fríggjadagur 9. februar 2007síða 4

4 Nr. 29 - 9. februar 2007 tíðindi Nú verður leitað eftir einum nýggjum Hotel Tórshavn í Keypmannahavn til sjúkar føroyingar, sum verða sendir til Danmarkar og avvarðandi hjá teimum. Nýggja hotellið skal vera bæði størri og betri enn tað, sum nú er Sjúkrahotel Áki Bertholdsen aki@sosialurin.fo Gongst sum ætlað, fáa før­ oyskir sjúklingar í Danmark munandi betri umstøður. Tað hevur leingi verið ein sannroynd, at Hotel Tórs­havn í Keypmannahavn er alt ov lítið til at nøkta tørvin. Tað er eisini staðfest, at um­støðurnar á hotellinum eru ov vánaligar til nógvar sjúklingar og teirra avvarð­andi. Og nú hevur landsstýrið ásannað, at tað ikki ber til at gera fleiri ábøtur á Hotel Tórshavn og at tað tískil er neyðugt at útvega eitt heilt nýtt Hotel til føroyskar sjúk­ lingar í Keypmannahavn og teirra avvarðandi. – Støðan er so vánalig at hon er við at verða ótolandi. Tískil hava vit í eina tíð leitað eftir einum nýggjum hot­elli, sigur Hans Pauli Strøm, landsstýrismaður í al­manna- og heilsumálum. Hava funnið húsið Og nú metir landsstýrið seg at hava funnið eitt hús, sum er væl hóskandi til endamálið. Men nú er tann stóri Spurn­ ing­urin, um tað yvirhøvur ber til at fáa fatur á húsinum, antin til keyps ella til leigu. Talan er um eitt gamal røktar­heim, sum ein sjálvs­ ognarstovnur eigur. Røktar­ heimið er latið aftur og nú er húsið til sølu. – Talan er um eitt hús, sum liggur væl fyri í Keyp­ manna­havn, sigur Hans Pauli Strøm. Hann sigur, at tað er ein treyt við húsinum, at tað skal brúkast til almanna enda­­mál og tí heldur hann, at tað eisini hevði verið góð­ tikið, at tað verður brúkt til sjúklingahotel. – Stóri meinbogin er tann, at eisini Keypmannahavnar Kommuna vil hava fatur á hús­inum at brúka til heim­ leys. Hans Pauli Strøm stúrir fyri, at ætlar Keypmannahavnar Kommuna sær húsini, verður torført hjá landsstýrinum at fáa tey fyri nøsini á teim­um. – Men ætlanin er ikki at geva skarvin yvir, tí vit fara framvegis at royna at fáa fatur á húsinum. Hann sigur, at sostatt hev­ ur landsstýrið biðið før­­oyska umboðsmannin í Keyp­ mannahavn og leið­ar­in á Hotel Tórshavn seta seg í sambandi við bæði sjálvs­ognarstovnin, sum eigur bygningin og við Keyp­­­mannahavnar Komm­ unu í eini roynd fáa ljóð fyri, at húsið verður brúkt til sjúk­ lingahotel. Men av tí sama, er tað enn óvist um tað yvirhøvur ber til at fáa fatur á húsinum. Hetta húsið er væl størri enn Hotel Tórshavn, sum nú er og Landsstýrið leggur stóran dent á at fáa fatur á tí til sjúklingahotel. – Á Hotel Tórshavn kunnu í allar besta føri stívliga 80 fólk gista. Men umstøðurnar eru ikki góðar og nú eru karm­ arnir á hotellinum sprongd­ir. Eitt nú kunnu vit ikki bjóða sjúklingum, sum eru í drúgvari viðgerð, at tey skulu búgva á Hotel Tórshavn. – Hinvegin eru møgu­ leik­arnir at byggja hotellið út, at kalla uppi. Men so liggur tað ovaliga í einum háhúsi, so tað er ikki serliga sjúklingavinarligt og heldur ikki serliga hóskandi hjá rørslutarnaðum. Nógv størri og betri Í bygninginum, vit nú hava kastað eyguni á, eru 75 køm­ur, so har eru rúmd fyri væl fleiri fólkið enn á Hot­ellinum, vit hava nú. Har­afturat er húsið í nógv betri standi og umstøðurnar inni nógvar ferðir betri enn á hotellinum, sum nú er, sigur Landsstýrismaðurin. Eydnast ikki at fáa fatur á hesum húsinum, verður leitað aðrar vegir. Men tað er í Keyp­manna­ havn sum í øllum øðrum stór­ býum, at tað er sera torført at fáa fatur á hølum, sum liggja væl fyri. Sostatt er enn óvist at siga, nær tað ber til at fáa fatur á húsinum, ella um tað eydnast at fáa fatur á hús­inum yvirhøvur. Tá ið Hotel Tórshavn varð leigað fyri seks, sjey árum síðani, bant landsstýrið seg til at leiga hølini í 20 ár. So verður nýtt hotel útvegað, mugu eisini útvegir finnast fyri at sleppa burturúr leigi­ málinum, sigur Hans Pauli Strøm. Sjúkir føroyingar í Danmark skulu hava tað nógv betri Annars eru fleiri ábøtur gjørdar á Hotel Tórshavn hesi bæði síðstu árini. – Ein bati er, at síðani 2005 hava húski við illa sjúkum børnum havt tilboð um at búgva á Ronald McDonald Húsinum í Keypmannahavn, ímeðan barnið er innlagt á Ríkissjúkrahúsinum, sigur Hans Pauli Strøm. Ronald McDonald Húsið er eitt sjúklingahotel fyri børn. At kalla samstundis hev­ur tað eisini borið til hjá sjúk­ lingum við veikari immun­ verju at fáa bústað í íbúð í Keypmannahavn ímeðan tey eru í viðgerð. Her kann vera talan um fólk, sum skulu hava mergtransplantation og sum tískil ikki kunnu búgva sanman við øðrum, sjúk­lingum av vanda fyri smittu. Somuleiðis kunnu sjúk­ lingar, sum hava bíðað eftir transplantatión ella líkn­ andi í longri tíð, fáa íbúð í Keypmannahavn at búgva í fyri at tryggja, at teir kunnu hava eina so vanliga til­veru sum til ber undir sjúkra­ leguni. Hans Pauli Strøm sigur, at í løtuni verður eisini arbeitt við at fáa sjey kømur afturat á Hotel Tórshavn . Tey kømrini skulu brúkast til sjúklingar og fylgjarar, ið Sjúklingahotellið annars plagdi at húsa aðrastaðni í býnum. Umstøðurnar hjá rørslu­ tarn­aðum at sleppa inn og út av Hotel Tórshavn eru eis­ini alt ov vánaligir og tí verður eisini arbeitt við at betra um umstøðurnar hjá teimum. Tað verður gjørt við at gera nýggja høvuðs­ inngongd til hotellið og tað arbeiðið verður liðugt í næsta mánaði. Føroyska Sjúklinga­ hotellið í Danmark við at sprongjast Trýstið á Hotel Tórshavn í Keyp­ manna­havn er nógv økt seinastu árini og nú er hotellið ov lítið Hotel Tórshavn Áki Bertholdsen aki@sosialurin.fo Tey, sum gista á sjúk­linga­ hotellinum Tórshavn í Keyp­mannahavn, eru mun­andi økt í talið seinastu árini. Tá ið Hans Pauli Strøm, landsstýrismaður í al­­mannamálum, greiddi frá virkseminum hjá hotellinum í Løgtinginum í vikuni, Tað var Jørgen Nicla­ sen, Løg­tings­mað­ur, sum spurdi Lands­stýr­ ismannin, hvørjar ætl­ anir eru fyri sjúk­linga­ hotellinum. Tá segði landsstýris­ maður­in, at gisting­ing­ar­ nar eru nógv øktar, serliga hetta síðsta hálva árið ella meira. Sjúklingahotellið varð tik­ið í nýtslu um árs­ skiftið 1999/2000, og í 2001 vóru gott 1.400 við­ gerðaruppihald, men í 2006 2006 vóru um 1.900 viðgerðaruppihald. Tað er ein vøkstur uppá um 500. Umframt hetta vóru í 2001 gott 1.000 fylgjarar á hot­ell­in­um men í 2006 var talið um um 1.300 fylgj­arar. Hóast Hotel Tórshavn í Keypmannahavn bara er seks ára gamalt, er tað longu ov lítið og nú verður leitað eftir nýggjum hotelli Fleiri ábøtur gjørdar Nògvar ábøtur eru gjørdar á Hotel Tórshavn seinastu tvey árini, men tað munar ov lítið og nú eru teir møguleikarnir uppi, sigur Hans Pauli Strøm