týsdagur 27. februar 2007síða 20

20 Nr. 41 - 27. februar 2007 vinnusíðurnar Norska Útflutnings­ ráðið setir stórar vónir til eitt slíkt tiltak og heldur, at tær umleið 5 miljónir krónurnar, sum luttøkan í Brasilia kostar, er ein góð íløga í marknaðar­ føringina av norskum fiskavørum Marknaðarføring Vilmund Jacobsen vilmund@sosialurin.fo Norska fiskivinnublaðið Fiska­ren hevur gjørt rætti­ liga fitt burtur úr norskum átaki í Brasiliu í sambandi við árliga karnevalin, ið er eitt stórt føstulávintstiltak. Blaðið kallar greinina, sum fyllir tað mesta av tveim­um síðum við mynd­ um, fyri »I sambatakt for klipfisken«. Stóri karnevalurin í Copa­ ca­bana, sum liggur nær við Rio de Janeiro, byrjar 40 dagar fyri páskir, og er so­leiðis eitt stórt og aftur­ vendandi tiltak undan føst­ uni. Tiltakið varar í einar fýra dagar, og við endan av tiltakinum er stór framførsla við kappingum millum dansi­skúlar, sum verður víst í sjónvarpi. Marknaðarføring Brasilia keypir stórar nøgdir av norskum klippfiski, og norðmenn halda, at tað hevur stóran týdning at vera við og gera vart við seg við eitt slíkt høvi, sum brasili­ anski karnevalurin er. Ikki færri enn 40 norskir útflytarar vóru soleiðis við til karneval-tiltakið í Copa­ cabana, og millum hesi vóru fleiri umboð fyri klipp­ fiskaframleiðsluna í Åle­ sund. - Tað er hugaliga og áhugavert at sleppa at um­boða Ålesund undir slík­ um umstøðum. Klipp­fisk­ urin hevur havt ómetaliga stóran týdning fyri býin síðan 1870. Brasilia hevur soleiðis verið við til at sett Ålesund í ein miðdepil, sigur borgarstjórin í Ålesund, Arve Tonning, sum eisini var við í norska ferðalagnum. Tað var norska Útflutn­ ings­­ráðið, sum stóð á odda fyri norsku luttøkuni. Nógvir hyggjarar Fiskaren metir, at umleið 2,3 miljardir fólk kring um heimin síggja upptøkurnar av endaligu framførsluni, tá samba-skúlar í Brasiliu kapp­ast um at enda í fremstu røð. Væntandi er eisini, at eini 85 av 180 miljónum fólkum í Brasiliu síggja hesa framførslu á sjónvarpsskíggja. Norska Útflutningsráðið set­ir tí stórar vónir til eitt slíkt marknaðarføringsti­l­ tak og heldur, at tær umleið 5 miljónir krónurnar, sum tiltakið kostar, eru ein góð íløga í marknaðarføringini av norskum fiskavørum í Brasiliu. Norðmenn eru úti um seg: Dansa samba og selja fisk í Rio de Janeiro Nógv skip til Íslands Talið á ferðamannaskipum, sum leggja at í Íslandi, verður so stórt í ár sum ongantíð fyrr. Sambært Morgunblaðnum fara minst 75 skip at leggja at í ymsum íslendskum havnum í 2007, og mett verður, at ferðafólkatalið verður oman fyri 60.000. Í fjør løgdu 74 útlendsk ferðamannaskip at í Íslandi, og higartil hava 75 boðað frá, at tey koma í ár. Tað fyrsta verður nýggja norska skipið Fram, sum leggur at í Reykjavík tann 26. mai á veg til Grønlands. Ósemja um skatt Danska stórfelagið A.P. Møller-Mærsk er sera misnøgt við eina broyting í donsku skattalógini, tí felagið vil vera við, at broytingin fer at kosta oljuframleiðslu felagsins í Norðsjónum óríniliga nógvar pengar. Stjórnin sigur í sínum lagi, at sum heild kostar broytingin ikki A.P. Møller- Mærsk nakað, men hesum er felagið ikki samt við stjórnini í. Leiðslan í A.P. Møller-Mærsk vil tó ikki siga, hvussu stóran miss hon hevur roknað seg fram til. “Norske tørrfiskeeksportører ta helt ut på karnevalet!” er høvuðsyvirskriftin í norska fiskivinnublaðnum Fiskaren 19. februar. »I sambatakt for klippfisken« er yvirskriftin inni í blaðnum. Norðmenn síggja karnevalin í Brasiliu sum eitt gott høvi at marknaðarføra sínar fiskavørur