mikudagur 21. februar 2007síða 4

4 Nr. 37 - 21. februar 2007 tíðindi Orðini hava tagnar­ skyldu er heitið á fyrsta yrkingar­ savninum hjá 18 ára gomlu Siggu-Mariu Hjalmarsdóttir Høj­ gaard úr Hoyvík. Í savninum eru 19 yrk­ ingar á føroyskum og enskum, og Ment­anar­ grunnur Landsins hevur stuðlað útgávuni Bókmentir Rigmor Dam rigmor@sosialurin.fo Hon er fødd og uppvaksin á Landavegnum í Havn, eitt skifti búði hon í Nyborg og tannárini búði hon í Suðri og í Hoyvík. Nú gevur hon sítt fyrsta yrkingarsavn út, “Orðini hava tagnarskyldu”. Yrkingar um kenslur, hugs­an­ ir og lívið hjá einum ungum føroyskum tannáringi á ferð - í tíð og stað. – Tað kennist sum ein lætti at sleppa at skriva. Mest fái eg burturúr, tá ið høvdið stendur at bresta. Sigga-Maria Hjalm­ arsdóttir Høj­gaard byrjaði at yrkja longu tá hon var 10-11 ára gomul. Tær 19 yrking­ar­ nar í hesum fyrsta yrk­ing­ ar­savninum eru eitt úrval úr umleið 70 yrkingum, sum hon hevur skrivað hesi árini. Yrkingarnar eru á før­ oyskum og enskum máli. Ein spegling av málsliga ger­andisdegnum hjá dagsins ungdómi og hennara egnu lívsferð. – Tað byrjar sum oftast við, at ein setningur kemur til mín, okkurt sum hevur ávirkað meg, og tað byggi eg so á. Fyrst má tangin fyllast við hugskotum. So kann eg fara at tappa. Tí skrivi eg í tíðarskeiðum, tá okkurt avgerandi er hent. Okkurt, sum ávirkar meg. Síðani festi eg kenslurnar á blað. Yrkingarsavnið “Orðini hava tagnarskyldu” er giv­ið út við fíggjarligum stuðli úr Mentanargrunni Landsins í sambandi við, at grunnurin letur stuðul til ungar føroyskar útgevarar. Savnið er sett upp og prent­ að á Føroya Prenti. Permu­ myndina hevur høvundurin málað. Savnið fæst til keyps í bókabúðum í Havn í næstum og kostar 60 krónur. – Ein góð yrking er ein, sum tú fært í høvdið og ikki kanst sleppa fyrr enn hon er skrivað niður. Hesar yrkingarnar eru ikki bara um meg sjálva. Eg fái eisini íblástur av umstøðunum og viðurskiftunum hjá øðrum. Sum ungur stendur tú ofta í nýggjum og ókendum støð­ um. Yrkingarnar í hesum savni eru um nakað av tí, sum hendur í huganum hjá einum ungum menniskja í dag; kenslur, hugsanir og lívsins stóru spurningar. Starvið Vit sóknast eftir einum samstarvssterkum fulltrúa til menningardeildina í Vinnumála- ráðnum. Tú kemur at taka tær av at menna vinnulívið og lóggávuna á hesum øki. Arbeiðið krevur gott yvirlit og evni til at halda fleiri bóltar í luftini í senn. Ítøkiligar uppgávur eru í løtuni m.a. einskiljing av Føroya Tele, Atlantic Airways og Føroya Lívstrygging. Yvirtøka og útbygging av flogvøllinum, dag- føring av vinnulóggávum og at smíða nýggj- ar kappingar- og marknaðarføringarlógir. Vit ynskja: At tú hevur útbúgving frá hægri lærustovni, t.d. í stjórnmálafrøði, búskaparfrøði ella løg- frøði. Onnur útbúgving kann eisini lúka krøvini. Persónar við viðkomandi royndum frá almennari ella privatari fyrisiting hava fyrimun. Vit bjóða: Eitt opið, ágrýtið og fjølbroytt starv í einum góðum umhvørvi, sum tú eisini sjálv/ur er við til at skapa, fjølbroyttar uppgávur í tøttum sambandi við vinnulívið, og eitt starvspláss, sum setur høg krøv um at røkka sett mál. Setanartreytirnar eru eftir sáttmála millum lønardeildina og viðkomandi fakfelag. Sendið umsóknina innan 26.2 til vmr@vmr.fo ella Postboks 377, 110 Tórshavn. Meira fæst at vita um starvið við at venda sær til Vinnumálaráðið. Deildin fyrisitur almenna vinnumenning, lóggávu og vinnuligt undirstøðukervi. Herímillum vinnu- framamál, ársroknskaparmál, partafelagsmál, gran- nskoðanarmál, fjarskiftismál, KT-vinnu, postmál, kappingarmál, marknaðarføringsmál, vega- og havnamál, ferðslu og flogferðslumálkappingar-, ferðavinnu- og menningarmál. VINNUMÁLARÁÐIÐ Hevur tú áhuga fyri føroyska vinnulívinum? Vil tú vera við til at menna vinnulívið, so tað verður sterkari her heima og á altjóða pallinum? Tinganes, postsmoga 377, 110 Tórshavn, tel. 356060 vmr@vmr.fo STEPHANSSONS HÚS 314291 Debutantur gevur út yrkingarsavn