týsdagur 27. februar 2007síða 29

29 [ Nr. 41 - 27. februar 2007 ] Óalment FM í inni­ róðri var í auluni í Eyst­ur­skúlanum um viku­skiftið, og her eydn­aðist hjá fleiri av før­o­ysku rógvarunum at seta nýggj føroysk met INNIRÓÐUR Teitur Joensen teitur@sosialurin.fo Nógv fólk var komið saman í auluni í Eysturskúlanum um vikuskiftið, tá óalment FM í inniróðri var á skránni. Tá ið henda kappingin var á skránni í fjør, møttu 114 ymiskir rógvarar til kapp­ing­ ina, men hesaferð vónaðu fyri­skipararnir at fáa enn fleiri luttakarar. Luttakaratalið bleiv eisini metstórt til kappingina um vikuskiftið. Omanfyri 200 rógvarar høvdu leitað sær niðan í Eysturskúlan leyg­ ardagin, og Magni Brøðra­ berg, formaður í Havnar Róðrafelag, var sera væl nøgdur við kappingina. Einstaklingakappingin gekk væl Ávísar broytingar vóru í aldursbólkunum í kappingini í ár í mun til kappingina í fjør. Í kappingini í fjør vóru ikki so nógvir aldursbólkar við, og tí gjørdist munurin í onkrum førum ov stórur millum yngstu og elstu luttak­ararnar í nøkrum av bólkunum. Í ár høvdu fyriskipararnir tó valt at gera fleiri aldurs­ bólk­ar, soleiðis at bert tveir árgangir vóru í hvørjum bólki. Hetta vísti seg at rigga stak væl, tí nú sluppu rógv­ ar­arnir at royna seg ímóti javnaldrum á sama føti. Annars var kappingin skip­að á tann hátt, at ein­ staklingarnir róðu fyrra­ partin, meðan stafettirnar vóru seinnapartin. Magni Brøðraberg sig­ur, at kappingin hjá einstak­ling­un­ um eydnaðist sera væl. – Kappingin eydnaðist sum heild avbera væl, men ser­liga kappingarnar hjá einstaklingunum gingu væl. Alt riggaði, sum tað skuldi, og kappingin bleiv ikki longri enn væntað. – Í liðkappingunum, sum vóru á skránni seinni um dagin, gekk ikki eins væl. Her høvdu vit ávísar teldu­ trupulleikar, tá vit skuldu rokna okkum fram til handi­ captíðirnar í liðkapp­ingini, og hetta gjørdi, at kappingin bleiv eitt sindur seinkað, sigur Magni Brøðraberg. Tvey føroysk met Heili 16 ymiskar kapp­ing­ ar vóru á skránni í Eystur­ skúlanum leygar­dagin. Tvær liðkappingar vóru á skránni seinnapartin, 13 einstaklingarkappingar vóru fyrrapartin, meðan ein kapp­ing í sprinti eisini var á skránni, har allir rógvararnir kundu taka lut. Av teimum 13 einstak­linga­ kappingunum, sum vóru á skránni henda dagin, blivu tvey føroysk met sett. Í opna bólkinum hjá monn­ um í lættvekt eydnaðist Lars Abrahamsen frá róðrar­felagnum, NSÍ, at seta nýtt met á 2000 m tein­in­um. Tíðin hjá honum 6:23.5, og var hann heili 11 sekund frammanfyri Beinir Danielsen á øðrum plássi. Í opna bólkinum hjá kvinn­ um í lættvekt bleiv eisini sett eitt nýtt føroyskt met. Kappingin millum tveir teir fremstu rógvararnar í hesum bólkinum var sera hørð, og báðar kvinnurnar megnaðu at rógva seg til eina tíð, sum var undir gamla metið. Her eydnaðist hjá Katrin Olsen at vinna í tíðini 7:13.5, og beint í hølunum á henni kom Súsanna Skylv Sørensen í tíðini 7:14.7. Hetta vóru tó ikki einastu føroysku rógvararnir, sum komu á mál í eini tíð undir gamla metinum á 2000 m teininum. Anny Maria Davidsen, sum róði í bólk­ inum 17-18 ár hjá kvinnum, kom eisini undir gamla før­oyska metið á 2000 m teininum. Hon kom á mál í tíðini 7:18.7, og var hennara tíð sostatt eitt sekund betri enn gamla metið. Magni Brøðraberg sigur, at hetta var ein sera góð tíð av ungu gentuni, sum rør fyri SÍF. – Anny Maria svimur í eini tíð, sum er undir gamla metið, og hon er bert fimm sekund aftanfyri tíðina hjá Katrin Olsen í opna lættvektsbólkinum hjá kvinnum. Hetta er eitt fram úr gott úrslit av eini so ungari kvinnu. Kundi vunnið DM Í bólkinum hjá dreingjum 13 til 14 ár var bert ein luttak­ari við í kappingini, men hetta vísti seg tó ikki at ávirka úrslitið hjá unga Oyvindi Lützen úr Havnar Róðrarfelag. Hann kom á mál í tíðini 3:30.01, sum verður mett sum ein sera góð tíð. – Oyvind hevur ikki verið við til hesar kappingar áður. Hann ger nógvan annan ítrótt eisini, men tíðin, sum hann setti í Eysturskúlanum leygardagin, er fram úr góð. Hevði hann fingið hesa tíðina í danmarksmeistaraheitinum í inniróðro, so hevði hann róð seg til eitt gullheiðursmerki, sigur Magni Brøðraberg. Góðar vónir fyri føroyska rógving Luttakaratalið var næstan tvífaldað í mun til seinasta ár, tá FM í inniróðri var á skránni. Magni Brøðraberg sigur eisini, at hetta er eitt gott rák fyri føroyska rógving. – Hetta var sera gott, at fáa so nógvar luttakarar til kapp­ingina. Eg haldi, at økta bólkatalið hevur gjørt, at fleiri luttakarar eru komnir við til kappingini, tí nú høvdu teir møguleika at kappast við onnur á sama støði. Eg haldi eisini, at hetta er eitt tekin um, at føroysk rógving er í menning, segði Magni Brøðraberg at enda. Tvey nýggj met í inniróðri Taptu fyri finska Turku Leygardagin fór føroyska landsliðið í fótbólti til La Manga í Spania, har árliga venjingarlegan verður í ár. Fyrsti dysturin á túrinum var ímóti finska felagnum, TSP Turku, og sum skilst, so spældi Føroyar ein góðan dyst. Okkara menn høvdu fleiri góðar møguleikar í dystinum, og tann størsta av teimum fekk Christian Høgni Jacobsen, tá hann sendi eitt skot á tvørtræið. Í staðin fyri eitt ma´til Føroyar, so eydnaðist finska felagnum at vinna dystin, tá teir fingu eitt mál í ensta løtu. Sostatt tapti Føroyar sín fyrsta dyst 1-0. Inniróður í Runavík 14.apríl Um vikuskiftið var óalment FM í inniróðri á skránni í Eysturskúlanum í Havn, og henda kappingin eydnaðist sera væl. Kappingin um vikuskiftið verður tó ikki seinasta kapping í inniróðri á hesum sinni, tí kappróðrarfelagið NSÍ hevur nú boðað frá, at teir skipað fyri eini almennari kapping í inniróðri leygardagin 14. apríl. Kappróðrarfelagið NSÍ boðar eisini frá, at øll eru vælkomin til hesa kappingina. Fleiri enn 200 rógvarar vóru við til óalmennu FM-kappingina í inniróðri leygardagin. Tvey føroysk met blivu sett í kappingini