Argjum. Her skulu tilsamans 276 íbúðir standa í 2012. Eisini her er talan um íbúðarblokkar og raðhús. 24 íbúðir aftrat millum Horna Ein onnur stór verkætlan er tann millum Horna. Upp­ runa ætlanin segði at 72 íbúðir skuldu byggjast har, men hetta talið er økt við 24, soleiðis at tað nú skulu byggjast 96 íbúðir har. Blómubrekka var ein verk­ ætlan, sum hevur verið í gongd í eina tíð. Har skulu 39 íbúðir gerast tilsamans. 14 teirr a eru lidnar og hinar 25 vera lidnar næsta mán­ að. Á Boganeshamri skulu 32 íbúðir byggjast. Í miðbýnum har sum Frants Restorff áður var, skulu 31 íbúðir gerast. Í gamla snikkaravirkinum í Grønlandi skulu 10 íbúðir gerast, og í Varagøtu koma seks íbúðir aftrat. 40 aðrar íbúðir ávegis Harnæst er ein onnur verk­ ætlan ávegis, har 40 íbúðir skulu byggjast onkrastaðni í høvuðsstaðnum. Hetta upp­ lýsir arkitekturin Magnus Han­sen fyri Sosialinum. Hann er maðurin handan íbúðarverkætlanirnar hjá Havgrími Johansen – tað vil siga verkætlanirnar í Vara­ gøtu, í snikkaravirkinum í Grøn­landi og hjá Frants Restorff. Magnus Hansen fær í løt­ uni onki sagt um, hvar hesar 40 íbúðirnar koma at liggja, men møguliga verður meiri at frætta um hetta seinni í vikuni. 830 íbúðir ávegis í høvuðsstaðnum Húsa­ meklarin niður­ ringdur av áhugaðum fólki Jónsvein Mortensen, stjóri í húsameklara­ felagnum Inni, sum stendur fyri søluni at íbúðunum undir Kongavarða sigur seg vera niðurringdan av fólki, ið ynskja at keypa onkra av íbúð­ unum, sum Valbjørn Dalsgarð letur byggja BÚSTAÐUR Rólant Waag Dam rolant@sosialurin.fo Á tíðindafundinum í Eik Banka í gjár um verk­ ætlan­ ina undir Kongavarða, gjørdi formaðurin í byggi- og býar­skipanarnevndini greitt, at íbúðirnar verða seldar eftir bíðilistanum hjá kommununi. Tað hevði kommunan sett sum treyt, fyri at byggiharr in Valbjørn Dalsgarð kundi fáa lendið. Men tá bíðilistin telur 1647 fólk, fer neyvan at standa á at sleppa av við hesar. Tað einasta, sum kann ger­ast ein trupulleiki, er søl­ an av marglætis íbúðunum, sum kosta 4,5 milliónir krón­­ur og eru slakar 200 fer­­metr­ar til støddar. Tað segði Jónsvein Mortensen við Út­varpið í gjárkvøldi, sum er niðurr ingdur av áhug­ aðum keyparum. – Tað verður ongin trupul­ leiki at sleppa av við bíligu íbúðirnar, men tær dýrastu vera ikki eins lættar at av­ seta, segði stjórin í Inni við Útvarpið. Jónsvein Mortensen vísti eisini á, at nakrar av íbúð­un­ um helst høvdu verið seld­ar dýrari undir fríari kapp­ing, um prísurin ikki var fast­ lagdur. Hann metti, at minsta íbúðin uppá 43 fermetrar, helst hevði verið seld fyri eitt stað í millum 800.000 og 900.000 krónur, heldur enn tær 600.000 krónurnar, sum fastlagdi prísurin er sett­ ur at vera. Stóru íbúðarverkætlanirnar sum er í gongd í Havn: »Undir Kongavarða« 276 íbúðir »Á Boganeshamri« 32 íbúðir »Millum Horna« 96 íbúðir »Frants Restorff« 31 íbúðir »Snikkaravirkið í Grønlandi« 10 íbúðir »Stóratjørn« 300 íbúðir »Blómubrekka« 39 íbúðir »Varagøta« 6 íbúður Aftrat hesum koma 40 íbúðir Tilsamans eru 830 íbúðir ávegis FAKTA Millum Horna er virksemi øgiligt og fyrstu íbúðarbygningarnir eru longu reistir. 96 av teimum 830 íbúðunum sum eru ávegis í Havnini, koma at liggja har Mynd: Jens Kr. Vang Soleiðis sær modellið av raðhúsum og íbúðarblokkum undir Kongavarða á Argjum út. Her fara tilsamans 276 íbúðir at liggja Mynd: Jens Kr. Vang