fríggjadagur 16. februar 2007síða 15

Nr. 34 - 16. februar 2007 15 Dagurin 17. februar. Finandus, deyður ár 603. Írskur abbati í kleystrinum Cloneenagh í Írlandi. 18. februar. Concordia, deyð umleið ár 250. Lítið kend halgikona í fornkirkjuni. 19. februar. Ammon, deyður umleið ár 250. Var ein av teimum rómversku hermonnunum, sum við at síggja dirvi og trúarvissu teirra kristnu, sjálvur gjørdist kristin og varð tikin av døgum. 95 ár Føstulávintsmánadag fyllir Petra Samuelsen í Havn 95 ár. Dagurin verður hildin saman við børnum, ommubørnum og langommubørnum nøvn Í sambandi við eina fram­ sýning sum verður á ólavsøku í ár í gamla realskúlanum í Havn leitar Jórunn Dánials­ dóttir eftir myndum av lær­arum og mæmingum í “Færø­ernes Mellem- og Real­skole” í tíðarskeiðnum 1916 til 1966. Jórunn heitir á tey, sum eiga myndir frá hesum tíðar­ skeiði, um at ringja til sín á tel. 316024 ella 226024. Myndirnar kunnu eisini latast inn ”navnmerktar” í Wrangler Shop í N. Finsens­ gøtu 23 (tel. 314710). Færøernes Mellem- og Realskole: Realskúlaprógv í 1916 Hesi tóku realskúlaprógv í 1916. Aftara rað f.v.: Grøni-Marni, Danmark, Anton Djurhuus, Kollafjørður, Knud Nygaard, Martin Djurhuus, Tórshavn, og Evald Arge Tórshavn. Fremra rað f.v.: Jacob Jacobsen, Tórshavn, Haraldina, Vestmanna (gift til Hoyvíkar), Lina á lag, Tórshavn, og Jørgen Frants Jacobsen, Tórshavn. Aftan fyri á myndini stendur ”Tórshavn, tann 20. juli 1916, Realeksamen”. Um onkur hevur okkurt at viðmerkja í samband við hesa myndina, eru tey vælkomin at kontakta Jórunn. Myndaeigari: Liss Rasmussen Leygardagin 17. februar letur listaframsýning upp í Smiðjuni í Lítluvík. Tað er listamaðurin Helgi Mid­ jord úr Fuglafirði, sum fer at sýna fram 16 olju­ málningar, ið hann hevur málað nú í heyst og vetur. Til ferniseringina, sum verður leygardagin kl. 16, verður fólkatónleikur og klass­iskur tónleikur eisini at hoyra. Hjá Helga gera tær listar­ ligu gávurnar seg nevniliga eisini galdandi innan tón­ leik­in, so Helgi fer sjálvur at syngja og spæla nøkur løg, og harafturat fer Niels Midjord eisini at framføra nøkur løg. Møguleiki er at síggja máln­­ingarnar hjá Helga til og við mikudagin 21. februar, tá framsýningin endar. Helgi Midjord í Smiðjuni Tað var ikki fyrrenn, at hann í viku­ skiftinum hevði lítla tøkk í blaðnum, at vit gáaðu um, at vinmaðurin, Jógvan Michael Matras, á pálsmessu, 25. januar, fór um tey 70. Tá var hann í Danmark hjá systrini. Í huga og verki er tað einki, sum boðar frá, at Michael er komin so høgt upp í árini. Michael er ættaður úr Klaks­vík, men hevur djúp­ar røtur norður til Viðar­eið­is, ið hann eisini kennir sum sína heimbygd og al­tíð hevur vitjað og vitjar nógv. Foreldrini vóru bæði av Viðareiði. Pápin var Gutt­orm, sum var ættaður av Brekku­mørk, og mamman var Elin Margretha fødd Joensen hjá Dala og ættað uppi við Garð. Elin og Guttormur bú­sett­ust á Stongum, og tey fingu trý børn: Anna Elisa­beth (1931), Bjarni (1934) og Michael (1937). Anna Elisabeth býr í Keyp­mannahavn, og Bjarni búði í Klaksvík. Nú eru longu fleiri ár síðani, at hann flutti foldum frá. Eftir millumskúlan og real­prógv­ið í Klaksvík fór Michael til Havnar, har hann leyk matematiskt stud­­ents­prógv í 1958. Eftir vikar­starv í heimbygdini fór Michael á Læraraskúlan, har hann tók prógv í 1962. Í 1963 gjørdist Michael lærari í Klaks­vík, og har tænti hann – burt­ur­ sæð frá árunum tá ið hann var und­ir eftirútbúgving - inntil hann 1. aug­ ust í 1997 fór úr starvi. Michael var deildarleiðari í Skúlanum við Ósánna 1976-80 og varaskúlastjóri í Skúlanum við Ósánna 1980-97. Eitt árið var hann settur skúlastjóri. Michael var nærlagdur og dugna­ ligur lærari. Hann var ein av teimum, sum støð­ugt var undir útbúgv­ing, bæði heima á landi og í Keyp­manna­ havn. Longu meðan hann var undir læraralestri í høvuðsstaðnum, var Micha­el hjálparmaður á Náttúru­ gripa­­savninum og hjálpar­maður í jarð­frøðiliga kort­­leggingararbeiðnum í Norð­oyggjum. Royndirnar saman við fleiri av fyrstu akademikarunum á Fróð­skap­ ar­setrinum bóru við sær, at Michael og fleiri av lærarajavnaldrum hansara fingu so holla útbúgving, sum tað skal leitast leingi eft­ir. Teir vóru serfrøðingar í øll­um millum fjals og fjøru og í sjónum. Útbúgvingin og ikki minst góða sambandið til Viðareiðis munnu vera or­­søkir til, at Michael er sjáld­sama kringur í móður­mál­­inum. Michael hevur góðar skaldagávur, og tað er ikki evnaleyst rímsmíð, ið Micha­el havur lagt fyri dagin, tá hann hevur yrkt til ymiskar merkisdagar. Men slíkar gávur eru ikki fremmand í ættini. Farbróðurin var Chr. Matras. Michael var býráðslimur fyri javnaðarflokkin 1977-1980, tá ið hann ikki still­aði upp­aftur. Hann var skriv­ ari í Klaks­víkar Arbeiðs­manna­felag 1970-1973, eitt skifti nevnd­arlimur í KÍ og fyrst í seksti árunum skótaleiðari í Skóta­liði Nólsoyar Pálls, sum hann altíð hevur havt sera stór­an áhuga fyri og tokka til. Michael giftist 16. nov­em­ber 1963 við Torgerð fødd Johannesen. Tor­ gerð vaks upp í Hoydølum hjá fastur síni Hannu og Vilhelm Magnus­sen, sum er kendur fyri sítt arbeiði at útrudda tuberklarnar úr Føroyum. Torgerð og Michael bú­sett­­ust á Stongum ella við Skálta­vegin, sum hesin bústaðurin nú verður nevndur. Torgerð og Michael eiga tríggjar dreingir: Kim, Guttormur og Vilhelm. Teir búgva allir í Havn, og abbabørnini hjá Michael eru Sissal og Brandur. Fyri nøkrum árum síðani fluttu Torgerð og Michael til Havnar, har tey búgva á Frælsinum. Michael hevur altíð havt serliga stóran áhuga fyri seyði og seyðahaldi. Hann hevur havt trøð, og tað hevur verið satt balsam fyri hann at fáast við landbúnaðin. Nógvir ungdómar í Klaksvík lærdu í seksti árunum Michael serliga væl at kenna í Klaksvíkar Talvfelag, sum hann endurstovnaði í 1967. Fyrst varð telvað í skúlanum, seinni í ovastu hædd í Føroya Banka, so í HF skúlanum og eingin frøddist meiri enn Michael, tá ið felagið flutti í húsini í Akursmørk. Fyrstu árini hjá endur­stovnaða talv­ felagnum var mest­sum bert talan um “lok­ala” telving. Vestmanna og Havn­in vóru tá nógv tey sterk­­astu talvplássini í Før­­oyum. Men telvingin í Klaksvík mentist skjótt. FM sigrar felagsins hava síðani verið mangir, bæði fyri lið og einstaklingar. Eldsálir úr fel­agnum hava eisini sett sær høg mál. Einaferð fingu teir talvstórmeistaran Nicolic (hann var nr. 5 á heims­styrkilistanum) at búsetast í Klaksvík, har hann var venjari í nærum eitt ár. Og seinni fingu teir ongan minni enn Kasparov til Føroya. Michael fylgir væl við í øllum, sum gongur fyri seg í Klaksvík og Norðoyggjum, og ikki minst, tá ið ítróttar­tiltøk eru á skránni, er hann fastur fúsur. Einki verður tikið frá nøkrum, tá ið vit siga, at hjartabarnið er talv­felagið. Tað er ikki so undar­ligt. Michael stríddist og eigur avgerandi lut í, at tað eydnaðist at fáa telvingina og talvfelagið at koma fyri seg. Hjartaliga tillukku góði frændi! SJ Michael Matras 70 ár