týsdagur 30. januar 2007síða 22

22 Nr. 21 - 30. januar 2007 vinnusíðurnar - Vit hava einar 12 mans eftir á Skála Skipasmiðju, sum í sínari tíð vóru við til at smíða skip. Fleiri av hesum eru komnir nakað upp í árini, og fáa vit ikki onkran nýggjan sáttmála um skipabygging skjótt, fer hetta hand­ verkið so líðandi í søguna, sigur Dánjal Andreassen, fyri­ sitingarleiðari á Skála Skipasmiðju Handverk Vilmund Jacobsen vilmund@sosialurin.fo Arbeiðið at byggja hjálpar­ skipið, sum reiðaríið Thor í Hósvík hevur sáttmála við Skála Skipasmiðju um, gongur sum ætlað, og í hesi vikuni verður stevnið sett á skipið. Tað eru 40 póllendingar, sum flestu eru royndir í stálarbeiði, ið burturav arbeiða við hesum skipa­ smíði, og føroysk arbeiðs­ megi er bert í lítlan mun við. Dánjal Andreassen, fyri­ sitingarleiðari á Skála Skipa­ smiðju, sigur, at hetta er eitt byggiarbeiði, sum skal ganga skjótt fyri seg, og longu í juni skal skrokkurin standa liðugur. - Føroyingar luttaka bert í smærri arbeiðum í sam­bandi við byggingina, og eitt nú hjálpa okkara menn til at boyggja plátur og annað fyrifallandi, sum kann stytta um tíðina. Í søguna Dánjal sigur, at veruleikin er, at føroyskt skipasmíð er við at fara í søguna. - Vit hava einar 12 mans eftir, sum í sínari tíð vóru við til at smíða skip, men hesir eru flestu komnir nak­ að upp í árini. Tí er tað bara ein spurningur um tíð, nær hetta handverk fer í søguna – um ikki okkurt hendir. Hann vísir á, at tað hevði komið væl við hjá Skála Skipasmiðju og føroyskum skipasmíði, um teir fingu onkran sáttmála aftrat nak­ að skjótt. - Hetta kundi verið við til at lagt nýggjar lunnar undir føroyskt skipasmíð, sigur hann. Dánjal leggur dent á, at slík skipabygging, sum hon, ið Skála Skipasmiðja nú hevur í gongd, als ikki hevði komið upp á tal við teirri manning, sum skipa­ smiðjan hevur. - Skalt tú vera kappingar­ førur, er neyðugt, at arbeið­ ið verður fingið frá hondini skjótt, væl og fyri ein kapp­ ingarføran prís. Alt annað er óhugsandi, sigur fyri­ sitingarleiðarin. Liðugt í oktober Hjálparskipið, sum Skála Skipasmiðja smíðar til Thor, verður 55 metrar langt. - Sum nevnt, skal skrokk­ urin verða liðugur longu í juni, og alt arbeiðið frá okkara síðu skal verða lið­ ugt hálvan oktober. Dánjal Andreassen sig­ur, at tá skal skipið verða liðugt á tann hátt, at tað kann góðkennast og sigla. Soleiðis skal alt tað mekaniska og allur el- útbúnaður verða liðugur. - Síðan fer skipið av landi­num til sandblásing og máling, og hetta verður helst gjørt í eini stórari høll i Hirtshals. Hann sigur, at føroyska veðurlagið er ikki nóg gott og støðugt til slíkt arbeiði uttandura. - Tí má hetta gerast uttanlands, sigur fyrisiting­ ar­leiðarin, Dánjal Andreas­ sen. Stór skip Á Skála Skipasmiðju hevur annars verið hampiliga fitt av arbeiði í longri tíð, men í seinastuni hevur verið heldur minni at gera. - Vit hava havt einar tveir og tríggjar stórar russarar her inni, og onkur hevur verið uppi í dokkini. Teir gera nógv sjálvir við skip­ ini, men nakað er so fallið av til okkum. Teir hava eis­ini keypt hjá okkum og hava leigað amboð her, sigur Dánjal. Hann vísir á, at tann eini russiski trolarin, sum teir høvdu uppi í dokkini, er 120 metrar langur. - Hetta er eitt rættiliga stórt skip, og undir slíkum umstøðum er torført at ar­beiða upp á skipið uttan­ borða, tí tað fyllir so nógv í dokkini, leggur hann aftrat. Mánadagin fór Skála Skipasmiðja eisini undir at skifta motorin á einum íslendskum brunnbáti, sum breyt motorin, meðan teir arbeiddu í Føroyum. Føroyskt skipasmið við at fara í søguna - Hetta er eitt rættiliga stórt skip, og undir slíkum umstøðum er torført at arbeiða upp á skipið uttanborða, tí tað fyllir so nógv í dokkini, sigur Dánjal Andreassen Mynd: Vilmund Jacobsen - Skalt tú vera kappingarførur, er neyðugt, at arbeiðið verður fingið frá hondini skjótt, væl og fyri ein kappingarføran prís. Alt annað er óhugsandi, sigur fyrisitingarleiðarin, Dánjal Andreassen Mynd: Vilmund Jacobsen