týsdagur 20. februar 2007síða 6

6 tíðindi Nr. 36 - 20. februar 2007 – Eg havi onki ímóti at prísurin á jørð, verður endur­skoð­að­ ur, men tað skal gerast við varsemi og landið skal ikki hava okursprís, sigur Bjarni Djurholm Byggilendi Áki Bertholdsen aki@sosialurin.fo – At prísurin á byggilendi verður gækkaður, hevur ikki so nógv at siga fyri tann einstaka. Tað Bjarni Djurholm, lands­ stýrismaður í Vinnumálum, sigur at hann hevur onki ímóti, at Búnaðarstovan ætl­ ar at dagføra prísin á jørð. Í Sosialinum í gjár skriv­ aðu vit, at ætlanin er at hækka prísin á jørð og at tað fer at vera eitt bakkast hjá teimum, sum skulu byggja. Vit søgdu, at gongur, sum ætlað hjá Búnaðarstovuni, fer eitt grundstykki í Havn at vera einar 40.000 krónur dýrari. Bjarni Djurholm, lands­ stýr­ismaður, sigur, at tað er skeivt at blanda hann upp í, tí hetta er ikki eitt mál, sum er á borðinum hjá Vinnu­ málaráðnum. – Hetta er eitt mál, sum Búnaðarstovan arbeiðir við, sigur hann. Men Vinnumálaráðið er kæru­myndugleiki og tí kann tað henda, at tað endar á borð­inum hjá lands­stýr­ ismanninum. Men fyrrenn tað hendir, hava vit onki við málið at gera. Men Búnaðarstovan er ein stovnur undir Vinnu­mála­ ráðn­um og stovan hevur vent sær til Vinnumálaráðið og boðað frá, at ætlanin er at dagføra prísin á jørð, Tí teir eru ikki dagførdir síðani fyrst í sjeytiárunum. – Vit hava boðað frá, at vit hava onki ímóti at prísirnir verða dagførdir, tí tað eru teir ikki blivnir í yvir 30 ár og hevur sostatt heldur ikki fylgt prístalinum, sigur Bjarni Djurholm. Men Vinnumálaráðið hev­ ur eisini boðað frá, at hetta skal gerast við varsemi. – Tey, sum longu hava søkt um jørð og tey, sum hava hava eina væl grundaða vón um at fáa jørð fyri gamlan prís, skulu hava jørð fyri gamlan prís. – Landið skal heldur ikki okra jørð og tí skal prísurin ikki vera so høgur, at hann forðar fyri menning og út­bygging. Tí haldi eg, at jørð­in skal seljast sum bíligt, sum tilber. Bjarni Djurholm leggur afturat, at eftirlit eigur eisini at vera við, at lendið, sum er keypt frá tí almenna, veruliga verður brúkt til tað endamál, sum tað er keypt til. Men av tí, at Vinnu­mála­ ráðið ikki er partur í mál­in­ u­m enn, kennir hann heldur onki til, hvussu nógv ætlanin er at hækka prísirnar kring landið. Um Hetta fer at gera tað tor­førari hjá kommunum at útvega grundstykki, hevur hann onga viðmerking til. Men bæði borgarstjórin í Havn og varaborgarstjórin í Runavík, vísa á, at tað er alt ov ósmidligt at fáa jørð til bygging, tí tað gongur ov long tíð. Teir halda, at tað einasta rætta er at kommunurnar fáa framíhjá rætt til lendið, sum liggur í byggiøkinum í býarætlanunum og so skulu grund­stykkini fella til gjald­ ingar, so hvørt tey verða seld. – Hetta er ein ítøki­lig atfinning ímóti Búnaðar­stov­ uni, sum tey mugu svara fyri, sigur Bjarni Djurholm. Hann veit heldur ikki um tað í sær sjálvum er upp­gávan hjá tí almenna at tryggja bíligt byggilendi so at frívirðið verður størri enn hjá einum, sum keypir privat grundstykki fyri mangt slíkt. Landstýrismaðurin vísir eisini á, at úti á bygd er tað vanligt, at kommunur ikki gera so nógv burturúr byggi­ búningini,sum kommunan Havn ger. Harafturat er eisini vanligt, at kommunur átaka sær ein part av kostnaðinum fyri byggibúningina og so­statt selja grundstykkini við halli fyri at eggja fólki at seta búgv. Sostatt heldur hann, at undir øllum umstøðum er prísurin, sum landið tek­ur fyri byggilendi, ein ógvu­ liga lítil partur av sethúsa­ byggingini. Ílagi at prísurin á byggilendi hækkar Í farnu viku skrivaði landsapotekarin undir sáttmála sum tryggjar okkum rætt til nóg mikið av koppsetingarevni til at koppseta helvtina av øllum føroyingum fyri fuglakrím Fuglakrím Áki Bertholdsen aki@sosialurin.fo Føroyingar hava nú tikið eitt týdningarmikið stig í roynd­un­ um at basa fuglakrími, skuldi tað ringasta hent og tað gerst ein heimsumfatandi farsótt. Í farnu viku skrivaði Heri Mørkøre, landsapotekari, undir sáttmála við altjóða heili­vágsfyritøkuna, Glaxo­ Smith­Kline, um at fáa kopp­ set­ingarevni. Landsapotekarin sigur, at sáttmálin tryggjar føroy­ing­ um forkeypsrætt til um­leið 48.000 skamtir av kopp­ setingarevninum. Tað er nóg mikið til at kopp­seta helmingin av Føroya fólki, tí hvørt fólk skal koppsetast tvær ferðir. Men hetta merkir ikki, at tað ber til at hava koppseting­ ar­evni á goymslu, so at vit eru til reiðar at koppseta fólk, beinanvegin ein umfarsótt tekur seg upp. Hetta er ein virus, sum broytist alla tíðina og sostatt ber ikki til at fara undir at gera koppsetingarevni, fyrr­ enn talan er um eina heims­ farsótt, so at vit vita, hvussu tað sær út akkurát tá. Eisini til hina helvtina Samstundis sum vit longu hava skrivað undir sáttmála um koppsetingarevni til ann­ an­hvønn føroying, verður nú eisini arbeitt við at útvega koppsetingarevni til hina helvtina av fólkinum. Landsapotekarin hevur lagt eitt tilmæli fyri Almanna- og heilsumálaráðið um at fáa heimild til eisini at útvega koppsetingarevni til hina helvtina av fólkinum. Sostatt er ætlanin at útvega okkum forkeypsrætt til eina 48.000 skamtir afturat. Hans Pauli Strøm, lands­ stýrismaður, sigur, at til­ mælið er til viðgerðar í um­sit­ ingini. Men hann ivast ikki í, at Landsapotekarin fær hesa heimildina og at hetta verður avgreitt ein av næstu døgunum. – Vit kunnu ikki liva við, at vit bara hava kopp­ set­ingarevni til helvtina av føroyingum. Tí skulu vit eis­ ini hava koppsetingarevni til hina helvtina av fólkinum, sigur hann. Men harafturat eru Før­ oyar eisini við í eini norður­ lendskari ætlan um at fram­ leiða kopsetingarevni, skuldi tað verið neyðugt. – Sostatt eru vit tryggjað so væl sum tilber, tí vit hava bæði tryggjað okk­um forkeypsrætt til kopp­setingarevni til all­ar føroyingar, sam­stund­is sum vit eru við í eini norðurlendskari tilbúgv­ing­ar­ætlan, sum hevur til endamáls at fara undir at framleiða meiri koppingar­ evni og onnur sløg av kopp­ ing­arevni, skuldi tað verðið neyðugt. Tilbúgving klár Harafturat hava føroyingar gjørt okkara egnu tilbúgv­ing­ arætlan, skuldi tað hent, at Fuglakrímið verður til eina heimsumfatandi umfars­ sótt. Hans Pauli Strøm sigur, at hendan tilbúgvingarætlanin ásetir ábyrgdarbýtið ímillum ymsar stovnar, verða vit rakt av eini slíkari umfarsótt. Samstundis ásetir hendan tilbúgvingin, hvørji tiltøk skulu setast í verk, tá ið ein heimsfarsótt við fráboðað. Millum annað verður ásett, hvussu tey skulu fyri­ halda seg á flogvøllinum og á sjúkrahúsunum. Tað er eisini ásett, hvussu farast skal fram um so er, at fólk skulu avbyrgjast heima og hvør skal avbyrgjast heima ella skal í karantenu. – Føroyar vóru í veru­ leikanum fyrsta norður­ landið, sum hevði eina slíka tilbúgvingarætlan, sigur Hans Pauli Strøm. – Úrslitið av hesi til­búgv­ ingini og tað at vit hava tryggjað okkum koppset­ing­ ar­evni, ger, at føroyingar eru rættiliga væl brynjaðir, skuldi Fuglakrímið verðið til eina heimsfarsótt, sig­ ur landsstýrismaðurin í al­manna- og heilsumálum. – Okkara Heilsuverk og okkara apoteksverk hevur arbeitt fyrimyndarliga á hes­um øki, so at vit eru væl fyrireikað at taka ímóti hesi avbjóðingini, skuldi hon komið, leggur hann afturat. Føroyingar brynja seg út til at basa fuglakrími Føroyingar eru nú rættiliga væl brynjaðir at taka ímóti eini umfarsótt av fuglakrími, skuldi tað hent, at hon fer at gera um seg Øði um pornomessu Í næsta mánað verður ein pornomessa í Reykjavík, men íslendsku politikararnir eru als annað enn fegnir um tiltakið. Málið verður mett so álvarssamt, at tað bleiv umrøtt í Altinginum í gjár. Millum teirra, sum tóku orðið, var forsætisráðharrin, Geir Haarde, og hann lat ongan iva um vera um, at hann er ímóti tiltakinum. Tað sama hevur Vilhjálmur Vilhjálmsson, borgarstjóri, sagt, og hann umhugsar at banna pornomessuni. Fáa ikki bíligari øl Í seinastuni hava røddir í Svøríki mælt stjórnini til at lækka avgjøldini á víni og øli. Millum teirra, sum hava tikið undir við tankanum, eru fleiri borgarligir politikarar, men í gjár gjørdi borgarligi forsætisráðharrin, Fredrik Reinfeldt, greitt, at stjórnin fer ikki at lækka avgjøldini. Tey, sum taka undir við at lækka avgjøldini, siga, at tað er neyðugt fyri at tálma tí stóra ølinnflutninginum, men Fredrik Reinfeldt sigur, at tað er ikki pláss fyri lækking á fíggjarlógini.