týsdagur 30. januar 2007síða 7

7 tíðindi Nr. 21 - 30. januar 2007 Tveir ungir mans vórðu í Føroya Rætti í gjár dømdir í einum harðskapsmáli, har teir báðir í felag høvdu sligið og sparkað ein annan á bæði kropp og høvd. Annar fekk ein treytaðan dóm upp á 30, meðan hin fekk 40 dagar treytaleyst fongsul DÓMUR Rólant Waag Dam rolant@sosialurin.fo Teir báðir dømdu eru 17 og 18 ára gamlir. Yngri drongurin fekk 30 dagar treytað fongsul, meðan eldri drongurin fekk heili 40 dagar treytaleyst fongsul. Tað var 16. juli í fjør, at hesir báðir løgdu á ein annan drong og framdu grovan harðskap móti honum. Tað var í samband við Vestanstevnuna, at dansur var í høllini á Gilja­ nesi. Hesir tríggir byrjaðu at klandrast inni í høllini, og hildu so áfram uttanfyri. Sambært ákæranum var talan um »vold i forening«. Teir báðir dreingirnir vórðu ákærdir fyri at hava sligið, sparkað hin á bæði andlit og kropp, umframt at teir vóru skuldsettir fyri at hava dragsað hin eftir asfaltinum. Báðir noktaðu teir seg partvíst sekar á ákærunum. Tóku við dóminum Teir báðir ákærdu dreingirn­ ir hava áður verið partur av einum harðskapsmáli, sum hevur verið í Føroya Rætti. Tá var talan um harðskap í felag móti einum yngri drongi. Tann 18 ára gamli var mettur at vera høvuðsmaðurin í tí málinum, og tann 17 ára gamli hevði eisini luttikið. Aftrat tí var eitt annað mál fyri í rættinum í gjár, sum teir eisini vóru partar av. Hetta var minni mál um knallertir, men var tað eisini tikið við í dómin. Báðir ungu menninir tóku við dóminum, men ákæruvaldið bað um umhugsunartíð fyri at vita, um málið skal roynast í landsrættinum. Ungir mans fingið harðskapsdóm Nógv regn Tað hevur regnað óvanliga illa í Danmark hendan mánaðin, og í gjár kundi danska veðurstovan staðfesta, at januar í 2007 er tann vátasti síðani 1988. Sambært tølunum hjá veðurstovuni hevur avfallið í hesum mánaðinum verið oman fyri 115 mm ímóti 113 í januar í 1988. Tað er annars tvær ferðir so nógv sum vanligt, tí meðalavfallið í Danmark í januar er 57 mm. Tað nógva regnið í seinastuni hevur elvt til vatnflóð í fleiri býum. Nýggja gassleiðing Ein norðurlendskt samtak hevur gjørt av at leggja eina nýggja rørleiðing, sum skal flyta gass av teimum norsku gassleiðunum í Norðsjónum til Noregs, Svøríkis og Danmarkar. Tað almannakunngjørdi tað almenna norska gassfelagið Gassco í gjár. Leiðingin verður umleið 800 kilometrar til longdar. Umframt Gasscao eru 16 fyritøkur í teimum trimum londunum uppi í verkætlanini. Noreg er tað triðstørsta gassútflytaralandið í heiminum. Næsta nummar av skald­ skapar­tíðar­ritinum Vencili er á veg Útgáva tíðindaskriv Ritstjórnin ger í hesum sambandi vart við, at freistin at lata inn tilfar er hósdagin 1. februar 2007. Nógv gott tilfar er komið inn, bæði upp­ runaføroyskt og týtt tilfar, men enn er tó nakað av plássi eftir. Øll kunnu senda inn tilfar Øll kunnu senda inn til­ far til Vencil. Einastu treyt­ir eru, at talan er um skaldskap á bundnum ella óbundnum máli á føroyskum, íroknað rit­ roynd­ir (essays), og at til­ farið er væl og virðiliga arbeitt ígjøgnum, áðrenn tað verður sent inn. Tá ið freistin er far­in lesur ritstjórnin alt til­far­ ið, sum inn er komið, ger viðmerkingar til teir einstøku tekstirnar og send­ir teir aftur, soleiðis at rithøvundurin kann ar­ beiða tekstin heilt lidn­an. Tey sum ikki fáa tekst­ irnar við í Vencil fáa eina vælmeinta grund­geving og nøkur góð ráð. Tekstir skulu sendast teldu­tøkir á telduatsetrið: vencil@vencil.fo, saman við kontonummari og P-tali, sum skulu brúkast, um sam­ sýning verður lat­ in. Øll tey, ið fáa tekst sín á prent í Vencili, fáa sam­ sýning. Upplestur á heimasíðu Vencils Ritstjórnin ger eisini vart við, at Vencil hevur sína egnu heimasíðu á http:// www.vencil.fo, har nógv áhugavert og forkunnugt tilfar longu er at finna um tað at skriva skaldskap. Eisini annað tilfar, bæði kunnandi og løtubært tilfar til rithøvundar, týðarar og onn­ur bókmentafólk er at finna á heimasíðuni, sum javn­an verður dag­førd og víðkað við nýggjum til­ fari. Sum nakað heilt nýtt hava teir báðir rit­stjór­ arnir, Oddfríður Marni Ras­mussen og Arnbjørn Ólavs­son Dalsgarð, í hyggju at brúka heima­ síð­una hjá Vencili til ann­ að enn tekst. Ætlanin er nevniliga at skipa fyri up­p­lestri av yrkingum, sum skal varpast út bein­leiðis á alnetinum frá heimasíðu Vencils. Men hetta fara fólk at frætta meira um, tá ið fyrireikingarnar eru komnar longri. Í hesi syftu snýr tað seg um næsta nummar av Vencili, sum kemur út um hálvan mars. Freistin at lata inn tilfar er altso hósdagin 1. februar 2007. Næsti Vencil næstan fullfermdur Báðir ungu menninir tóku við dóminum, men ákæruvaldið bað um umhugsunartíð fyri at vita, um málið skal roynast í landsrættinum tilvildarlig mynd